ലക്ഷ്മീ നാരായണ ഹൃദയം

29.8K

Comments

aycnq
So impressed by Vedadhara’s mission to reveal the depths of Hindu scriptures! 🙌🏽🌺 -Syona Vardhan

Brilliant! -Abhilasha

Nice -Same RD

Remarkable! 👏 -Prateeksha Singh

Thanking you for spreading knowledge selflessly -Purushottam Ojha

Read more comments

ഹനുമാന്‍ ജീവിച്ചിരിപ്പുണ്ടോ?

തീര്‍ച്ചയായും ഉണ്ട്. ഹനുമാന്‍ സ്വാമി അധികസമയവും ഗന്ധമാദന പര്‍വതത്തിനു മുകളില്‍ തപസില്‍ മുഴുകി ഇരിക്കുകയാണ്. രാമാവതാരം ഇരുപത്തി നാലാമത്തെ ത്രേതായുഗത്തിലായിരുന്നു. ഒന്നേ മുക്കാല്‍ കോടിയോളം വര്‍ഷങ്ങള്‍ക്കു ശേഷം ഭീമന്‍ ഇരുപത്തിയെട്ടാമത്തെ ദ്വാപരയുഗത്തില്‍ കല്യാണസൗഗന്ധികം തേടി പോയപ്പോള്‍ ഹനുമാനെ കാണുകയുണ്ടായി. ഹനുമാന്‍ എട്ട് ചിരഞ്ജീവികളിലൊരാളാണ്. 2,35,91,46,877 വര്‍ഷങ്ങള്‍ക്കപ്പുറം ഈ കല്പം അവസാനിക്കുന്നതു വരെ ഹനുമാനുണ്ടാകും.

ആരാണ് സപ്തര്‍ഷികള്‍?

ഋഷിമാരില്‍ മുഖ്യരായ ഏഴ് പേരാണ് സപ്തര്‍ഷികള്‍. ഓരോ മന്വന്തരത്തിലും ഇവരില്‍ മാറ്റമുണ്ടാകും. വേദാംഗജ്യോതിഷമനുസരിച്ച് അംഗിരസ്, അത്രി, ക്രതു, പുലഹന്‍, പുലസ്ത്യന്‍, മരീചി, വസിഷ്ഠന്‍ എന്നിവരാണ് സപ്തര്‍ഷികള്‍.

Quiz

അഷ്ടാദ്ധ്യായി ഏത് വിഷയവുമായി ബന്ധപ്പെട്ടിരിക്കുന്നു ?

ഓം ശ്രീഗണേശായ നമഃ. ശ്രീഗുരുഭ്യോ നമഃ. ഓം അസ്യ ശ്രീലക്ഷ്മീഹൃദയമാലാമന്ത്രസ്യ. ഭാർഗവ-ഋഷിഃ. ആദ്യാദിശ്രീമഹാലക്ഷ്മീർദേവതാ. അനുഷ്ടുഭാദിനാനാഛന്ദാംസി ശ്രീം ബീജംം. ഹ്രീം ശക്തിഃ. ഐം കീലകം . ശ്രീമഹാലക്ഷ്മീ-പ്രസാദസിദ്ധ്യർഥം ....

ഓം ശ്രീഗണേശായ നമഃ. ശ്രീഗുരുഭ്യോ നമഃ.
ഓം അസ്യ ശ്രീലക്ഷ്മീഹൃദയമാലാമന്ത്രസ്യ. ഭാർഗവ-ഋഷിഃ.
ആദ്യാദിശ്രീമഹാലക്ഷ്മീർദേവതാ. അനുഷ്ടുഭാദിനാനാഛന്ദാംസി
ശ്രീം ബീജംം. ഹ്രീം ശക്തിഃ. ഐം കീലകം .
ശ്രീമഹാലക്ഷ്മീ-പ്രസാദസിദ്ധ്യർഥം ജപേ വിനിയോഗഃ.
ഓം ഭാർഗവ-ഋഷയേ നമഃ ശിരസി. അനുഷ്ടുഭാദിനാനാഛന്ദോഭ്യോ നമോ മുഖേ.
ആദ്യാദിശ്രീമഹാലക്ഷ്മ്യൈ ദേവതയൈ നമോ ഹൃദയേ. ശ്രീം ബീജായ നമോ ഗുഹ്യേ.
ഹ്രീം ശക്തയേ നമഃ പാദയോഃ. ഐം കീലകായ നമഃ സർവാംഗേ.
ഓം ശ്രീം അംഗുഷ്ഠാഭ്യാം നമഃ. ഓം ഹ്രീം തർജനീഭ്യാം നമഃ. ഓം ഐം മധ്യമാഭ്യാം നമഃ. ഓം ശ്രീം അനാമികാഭ്യാം നമഃ. ഓം ഹ്രീം കനിഷ്ടികാഭ്യാം നമഃ. ഓം ഐം കരതലകരപൃഷ്ഠാഭ്യാം നമഃ.
ഓം ശ്രീം ഹൃദയായ നമഃ. ഓം ഹ്രീം ശിരസേ സ്വാഹാ. ഓം ഐം ശിഖായൈ വഷട്.
ഓം ശ്രീം കവചായ ഹും. ഓം ഹ്രീം നേത്രത്രയായ വൗഷട്. ഓം ഐം അസ്ത്രായ ഫട്. ഓം ശ്രീം ഹ്രീം ഐം ഇതി ദിഗ്ബന്ധഃ.
ധ്യാനം-
ഹസ്തദ്വയേന കമലേ ധാരയന്തീം സ്വലീലയാ.
ഹാരനൂപുരസംയുക്താം ലക്ഷ്മീം ദേവീം വിചിന്തയേത്.
ശംഖചക്രഗദാഹസ്തേ ശുഭ്രവർണേ സുവാസിനി.
മമ ദേഹി വരം ലക്ഷ്മി സർവസിദ്ധിപ്രദായിനി.
ഓം ശ്രീം ഹ്രീം ഐം മഹാലക്ഷ്മ്യൈ കമലധാരിണ്യൈ സിംഹവാഹിന്യൈ സ്വാഹാ.
വന്ദേ ലക്ഷ്മീം പരശിവമയീം ശുദ്ധജാംബൂനദാഭാം
തേജോരൂപാം കനകവസനാം സർവഭൂഷോജ്ജ്വലാംഗീം.
ബീജാപൂരം കനകകലശം ഹേമപദ്മം ദധാനാ-
മാദ്യാം ശക്തിം സകലജനനീം വിഷ്ണുവാമാങ്കസംസ്ഥാം.
ശ്രീമത്സൗഭാഗ്യജനനീം സ്തൗമി ലക്ഷ്മീം സനാതനീം.
സർവകാമഫലാവാപ്തിസാധനൈകസുഖാവഹാം.
സ്മരാമി നിത്യം ദേവേശി ത്വയാ പ്രേരിതമാനസഃ.
ത്വദാജ്ഞാം ശിരസാ ധൃത്വാ ഭജാമി പരമേശ്വരീം.
സമസ്തസമ്പത്സുഖദാം മഹാശ്രിയം
സമസ്തസൗഭാഗ്യകരീം മഹാശ്രിയം.
സമസ്തകല്യാണകരീം മഹാശ്രിയം
ഭജാമ്യഹം ജ്ഞാനകരീം മഹാശ്രിയം.
വിജ്ഞാനസമ്പത്സുഖദാം മഹാശ്രിയം
വിചിത്രവാഗ്ഭൂതികരീം മനോഹരാം.
അനന്തസമ്മോദസുഖപ്രദായിനീം
നമാമ്യഹം ഭൂതികരീം ഹരിപ്രിയാം.
സമസ്തഭൂതാന്തരസംസ്ഥിതാ ത്വം
സമസ്തഭോക്ത്രീശ്ശ്വരി വിശ്വരൂപേ.
തന്നാസ്തി യത്ത്വദ്വ്യതിരിക്തവസ്തു
ത്വത്പാദപദ്മം പ്രണമാമ്യഹം ശ്രീഃ.
ദാരിദ്ര്യദുഃഖൗഘതമോഽപഹന്ത്രി ത്വത്പാദപദ്മം മയി സന്നിധത്സ്വ.
ദീനാർതിവിച്ഛേദനഹേതുഭൂത്യൈഃ കൃപാകടാക്ഷൈരഭിഷിഞ്ച മാം ശ്രീഃ.
അംബ പ്രസീദ കരുണാപരിപൂർണദൃഷ്ട്യാ
മാം ത്വത്കൃപാദ്രവിണഗേഹമിമം കുരുഷ്വ .
ആലോകയ പ്രണതഹൃദ്ഗതശോകഹന്ത്രി
ത്വത്പാദപദ്മയുഗലം പ്രണമാമ്യഹം ശ്രീഃ.
ശാന്ത്യൈ നമോഽസ്തു ശരണാഗതരക്ഷണായൈ
കാന്ത്യൈ നമോഽസ്തു കമനീയഗുണാശ്രയായൈ.
ക്ഷാന്ത്യൈ നമോഽസ്തു ദുരിതക്ഷയകാരണായൈ
ദാത്ര്യൈ നമോഽസ്തു ധന-ധാന്യ-സമൃദ്ധിദായൈ.
ശക്ത്യൈ നമോഽസ്തു ശശിശേഖരസംസ്തുതായൈ
രത്യൈ നമോഽസ്തു രജനീകരസോദരായൈ.
ഭക്ത്യൈ നമോഽസ്തു ഭവസാഗരതാരികായൈ
മത്യൈ നമോഽസ്തു മധുസൂദനവല്ലഭായൈ.
ലക്ഷ്മ്യൈ നമോഽസ്തു ശുഭലക്ഷണലക്ഷിതായൈ
സിദ്ധ്യൈ നമോഽസ്തു ശിവസിദ്ധസുപൂജിതായൈ.
ധൃത്യൈ നമോഽസ്ത്വമിതദുർഗതിഭഞ്ജനായൈ
ഗത്യൈ നമോഽസ്തു വരസദ്ഗതിദായകായൈ.
ദേവ്യൈ നമോഽസ്തു ദിവി ദേവഗണാർചിതായൈ
ഭൂത്യൈ നമോഽസ്തു ഭുവനാർതിവിനാശനായൈ.
ധാത്ര്യൈ നമോഽസ്തു ധരണീധരവല്ലഭായൈ
പുഷ്ട്യൈ നമോഽസ്തു പുരുഷോത്തമവല്ലഭായൈ.
സുതീവ്രദാരിദ്ര്യതമോഽപഹന്ത്ര്യൈ നമോഽസ്തു തേ സർവഭയാപഹന്ത്ര്യൈ .
ശ്രീവിഷ്ണുവക്ഷഃസ്ഥലസംസ്ഥിതായൈ നമോ നമഃ സർവവിഭൂതിദായൈ .
ജയതു ജയതു ലക്ഷ്മീർലക്ഷണാലങ്കൃതാംഗീ
ജയതു ജയതു പദ്മാ പദ്മസദ്മാഭിവന്ദ്യാ.
ജയതു ജയതു വിദ്യാ വിഷ്ണുവാമാങ്കസംസ്ഥാ
ജയതു ജയതു സമ്യക് സർവസമ്പത്കരിശ്രീഃ.
ജയതു ജയതു ദേവീ ദേവസംഘാഭിപൂജ്യാ
ജയതു ജയതു ഭദ്രാ ഭാർഗവീ ഭാഗ്യരൂപാ.
ജയതു ജയതു നിത്യാ നിർമലജ്ഞാനവേദ്യാ
ജയതു ജയതു സത്യാ സർവഭൂതാന്തരസ്ഥാ.
ജയതു ജയതു രമ്യാ രത്നഗർഭാന്തരസ്ഥാ
ജയതു ജയതു ശുദ്ധാ ശുദ്ധജാംബൂനദാഭാ.
ജയതു ജയതു കാന്താ കാന്തിമദ്ഭാസിതാംഗീ
ജയതു ജയതു ശാന്താ ശീഘ്രമാഗച്ഛ സൗമ്യേ.
യസ്യാഃ കലായാഃ കമലോദ്ഭവാദ്യാ രുദ്രാശ്ച ശക്രപ്രമുഖാശ്ച ദേവാഃ.
ജീവന്തി സർവാ പി സശക്തയസ്തേ പ്രഭുത്വമാപ്താഃ പരമായുഷസ്തേ.
ലിലേഖ നിടിലേ വിധിർമമ ലിപിം വിസൃജ്യാന്തരം
ത്വയാ വിലിഖിതവ്യമേതദിതി തത്ഫലപ്രാപ്തയേ.
തദന്തികഫലസ്ഫുടം കമലവാസിനി ശ്രീരിമാം
സമർപയ സ്വമുദ്രികാം സകലഭാഗ്യസംസൂചികാം.
തദിദം തിമിരം ഭാരേ സ്ഫുടം കമലവാസിനി.
ശ്രിയം സമുദ്രികാം ദേഹി സർവഭാഗ്യസ്യ സൂചികാം.
കലയാ തേ യഥാ ദേവി ജീവന്തി സചരാചരാഃ.
തഥാ സമ്പത്കരീ ലക്ഷ്മി സർവദാ സമ്പ്രസീദ മേ.
യഥാ വിഷ്ണുർധ്രുവം നിത്യം സ്വകലാം സംന്യവേശയത്.
തഥൈവ സ്വകലാം ലക്ഷ്മി മയി സമ്യക് സമർപയ.
സർവസൗഖ്യപ്രദേ ദേവി ഭക്താനാമഭയപ്രദേ.
അചലാം കുരു യത്നേന കലാം മയി നിവേശിതാം.
മുദാസ്താം മത്ഫാലേ പരമപദലക്ഷ്മീഃ സ്ഫുടകലാ
സദാ വൈകുണ്ഠശ്രീർനിവസതു കലാ മേ നയനയോഃ.
വസേത്സത്യേ ലോകേ മമ വചസി ലക്ഷ്മീർവരകലാ
ശ്രിയശ്വേതദ്വീപേ നിവസതു കലാ മേ സ്വകരയോഃ.
താവന്നിത്യം മമാംഗേഷു ക്ഷീരാബ്ധൗ ശ്രീകലാ വസേത്.
സൂര്യാചന്ദ്രമസൗ യാവദ്യാവല്ലക്ഷ്മീപതിഃ ശ്രിയാ.
സർവമംഗലസമ്പൂർണാ സർവൈശ്വര്യസമന്വിതാ.
ആദ്യാഽഽദിശ്രീർമഹാലക്ഷ്മീസ്ത്വത്കലാ മയി തിഷ്ഠതു.
അജ്ഞാനതിമിരം ഹന്തും ശുദ്ധജ്ഞാനപ്രകാശികാ.
സർവൈശ്വര്യപ്രദാ മേഽസ്തു ത്വത്കലാ മയി സംസ്ഥിതാ.
അലക്ഷ്മീം ഹരതു ക്ഷിപ്രം തമഃ സൂര്യപ്രഭാ യഥാ.
വിതനോതു മമ ശ്രേയസ്ത്വത്കലാ മയി സംസ്ഥിതാ.
ഐശ്വര്യമംഗലോത്പത്തിഃ ത്വത്കലായാം നിധീയതേ.
മയി തസ്മാത്കൃതാർഥോഽസ്മി പാത്രമസ്മി സ്ഥിതേസ്തവ.
ഭവദാവേശഭാഗ്യാർഹോ ഭാഗ്യവാനസ്മി ഭാർഗവി.
ത്വത്പ്രസാദാത്പവിത്രോഽഹം ലോകമാതർനമോഽസ്തു തേ.
പുനാസി മാം ത്വത്കലയൈവ യസ്മാ-
ദതസ്സമാഗച്ഛ മമാഗ്രതസ്ത്വം .
പരം പദം ശ്രീർഭവ സുപ്രസന്നാ
മയ്യച്യുതേന പ്രവിശാദിലക്ഷ്മീഃ.
ശ്രീവൈകുണ്ഠസ്ഥിതേ ലക്ഷ്മി സമാഗച്ഛ മമാഗ്രതഃ .
നാരായണേന സഹ മാം കൃപാദൃഷ്ട്യാഽവലോകയ.
സത്യലോകസ്ഥിതേ ലക്ഷ്മി ത്വം മമാഗച്ഛ സന്നിധിം.
വാസുദേവേന സഹിതാ പ്രസീദ വരദാ ഭവ.
ശ്വേതദ്വീപസ്ഥിതേ ലക്ഷ്മി ശീഘ്രമാഗച്ഛ സുവ്രതേ .
വിഷ്ണുനാ സഹിതേ ദേവി ജഗന്മാതഃ പ്രസീദ മേ.
ക്ഷീരാംബുധിസ്ഥിതേ ലക്ഷ്മി സമാഗച്ഛ സമാധവേ.
ത്വത്കൃപാദൃഷ്ടിസുധയാ സതതം മാം വിലോകയ.
രത്നഗർഭസ്ഥിതേ ലക്ഷ്മി പരിപൂർണഹിരണ്മയി.
സമാഗച്ഛ സമാഗച്ഛ സ്ഥിത്വാഽഽശു പുരതോ മമ.
സ്ഥിരാ ഭവ മഹാലക്ഷ്മി നിശ്ചലാ ഭവ നിർമലേ.
പ്രസന്നേല കമലേ ദേവി പ്രസന്നഹൃദയാ ഭവ.
ശ്രീധരേ ശ്രീമഹാഭൂതേ ത്വദന്തഃസ്ഥം മഹാനിധിം.
ശീഘ്രമുദ്ധൃത്യ പുരതഃ പ്രദർശയ സമർപയ.
വസുന്ധരേ ശ്രീവസുധേ വസുദോഗ്ധ്രി കൃപാം മയി.
ത്വത്കുക്ഷിഗതസർവസ്വം ശീഘ്രം മേ സമ്പ്രദർശയ.
വിഷ്ണുപ്രിയേ രത്നഗർഭേ സമസ്തഫലദേ ശിവേ.
ത്വദ്ഗർഭഗതഹേമാദീൻ സമ്പ്രദർശയ ദർശയ.
രസാതലഗതേ ലക്ഷ്മി ശീഘ്രമാഗച്ഛ മേ പുരഃ.
ന ജാനേ പരമം രൂപം മാതർമേ സമ്പ്രദർശയ.
ആവിർഭവ മനോവേഗാത് ശീഘ്രമാഗച്ഛ മേ പുരഃ.
മാ വത്സ ഭൈരിഹേത്യുക്ത്വാ കാമം ഗൗരിവ രക്ഷ മാം.
ദേവി ശീഘ്രം സമാഗച്ഛ ധരണീഗർഭസംസ്ഥിതേ.
മാതസ്ത്വദ്ഭൃത്യഭൃത്യോഽഹം മൃഗയേ ത്വാം കുതൂഹലാത്.
ഉത്തിഷ്ഠ ജാഗൃഹി ത്വം മേ സമുത്തിഷ്ഠ സുജാഗൃഹി.
അക്ഷയാൻ ഹേമകലശാൻ സുവർണേന സുപൂരിതാൻ.
നിക്ഷേപാന്മേ സമാകൃഷ്യ സമുദ്ധൃത്യ മമാഗ്രതഃ.
സമുന്നതാനനാ ഭൂത്വാ സമാധേഹി ധരാന്തരാത്.
മത്സന്നിധിം സമാഗച്ഛ മദാഹിതകൃപാരസാത്.
പ്രസീദ ശ്രേയസാം ദോഗ്ധ്രി ലക്ഷ്മി മേ നയനാഗ്രതഃ.
അത്രോപവിശ ലക്ഷ്മി ത്വം സ്ഥിരാ ഭവ ഹിരണ്മയീ.
സുസ്ഥിരാ ഭവ സമ്പ്രീത്യാ പ്രസന്നാ വരദാ ഭവ.
ആനീയ ത്വം ദേവി നിധീന്മേ സമ്പ്രദർശയ.
അദ്യ ക്ഷണേന സഹസാ ദത്ത്വാ സംരക്ഷ മാം സദാ.
മയി തിഷ്ഠ തഥാ നിത്യം യഥേന്ദ്രാദിഷു തിഷ്ഠസി.
അഭയം കുരു മേ ദേവി മഹാലക്ഷ്മി നമോഽസ്തു തേ.
സമാഗച്ഛ മഹാലക്ഷ്മി ശുദ്ധജാംബൂനദപ്രഭേ.
പ്രസീദ പുരതഃ സ്ഥിത്വാ പ്രണതം മാം വിലോകയ.
ലക്ഷ്മീർഭുവം ഗതാ ഭാസി യത്ര യത്ര ഹിരണ്മയീ.
തത്ര തത്ര സ്ഥിതാ ത്വം മേ തവ രൂപം പ്രദർശയ.
ക്രീഡസേ ബഹുധാ ഭൂമൗ പരിപൂർണാ ഹിരണ്മയി.
മമ മൂർധനി തേ ഹസ്തമവിലംബിതമർപയ.
ഫലദ്ഭാഗ്യോദയേ ലക്ഷ്മി സമസ്തപുരവാസിനി.
പ്രസീദ മേ മഹാലക്ഷ്മി പരിപൂർണമനോരഥേ.
അയോധ്യാദിഷു സർവേഷു നഗരേഷു സമാസ്ഥിതേ.
വിഭവൈർവിവിധൈര്യുക്താ സമാഗച്ഛ പരാന്വിതേ.
സമാഗച്ഛ സമാഗച്ഛ മമാഗ്രേ ഭവ സുസ്ഥിരാ.
കരുണാരസനിഷ്യന്ദനേത്രദ്വയവിലാസിനി.
സന്നിധത്സ്വ മഹാലക്ഷ്മി ത്വത്പാണിം മമ മസ്തകേ.
കരുണാസുധയാ മാം ത്വമഭിഷിഞ്ച സ്ഥിരീകുരു.
സർവരാജഗൃഹേ ലക്ഷ്മി സമാഗച്ഛ മുദാന്വിതേ .
സ്ഥിത്വാഽഽശു പുരതോ മേഽദ്യ പ്രസാദേനാഭയം കുരു.
സാദരം മസ്തകേ ഹസ്തം മമ ത്വം കൃപയാഽർപയ.
സർവരാജസ്ഥിതേ ലക്ഷ്മി ത്വത്കലാ മയി തിഷ്ഠതു.
ആദ്യാദിശ്രീർമഹാലക്ഷ്മി വിഷ്ണുവാമാങ്കസംസ്ഥിതേ.
പ്രത്യക്ഷം കുരു മേ രൂപം രക്ഷ മാം ശരണാഗതം.
പ്രസീദ മേ മഹാലക്ഷ്മി സുപ്രസീദ മഹാശിവേ.
അചലാ ഭവ സമ്പ്രീതാ സുസ്ഥിരാ ഭവ മദ്ഗൃഹേ.
യാവത്തിഷ്ഠന്തി വേദാശ്ച യാവത്ത്വന്നാമ തിഷ്ഠതി.
യാവദ്വിഷ്ണുശ്ച യാവത്ത്വം താവത്കുരു കൃപാം മയി.
ചാന്ദ്രീ കലാ യഥാ ശുക്ലേ വർധതേ സാ ദിനേ ദിനേ.
തഥാ ദയാ തേ മയ്യേവ വർധതാമഭിവർധതാം.
യഥാ വൈകുണ്ഠനഗരേ യഥാ വൈ ക്ഷീരസാഗരേ.
തഥാ മദ്ഭവനേ തിഷ്ഠ സ്ഥിരം ശ്രീവിഷ്ണുനാ സഹ.
യോഗിനാം ഹൃദയേ നിത്യം യഥാ തിഷ്ഠസി വിഷ്ണുനാ.
തഥാ മദ്ഭവനേ തിഷ്ഠ സ്ഥിരം ശ്രീവിഷ്ണുനാ സഹ.
നാരായണസ്യ ഹൃദയേ ഭവതീ യഥാഽഽസ്തേ
നാരായണോഽപി തവ ഹൃത്കമലേ യഥാഽഽസ്തേ .
നാരായണസ്ത്വമപി നിത്യവിഭൂ തഥൈവ
തൗ തിഷ്ഠതാം ഹൃദി മമാപി ദയാന്വിതൗ ശ്രീഃ.
വിജ്ഞാനവൃദ്ധിം ഹൃദയേ കുരു ശ്രീഃ സൗഭാഗ്യവൃദ്ധിം കുരു മേ ഗൃഹേ ശ്രീഃ .
ദയാസുവൃദ്ധിം കുരുതാം മയി ശ്രീഃ സുവർണവൃദ്ധിം കുരു മേ ഗൃഹേ ശ്രീഃ.
ന മാം ത്യജേഥാഃ ശ്രിതകല്പവല്ലി സദ്ഭക്ത-ചിന്താമണി-കാമധേനോ .
ന മാം ത്യജേഥാ ഭവ സുപ്രസന്നേ ഗൃഹേ കലത്രേഷു ച പുത്രവർഗേ.
ആദ്യാദിമായേ ത്വമജാണ്ഡബീജം ത്വമേവ സാകാര-നിരാകൃതിസ്ത്വം .
ത്വയാ ധൃതാശ്ചാബ്ജഭവാണ്ഡസംഘാശ്ചിത്രം ചരിത്രം തവ ദേവി വിഷ്ണോഃ.
ബ്രഹ്മരുദ്രാദയോ ദേവാ വേദാശ്ചാപി ന ശക്നുയുഃ.
മഹിമാനം തവ സ്തോതും മന്ദോഽഹം ശക്നുയാം കഥം.
അംബ ത്വദ്വത്സവാക്യാനി സൂക്താസൂക്താനി യാനി ച.
താനി സ്വീകുരു സർവജ്ഞേ ദയാലുത്വേന സാദരം.
ഭവതീം ശരണം ഗത്വാ കൃതാർഥാഃ സ്യുഃ പുരാതനാഃ.
ഇതി സഞ്ചിന്ത്യ മനസാ ത്വാമഹം ശരണം വ്രജേ.
അനന്താ നിത്യസുഖിനസ്ത്വദ്ഭക്താസ്ത്വത്പരായണാഃ.
ഇതി വേദപ്രമാണാദ്ധി ദേവി ത്വാം ശരണം വ്രജേ.
തവ പ്രതിജ്ഞാ മദ്ഭക്താ ന നശ്യന്തീത്യപി ക്വചിത്.
ഇതി സഞ്ചിന്ത്യ സഞ്ചിന്ത്യ പ്രാണാൻ സന്ധാരയാമ്യഹം.
ത്വദധീനസ്ത്വഹം മാതസ്ത്വത്കൃപാ മയി വിദ്യതേ.
യാവത്സമ്പൂർണകാമഃ സ്യാം താവദ്ദേഹി ദയാനിധേ.
ക്ഷണമാത്രം ന ശക്നോമി ജീവിതും ത്വത്കൃപാം വിനാ.
ന ഹി ജീവന്തീഹ ജലജാ ജലം ത്യക്ത്വാ ജലാശ്രയാഃ.
യഥാ ഹി പുത്രവാത്സല്യാത് ജനനീ പ്രസ്നുതസ്തനീ.
വത്സം ത്വരിതമാഗത്യ സമ്പ്രീണയതി വത്സലാ.
യദി സ്യാം തവ പുത്രോഽഹം മാതാ ത്വം യദി മാമകീ.
ദയാപയോധരസ്തന്യസുധാഭിരഭിഷിഞ്ച മാം.
മൃഗ്യോ ന ഗുണലേശോഽപി മയി ദോഷൈകമന്ദിരേ.
പാംസൂനാം വൃഷ്ടിബിന്ദൂനാം ദോഷാണാം ച ന മേ മിതിഃ.
പാപിനാമഹമേകാഗ്രോ ദയാലൂനാം ത്വമഗ്രണീഃ.
ദയനീയോ മദന്യോഽസ്തി തവ കോഽത്ര ജഗത്ത്രയേ.
വിധിനാഹം ന സൃഷ്ടശ്ചേത് ന സ്യാത്തവ ദയാലുതാ .
ആമയോ വാ ന സൃഷ്ടശ്ചേദൗഷധസ്യ വൃഥോദയഃ.
കൃപാ മദഗ്രജാ കിം തേ അഹം കിം വാ തദഗ്രജഃ .
വിചാര്യ ദേഹി മേ വിത്തം തവ ദേവി ദയാനിധേ.
മാതാ പിതാ ത്വം ഗുരുഃ സദ്ഗതിഃ ശ്രീഃ
ത്വമേവ സഞ്ജീവനഹേതുഭൂതാ.
അന്യം ന മന്യേ ജഗദേകനാഥേ
ത്വമേവ സർവം മമ ദേവി സത്യം.
ആദ്യാദിലക്ഷ്മീർഭവ സുപ്രസന്നാ വിശുദ്ധവിജ്ഞാനസുഖൈകദോഗ്ധ്രി.
അജ്ഞാനഹന്ത്രീ ത്രിഗുണാതിരിക്താ പ്രജ്ഞാനനേത്രീ ഭവ സുപ്രസന്നാ.
അശേഷവാഗ്ജാഡ്യമലാപഹന്ത്രീ നവം നവം സ്പഷ്ടസുവാക്പ്രദായിനീ.
മമൈവ ജിഹ്വാഗ്രസുരംഗവർതകീ ഭവ പ്രസന്നാ വദനേ ച മേ ശ്രീഃ.
സമസ്തസമ്പത്സു വിരാജമാനാ സമസ്തതേജശ്ചയഭാസമാനാ.
വിഷ്ണുപ്രിയേ ത്വം ഭവ ദീപ്യമാനാ വാഗ്ദേവതാ മേ നയനേ പ്രസന്നാ.
സർവപ്രദർശേ സകലാർഥദേ ത്വം പ്രഭാസുലാവണ്യദയാപ്രദോഗ്ധ്രി.
സുവർണദേ ത്വം സുമുഖീ ഭവ ശ്രീർഹിരണ്മയീ മേ നയനേ പ്രസന്നാ.
സർവാർഥദാ സർവജഗത്പ്രസൂതിഃ സർവേശ്വരീ സർവഭയാപഹന്ത്രീ.
സർവോന്നതാ ത്വം സുമുഖീ ഭവ ശ്രീർഹിരണ്മയീ മേ ഭവ സുപ്രസന്നാ.
സമസ്തവിഘ്നൗഘവിനാശകാരിണീ സമസ്തഭക്തോദ്ധരണേ വിചക്ഷണാ.
അനന്തസൗഭാഗ്യസുഖപ്രദായിനീ ഹിരണ്മയീ മേ നയനേ പ്രസന്നാ.
ദേവി പ്രസീദ ദയനീയതമായ മഹ്യം
ദേവാധിനാഥഭവദേവഗണാഭിവന്ദ്യേ.
മാതസ്തഥൈവ ഭവ സന്നിഹിതാ ദൃശോർമേ
പത്യാ സമം മമ മുഖേ ഭവ സുപ്രസന്നാ.
മാ വത്സ ഭൈരഭയദാനകരോഽർപിതസ്തേ
മൗലൗ മമേതി മയി ദീനദയാനുകമ്പേ.
മാതഃ സമർപയ മുദാ കരുണാകടാക്ഷം
മാംഗല്യബീജമിഹ നഃ സൃജ ജന്മമാതഃ.
കടാക്ഷ ഇഹ കാമധുക് തവ മനസ്തു ചിന്താമണിഃ
കരഃ സുരതരുഃ സദാ നവനിധിസ്ത്വമേവേന്ദിരേ.
ഭവേത്തവ ദയാരസോ മമ രസായനം ചാന്വഹം
മുഖം തവ കലാനിധിർവിവിധവാഞ്ഛിതാർഥപ്രദം.
യഥാ രസസ്പർശനതോഽയസോഽപി സുവർണതാ സ്യാത്കമലേ തഥാ തേ.
കടാക്ഷസംസ്പർശനതോ ജനാനാമമംഗലാനാമപി മംഗലത്വം.
ദേഹീതി നാസ്തീതി വചഃ പ്രവേശാദ് ഭീതോ രമേ ത്വാം ശരണം പ്രപദ്യേ .
അതഃ സദാസ്മിന്നഭയപ്രദാ ത്വം സഹൈവ പത്യാ മയി സന്നിധേഹി.
കല്പദ്രുമേണ മണിനാ സഹിതാ സുരമ്യാ
ശ്രീസ്തേ കലാ മയി രസേന രസായനേന.
ആസ്താം യതോ മമ ച ദൃക്ഛിരപാണിപാദ-
സ്പഷ്ടാഃ സുവർണവപുഷഃ സ്ഥിരജംഗമാഃ സ്യുഃ.
ആദ്യാദിവിഷ്ണോഃ സ്ഥിരധർമപത്നീ ത്വമേവ പത്യാ മമ സന്നിധേഹി.
ആദ്യാദിലക്ഷ്മി ത്വദനുഗ്രഹേണ പദേ പദേ മേ നിധിദർശനം സ്യാത്.
ആദ്യാദിലക്ഷ്മീർഹൃദയം പഠേദ്യഃ സ രാജ്യലക്ഷ്മീമചലാം തനോതി.
മഹാദരിദ്രോഽപി ഭവേദ്ധനാഢയഃ തദന്വയേ ശ്രീഃ സ്ഥിരതാം പ്രയാതി.
യസ്യ സ്മരണമാത്രേണ തുഷ്ടാ സ്യാദ്വിഷ്ണുവല്ലഭാ.
തസ്യാഭീഷ്ടം ദദത്യാശു തം പാലയതി പുത്രവത്.
ഇദം രഹസ്യം ഹൃദയം സർവകാമഫലപ്രദം.
ജപഃ പഞ്ചസഹസ്രം തു പുരശ്ചരണമുച്യതേ.
ത്രികാലമേകകാലം വാ നരോ ഭക്തിസമന്വിതഃ.
യഃ പഠേച്ഛൃണുയാദ്വാപി സ യാതി പരമാം ശ്രിയം.
മഹാലക്ഷ്മീം സമുദ്ദിശ്യ നിശി ഭാർഗവവാസരേ.
ഇദം ശ്രീഹൃദയം ജപ്ത്വാ പഞ്ചവാരം ധനീ ഭവേത്.
അനേന ഹൃദയേനാന്നം ഗർഭിണ്യാ അഭിമന്ത്രിതം.
ദദാതി തത്കുലേ പുത്രോ ജായതേ ശ്രീപതിഃ സ്വയം.
നരേണാപ്യഥവാ നാര്യാ ലക്ഷ്മീഹൃദയമന്ത്രിതേ .
ജലേ പീതേ ച തദ്വംശേ മന്ദഭാഗ്യോ ന ജായതേ.
യ ആശ്വിനേ മാസി ച ശുക്ലപക്ഷേ രമോത്സവേ സന്നിഹിതേ ച ഭക്ത്യാ.
പഠേത്തഥൈകോത്തരവാരവൃദ്ധ്യാ ലഭേത്സ സൗവർണമയീം സുവൃഷ്ടിം.
യ ഏകഭക്ത്യാഽന്വഹമേകവർഷം വിശുദ്ധധീഃ സപ്തതിവാരജാപീ.
സ മന്ദഭാഗ്യോഽപി രമാകടാക്ഷാത് ഭവേത്സഹസ്രാക്ഷശതാധികശ്രീഃ.
ശ്രീശാംഘ്രിഭക്തിം ഹരിദാസദാസ്യം പ്രപന്നമന്ത്രാർഥദൃഢൈകനിഷ്ഠാം.
ഗുരോഃ സ്മൃതിം നിർമലബോധബുദ്ധിം പ്രദേഹി മാതഃ പരമം പദം ശ്രീഃ.
പൃഥ്വീപതിത്വം പുരുഷോത്തമത്വം വിഭൂതിവാസം വിവിധാർഥസിദ്ധിം.
സമ്പൂർണകീർതിം ബഹുവർഷഭോഗം പ്രദേഹി മേ ദേവി പുനഃപുനസ്ത്വം.
വാദാർഥസിദ്ധിം ബഹുലോകവശ്യം വയഃസ്ഥിരത്വം ലലനാസു ഭോഗം.
പൗത്രാദിലബ്ധിം സകലാർഥസിദ്ധിം പ്രദേഹി മേ ഭാർഗവി ജന്മജന്മനി.
സുവർണവൃദ്ധിം കുരു മേ ഗൃഹേ ശ്രീഃ സുധാന്യവൃദ്ധിം കുരു മേ ഗൃഹേ ശ്രീഃ.
കല്യാണവൃദ്ധിം കുരു മേ ഗൃഹേ ശ്രീർവിഭൂതിവൃദ്ധിം കുരു മേ ഗൃഹേ ശ്രീഃ.
വിദ്യാഭിവൃദ്ധിം കുരു മേ ഹൃദി ശ്രീസ്തേജോഽഭിവൃദ്ധിം കുരു മേ മുഖേ ശ്രീഃ.
അഥ ശിരോബീജം. ഓം യം ഹം കം ലം പം ശ്രീം.
ധ്യായേല്ലക്ഷ്മീം പ്രഹസിതമുഖീം കോടിബാലാർകഭാസാം
വിദ്യുദ്വർണാംബരവരധരാം ഭൂഷണാഢ്യാം സുശോഭാം.
ബീജാപൂരം സരസിജയുഗം ബിഭ്രതീം സ്വർണപാത്രം
ഭർത്രാ യുക്താം മുഹുരഭയദാം മഹ്യമപ്യച്യുതശ്രീഃ.
അഥ ശ്രീനാരായണഹൃദയം.
ഓം അസ്യ ശ്രീനാരായണഹൃദയസ്തോത്രമന്ത്രസ്യ. ഭാർഗവ-ഋഷിഃ.
ശ്രീലക്ഷ്മീനാരായണോ ദേവതാ. അനുഷ്ടുപ്ഛന്ദഃ. ഓം ബീജം. നമഃ ശക്തിഃ. നാരായണായേതി കീലകം.
ശ്രീലക്ഷ്മീനാരായണപ്രീത്യർഥേ ജപേ വിനിയോഗഃ.
ഓം നാരായണഃ പരം ജ്യോതിരിത്യംഗുഷ്ഠാഭ്യാം നമഃ.
ഓം നാരായണഃ പരബ്രഹ്മേതി തർജനീഭ്യാം നമഃ.
ഓം നാരായണഃ പരോ ദേവ ഇതി മധ്യമാഭ്യാം നമഃ.
ഓം നാരായണഃ പരം ധ്യാതേത്യനാമികാഭ്യാം നമഃ.
ഓം നാരായണഃ പരം ധാമേതി ഇതി കനിഷ്ഠികാഭ്യാം നമഃ.
ഓം നാരായണഃ പരോ ധർമ ഇതി കരതലകരപൃഷ്ഠാഭ്യാം നമഃ.
ഓം നാരായണഃ പരം ജ്യോതിരിതി ഹൃദയായ നമഃ.
ഓം നാരായണഃ പരബ്രഹ്മാ ഇതി ശിരസേ സ്വാഹാ.
ഓം നാരായണഃ പരോ ദേവ ഇതി ശിഖായൈ വൗഷട്.
ഓം നാരായണഃ പരോ ധ്യാതാ ഇതി കവചായ ഹും.
ഓം നാരായണഃ പരം ധാമാ ഇതി നേത്രത്രയായ വൗഷട്.
ഓം നാരായണഃ പരോ ധർമ ഇത്യസ്ത്രായ ഫട്.
ഭൂർഭുവസ്സുവരോമിതി ദിഗ്ബന്ധഃ.
ധ്യാനം-
ഉദ്യദാദിത്യസങ്കാശം പീതവാസസമച്യുതം.
ശംഖചക്രഗദാപാണിം ധ്യായേല്ലക്ഷ്മീപതിം ഹരിം.
ഓം നമോ നാരായണായ.
ഓം നാരായണഃ പരം ജ്യോതിരാത്മാ നാരായണഃ പരഃ.
നാരായണഃ പരം ബ്രഹ്മ നാരായണ നമോഽസ്തു തേ.
നാരായണഃ പരോ ദേവോ ദാതാ നാരായണഃ പരഃ.
നാരായണഃ പരോ ധ്യാതാ നാരായണ നമോഽസ്തു തേ.
നാരായണഃ പരം ധാമ ധ്യാനം നാരായണഃ പരഃ.
നാരായണ പരോ ധർമോ നാരായണ നമോഽസ്തു തേ.
നാരായണഃ പരോ വൈദ്യോ വിദ്യാ നാരായണഃ പരഃ.
വിശ്വം നാരായണഃ സാക്ഷാന്നാരായണ നമോഽസ്തു തേ.
നാരായണാദ് വിധിർജാതോ ജാതോ നാരായണാച്ഛിവഃ.
ജാതോ നാരായണാദിന്ദ്രാ നാരായണ നമോഽസ്തു തേ.
രവിർനാരായണസ്തേജഃ ചാന്ദ്രം നാരായണം മഹഃ.
വഹ്നിർനാരായണഃ സാക്ഷാത് നാരായണ നമോഽസ്തു തേ.
നാരായണ ഉപാസ്യഃ സ്യാദ് ഗുരുർനാരായണഃ പരഃ.
നാരായണഃ പരോ ബോധോ നാരായണ നമോഽസ്തു തേ.
നാരായണഃ ഫലം മുഖ്യം സിദ്ധിർനാരായണഃ സുഖം.
സേവ്യോ നാരായണഃ ശുദ്ധോ നാരായണ നമോഽസ്തു തേ.
നാരായണസ്ത്വമേവാസി ദഹരാഖ്യേ ഹൃദി സ്ഥിതഃ.
പ്രേരിതാ പ്രേര്യമാണാനാം ത്വയാ പ്രേരിതമാനസഃ.
ത്വദാജ്ഞാം ശിരസാ കൃത്വാ ജപാമി ജനപാവനം.
നാമോപാസനമാർഗാണാം ഭവഭൃദ് ഭാവബോധകഃ.
ഭാവാർഥകൃദ് ഭവാതീതോ ഭവ സൗഖ്യപ്രദോ മമ .
ത്വന്മായാമോഹിതം വിശ്വം ത്വയൈവ പരികല്പിതം.
ത്വദധിഷ്ഠാനമാത്രേണ സൈവ സർവാർഥകാരിണീ.
ത്വമേവ താം പുരസ്കൃത്യ മമ കാമാൻ സമർഥയ.
ന മേ ത്വദന്യസ്ത്രാതാസ്തി ത്വദന്യന്ന ഹി ദൈവതം.
ത്വദന്യം ന ഹി ജാനാമി പാലകം പുണ്യരൂപകം.
യാവത്സാംസാരികോ ഭാവോ മനസ്സ്ഥോ ഭാവനാത്മകഃ.
താവത്സിദ്ധിർഭവേത് സാധ്യാ സർവഥാ സർവദാ വിഭോ.
പാപിനാമഹമേകാഗ്രോ ദയാലൂനാം ത്വമഗ്രണീഃ.
ദയനീയോ മദന്യോഽസ്തി തവ കോഽത്ര ജഗത്ത്രയേ.
ത്വയാപ്യഹം ന സൃഷ്ടശ്ചേന്ന സ്യാത്തവ ദയാലുതാ.
ആമയോ വാ ന സൃഷ്ടശ്ചേദൗഷധസ്യ വൃഥോദയഃ.
പാപസംഘപരിശ്രാന്തഃ പാപാത്മാ പാപരൂപധൃക്.
ത്വദന്യഃ കോഽത്ര പാപേഭ്യസ്ത്രാതാ മേ ജഗതീതലേ.
ത്വമേവ മാതാ ച പിതാ ത്വമേവ ത്വമേവ ബന്ധുശ്ച സഖാ ത്വമേവ.
ത്വമേവ വിദ്യാ ച ഗുരുസ്ത്വമേവ ത്വമേവ സർവം മമ ദേവ ദേവ.
പ്രാർഥനാദശകം ചൈവ മൂലാഷ്ടകമുദാഹൃതം.
യഃ പഠേച്ഛൃണുയാന്നിത്യം തസ്യ ലക്ഷ്മീഃ സ്ഥിരാ ഭവേത്.
നാരായണസ്യ ഹൃദയം സർവാഭീഷ്ടഫലപ്രദം.
ലക്ഷ്മീഹൃദയകം സ്തോത്രം യദി ചൈതദ്വിനാ കൃതം.
തത്സർവം നിഷ്ഫലം പ്രോക്തം ലക്ഷ്മീഃ ക്രുധ്യതി സർവദാ.
ഏതത്സങ്കലിതം സ്തോത്രം സർവകർമഫലപ്രദം.
ലക്ഷ്മീഹൃദയകം ചൈവ തഥാ നാരായണാത്മകം.
ജപേത് സങ്കലീകൃത്യ സർവാഭീഷ്ടമവാപ്നുയാത്.
നാരായണസ്യ ഹൃദയമാദൗ ജപ്ത്വാ തതഃ പരം.
ലക്ഷ്മീഹൃദയകം സ്തോത്രം ജപേന്നാരായണം പുനഃ.
പുനർനാരായണം ജപ്ത്വാ പുനർലക്ഷ്മീകൃതം ജപേത്.
പുനർനാരായണം ജാപ്യം സങ്കലീകരണം ഭവേത്.
ഏവം മധ്യേ ദ്വിവാരേണ ജപേത് സങ്കലിതം തു തത്.
ലക്ഷ്മീഹൃദയകം സ്തോത്രം സർവകാമപ്രകാശിതം.
തദ്വജ്ജപാദികം കുര്യാദേതത് സങ്കലിതം ശുഭം.
സർവാൻ കാമാനവാപ്നോതി ആധിവ്യാധിഭയം ഹരേത്.
ഗോപ്യമേതത് സദാ കുര്യാന്ന സർവത്ര പ്രകാശയേത്.
ഇതി ഗുഹ്യതമം ശാസ്ത്രം പ്രാപ്തം ബ്രഹ്മാദികൈഃ പുരാ.
തസ്മാത് സർവപ്രയത്നേന ഗോപയേത് സാധയേത് സുധീഃ.
യത്രൈതത്പുസ്തകം തിഷ്ഠേല്ലക്ഷ്മീനാരായണാത്മകം.
ഭൂതപൈശാചവൈതാലാ ന സ്ഥിരാസ്തത്ര സർവദാ.
ലക്ഷ്മീഹൃദയകം പ്രോക്തം വിധിനാ സാധയേത് സുധീഃ.
ഭൃഗുവാരേ തഥാ രാത്രൗ പൂജയേത് പുസ്തകദ്വയം.
സർവഥാ സർവദാ സ്തുത്യം ഗോപയേത് സാധയേത് സുധീഃ.
ഗോപനാത് സാധനാല്ലോകേ ധന്യോ ഭവതി തത്ത്വതഃ.
അഥർവണരഹസ്യോത്തരഭാഗേ ശ്രീനാരായണഹൃദയസ്തോത്രം സമ്പൂർണം.
ശ്രീലക്ഷ്മീനാരായണഃ പ്രീയതാം. ശ്രീജഗദംബാർപണമസ്തു.

Copyright © 2024 | Vedadhara | All Rights Reserved. | Designed & Developed by Claps and Whistles
| | | | |