தேவி மாஹாத்மியம் - பிராதானிக ரகசியம்
அத² ப்ராதா⁴னிகம்ʼ ரஹஸ்யம் . அஸ்ய ஶ்ரீஸப்தஶதீரஹஸ்யத்ரயஸ்ய . ப்³ரஹ்மவிஷ்ணுருத்³ரா-ருʼஷய꞉ . மஹாகாலீமஹாலக்ஷீமஹாஸரஸ்வத்யோ தே³வதா꞉ . அனுஷ்டுப் ச²ந்த³꞉ . நவது³ர்கா³மஹாலக்ஷ்மீர்பீ³ஜம் . ஶ்ரீம்ʼ ஶக்தி꞉ . ஸகல-அபீ⁴ஷ்டப²லஸித்³த⁴யே ஸப்தஶதீபாடா²ந்தே ஜபே விநியோக³꞉ . ராஜோவாச . ப⁴க³வன்னவதாரா மே சண்டி³காயாஸ்த்வயோதி³தா꞉ . ஏதேஷாம்ʼ ப்ரக்ருʼதிம்ʼ ப்³ரஹ்மன் ப்ரதா⁴னம்ʼ வக்துமர்ஹஸி . ஆராத்⁴யம்ʼ யன்மயா தே³வ்யா꞉ ஸ்வரூபம்ʼ யேன வை த்³விஜ . விதி⁴னா ப்³ரூஹி ஸகலம்ʼ யதா²வத் ப்ரணதஸ்ய மே . ருʼஷிருவாச . இத³ம்ʼ ரஹஸ்யம்ʼ பரமமனாக்²யேயம்ʼ ப்ரசக்ஷதே . ப⁴க்தோ(அ)ஸீதி ந மே கிஞ்சித் தவாவாச்யம்ʼ நரா(அ)தி⁴ப . ஸர்வஸ்யாத்³யா மஹாலக்ஷ்மீஸ்த்ரிகு³ணா பரமேஶ்வரீ . லக்ஷ்யாலக்ஷ்யஸ்வரூபா ஸா வ்யாப்ய க்ருʼத்ஸ்னம்ʼ வ்யவஸ்தி²தா . மாதுலிங்க³ம்ʼ க³தா³ம்ʼ கே²டம்ʼ பானபாத்ரம்ʼ ச பி³ப்⁴ரதீ . நாக³ம்ʼ லிங்க³ம்ʼ ச யோனிம்ʼ ச பி³ப்⁴ரதீ ந்ருʼப மூர்த⁴னி . தப்தகாஞ்சனவர்ணாபா⁴ தப்தகாஞ்சனபூ⁴ஷணா . ஶூன்யம்ʼ தத³கி²லம்ʼ ஸ்வேன பூரயாமாஸ தேஜஸா . ஶூன்யம்ʼ தத³கி²லம்ʼ லோகம்ʼ விலோக்ய பரமேஶ்வரீ . ப³பா⁴ர ரூபமபரம்ʼ தமஸா கேவலேன ஹி . ஸா பி⁴ன்னாஞ்ஜனஸங்காஶா த³ம்ʼஷ்ட்ராஞ்சிதவரானனா . விஶாலலோசனா நாரீ ப³பூ⁴வ தனுமத்⁴யமா . க²ட்³க³பாத்ரஶிர꞉கே²டைரலங்க்ருʼதசதுர்பு⁴ஜா . கப³ந்த⁴ஹாரம்ʼ ஶிரஸா பி³ப்⁴ராணா ஹி ஶிர꞉ஸ்ரஜம் . தாம்ʼ ப்ரோவாச மஹாலக்ஷ்மீஸ்தாமஸீம்ʼ ப்ரமதோ³த்தமாம் . த³தா³மி தவ நாமானி யானி கர்மாணி தானி தே . மஹாமாயா மஹாகாலீ மஹாமாரீ க்ஷுதா⁴ ருஷா . நித்³ரா த்ருʼஷ்ணா சைகவீரா காலராத்ரிர்து³ரத்யயா . இமானி தவ நாமானி ப்ரதிபாத்³யானி கர்மபி⁴꞉ . ஏபி⁴꞉ கர்மாணி தே ஜ்ஞாத்வா யோ(அ)தீ⁴தே ஸோ(அ)ஶ்னுதே ஸுக²ம் . தாமித்யுக்த்வா மஹாலக்ஷ்மீ꞉ ஸ்வரூபமமரம்ʼ ந்ருʼப . ஸத்த்வாக்²யேனா(அ)திஶுத்³தே⁴ன கு³ணேனேந்து³ப்ரப⁴ம்ʼ த³தௌ⁴ . அக்ஷமாலாங்குஶத⁴ரா வீணாபுஸ்தகதா⁴ரிணீ . ஸா ப³பூ⁴வ வரா நாரீ நாமான்யஸ்யை ச ஸா த³தௌ³ . மஹாவித்³யா மஹாவாணீ பா⁴ரதீ வாக் ஸரஸ்வதீ . ஆர்யா ப்³ராஹ்மீ காமதே⁴னுர்வேத³க³ர்பா⁴ ஸுரேஶ்வரீ . அதோ²வாச மஹாலக்ஷ்மீர்மஹாகாலீம்ʼ ஸரஸ்வதீம் . யுவாம்ʼ ஜனயதாம்ʼ தே³வ்யௌ மிது²னே ஸ்வானுரூபத꞉ . இத்யுக்த்வா தே மஹாலக்ஷ்மீ꞉ ஸஸர்ஜ மிது²னம்ʼ ஸ்வயம் . ஹிரண்யக³ர்பௌ⁴ ருசிரௌ ஸ்த்ரீபும்ʼஸௌ கமலாஸனௌ . ப்³ரஹ்மன் விதே⁴ விரிஞ்சேதி தா⁴தரித்யாஹ தம்ʼ நரம் . ஶ்ரீ꞉ பத்³மே கமலே லக்ஷ்மீமீத்யாஹ மாதா ஸ்த்ரியம்ʼ ச தாம் . மஹாகாலீ பா⁴ரதீ ச மிது²னே ஸ்ருʼஜத꞉ ஸஹ . ஏதயோரபி ரூபாணி நாமானி ச வதா³மி தே . நீலகண்ட²ம்ʼ ரக்தபா³ஹும்ʼ ஶ்வேதாங்க³ம்ʼ சந்த்³ரஶேக²ரம் . ஜனயாமாஸ புருஷம்ʼ மஹாகாலீம்ʼ ஸிதாம்ʼ ஸ்த்ரியம் . ஸ ருத்³ர꞉ ஶங்கர꞉ ஸ்தா²ணு꞉ கபர்தீ³ ச த்ரிலோசன꞉ . த்ரயீ வித்³யா காமதே⁴னு꞉ ஸா ஸ்த்ரீ பா⁴ஷா ஸ்வரா(அ)க்ஷரா . ஸரஸ்வதீ ஸ்த்ரியம்ʼ கௌ³ரீம்ʼ க்ருʼஷ்ணம்ʼ ச புருஷம்ʼ ந்ருʼப . ஜனயாமாஸ நாமானி தயோரபி வதா³மி தே . விஷ்ணு꞉ க்ருʼஷ்ணோ ஹ்ருʼஷீகேஶோ வாஸுதே³வோ ஜனார்த³ன꞉ . உமா கௌ³ரீ ஸதீ சண்டீ³ ஸுந்த³ரீ ஸுப⁴கா³ ஶுபா⁴ . ஏவம்ʼ யுவதய꞉ ஸத்³ய꞉ புருஷத்வம்ʼ ப்ரபேதி³ரே . சாக்ஷுஷ்மந்தோ நு பஶ்யந்தி நேதரே(அ)தத்³விதோ³ ஜனா꞉ . ப்³ரஹ்மணே ப்ரத³தௌ³ பத்னீம்ʼ மஹாலக்ஷ்மீர்ந்ருʼப த்ரயீம் . ருத்³ராய கௌ³ரீம்ʼ வரதா³ம்ʼ வாஸுதே³வாய ச ஶ்ரியம் . ஸ்வரயா ஸஹ ஸம்பூ⁴ய விரிஞ்சோ(அ)ண்ட³மஜீஜனத் . பி³பே⁴த³ ப⁴க³வான் ருத்³ரஸ்தத்³ கௌ³ர்யா ஸஹ வீர்யவான் . அண்ட³மத்⁴யே ப்ரதா⁴நாதி³ கார்யஜாதமபூ⁴ந்ந்ருʼப . மஹாபூ⁴தாத்மகம்ʼ ஸர்வம்ʼ ஜக³த்ஸ்தா²வரஜங்க³மம் . புபோஷ பாலயாமாஸ தல்லக்ஷ்ம்யா ஸஹ கேஶவ꞉ . மஹாலக்ஷ்மீரேவமஜா ஸா(அ)பி ஸர்வேஶ்வரேஶ்வரீ . நிராகாரா ச ஸாகாரா ஸைவ நாநாபி⁴தா⁴னப்⁴ருʼத் . நாமாந்தரைர்நிரூப்யைஷா நாம்னா நா(அ)ன்யேன கேனசித் . மார்கண்டே³யபுராணே ப்ராதா⁴னிகம்ʼ ரஹஸ்யம் .
இந்த மந்திரத்தைக் கேட்பதற்கு தீட்சை அவசியமா?
இல்லை. மந்திர சாதனை செய்ய விரும்பினால் மட்டுமே தீட்சை தேவை, கேட்பதற்கு அல்ல. பலன் கிடைக்க, நாங்கள் வழங்கும் மந்திரங்களைக் கேட்டால் மட்டும் போதும்
Mantras
மந்திரங்கள்
Click on any topic to open
