Narasimha Gadyam

सत्यज्ञानसुखस्वरूपममलं क्षीराब्धिमध्ये स्थितं
योगारूढमतिप्रसन्नवदनं भूषासहस्रोज्वलम्।
त्र्यक्षं चक्रपिनाकस्नाभयकरान्बिभ्राणमर्कच्छविं
छत्रीभूतफणीन्द्रमिन्दुधवलं लक्ष्मीनृसिंहं भजे।
भक्तिमात्रप्रतीत नमस्ते नमस्ते ।
अखिलमुनिजननिवह विहितसवनकदनकर खरचपलचरितभयद बलवदसुरपतिकृत विविधपरिभवभयचकित
निजपदचलित निखिलमखमुखविरहकृशतरजलजभवमुख सकलसुरवरनिकर कारुण्याविष्कृतचण्ड दिव्य नृसिंहावतार स्फुरितोदग्रतारध्वनिभिन्नाम्बरतार निजरणकरणरभसचलितरणद सुरगणपटुपटहविकटरव
परिगत चटुलभटरवरणित परिभवकर धरणिधर
कुलिशघट्टनोद्भूतध्वनिगम्भीरात्मगर्जितनिर्जितघनाघन
ऊर्जितविकटगर्जितसृष्टखलतर्जित सद्गुणगणोर्जित
योगिजनार्जित सर्वमलवर्जित
लक्ष्मीघनकुचतटनिकटविलुण्ठन विलग्नकुङ्कुम पङ्कशङ्काकरारुण मणिकिरणानुरञ्जितविगत शशाकलङ्क शशाङ्कपूर्णमण्डलवृत्त स्थूलधवलमुक्तामणि विघट्टितदिव्यमहाहार
ललितदिव्यविहार विहितदितिजप्रहार
लीलाकृतजगद्विहार संसृतिदुःखसमूहापहार
विहितदनुजापहार युगान्तभुवनापहार
अशेषप्राणिगणविहित सुकृतदुष्कृत
सुदीर्घदण्डभ्रामित बृहत्कालचक्रभ्रमणकृतिलब्धप्रारम्भ
स्थावरजङ्गमात्मकसकलजगज्जालजल धारणसमर्थ ब्रह्माण्डनामधेय महापिठरकरण प्रवीणकुम्भकार निरस्तसर्वविस्तार निरस्तषड्भावविकार विविधप्रकार त्रिभुवनप्रकार अनिरूपितनिजाकार
नियतभिक्षादिलब्धगतरसपरिमित भोज्यमात्रसन्तोष
बलविजित मदमदननिद्रादिदोषजनधनस्नेहलोभादि दृढबन्धनच्छेद लब्धसौख्य सततकृतयोगाभ्यासनिर्मलान्तःकरणयोगीन्द्रकृतसन्निधान
त्रिजगन्निधान सकलप्रधान मायापिधान सुशुभाभिधान
मदविकसदसुरभटमकुट वनानलनिभनयन
विलसदसिकवचभुजघनवनलवननवरुधिरक्रमकल्पित
मीनशञ्चत्तरङ्गशैवालमहाजलूकदुस्तरपङ्कजलनिवहकलित
महासुरपृतनाकमलिनीविलोलनकेलिप्रिय मत्तवारण
दुष्टजनमारण शिष्टजनतारण
नित्यसुखविचारण सिद्धबलकारण
सुदुष्टासुरदारण सदृशीकृताञ्जन
जनदोषभञ्जन घनचिन्निरञ्जन
निरन्तरकृतभक्तवाञ्छन गतसर्ववाञ्छन
विश्वनाटकसूत्रधार अङ्घ्रिधूलिजातखसिन्धुधार
मध्वसृक्लुतचक्रधार जनितकाम
विगतकाम सुरजनकाम
उद्धृतक्षम निश्चलजनसत्क्रियाक्षम
सुरनतचरण धृतरथचरण विविधसुरविहरण
विगतविकार विकरण विबुधजनशरण
सततप्रीत त्रिगुणव्यतीत प्रणतजनवत्सल नमस्ते नमस्ते ।

satyajnyaanasukhasvaroopamamalam ksheeraabdhimadhye sthitam
yogaarood'hamatiprasannavadanam bhooshaasahasrojvalam.
tryaksham chakrapinaakasnaabhayakaraanbibhraanamarkachchhavim
chhatreebhootaphaneendramindudhavalam lakshmeenri'simham bhaje.
bhaktimaatraprateeta namaste namaste .
akhilamunijananivaha vihitasavanakadanakara kharachapalacharitabhayada balavadasurapatikri'ta vividhaparibhavabhayachakita
nijapadachalita nikhilamakhamukhavirahakri'shatarajalajabhavamukha sakalasuravaranikara kaarunyaavishkri'tachand'a divya nri'simhaavataara sphuritodagrataaradhvanibhinnaambarataara nijaranakaranarabhasachalitaranada suraganapat'upat'ahavikat'arava
parigata chat'ulabhat'aravaranita paribhavakara dharanidhara
kulishaghat't'anodbhootadhvanigambheeraatmagarjitanirjitaghanaaghana
oorjitavikat'agarjitasri'sht'akhalatarjita sadgunaganorjita
yogijanaarjita sarvamalavarjita
lakshmeeghanakuchatat'anikat'avilunt'hana vilagnakunkuma pankashankaakaraaruna manikiranaanuranjitavigata shashaakalanka shashaankapoornamand'alavri'tta sthooladhavalamuktaamani vighat't'itadivyamahaahaara
lalitadivyavihaara vihitaditijaprahaara
leelaakri'tajagadvihaara samsri'tiduh'khasamoohaapahaara
vihitadanujaapahaara yugaantabhuvanaapahaara
asheshapraaniganavihita sukri'tadushkri'ta
sudeerghadand'abhraamita bri'hatkaalachakrabhramanakri'tilabdhapraarambha
sthaavarajangamaatmakasakalajagajjaalajala dhaaranasamartha brahmaand'anaamadheya mahaapit'harakarana praveenakumbhakaara nirastasarvavistaara nirastashad'bhaavavikaara vividhaprakaara tribhuvanaprakaara aniroopitanijaakaara
niyatabhikshaadilabdhagatarasaparimita bhojyamaatrasantosha
balavijita madamadananidraadidoshajanadhanasnehalobhaadi dri'd'habandhanachchheda labdhasaukhya satatakri'tayogaabhyaasanirmalaantah'karanayogeendrakri'tasannidhaana
trijagannidhaana sakalapradhaana maayaapidhaana sushubhaabhidhaana
madavikasadasurabhat'amakut'a vanaanalanibhanayana
vilasadasikavachabhujaghanavanalavananavarudhirakramakalpita
meenashanchattarangashaivaalamahaajalookadustarapankajalanivahakalita
mahaasurapri'tanaakamalineevilolanakelipriya mattavaarana
dusht'ajanamaarana shisht'ajanataarana
nityasukhavichaarana siddhabalakaarana
sudusht'aasuradaarana sadri'sheekri'taanjana
janadoshabhanjana ghanachinniranjana
nirantarakri'tabhaktavaanchhana gatasarvavaanchhana
vishvanaat'akasootradhaara anghridhoolijaatakhasindhudhaara
madhvasri'klutachakradhaara janitakaama
vigatakaama surajanakaama
uddhri'takshama nishchalajanasatkriyaakshama
suranatacharana dhri'tarathacharana vividhasuraviharana
vigatavikaara vikarana vibudhajanasharana
satatapreeta trigunavyateeta pranatajanavatsala namaste namaste .

Ramaswamy Sastry and Vighnesh Ghanapaathi

Other stotras