Sharada Stuti

achalaam suravaradaa chirasukhadaam janajayadaam .
vimalaam padanipunaam paragunadaam priyadivijaam .
shaaradaam sarvadaa bhaje shaaradaam .
sujapaasumasadri'shaam tanumri'dulaam naramatidaam .
mahateepriyadhavalaam nri'pavaradaam priyadhanadaam .
shaaradaam sarvadaa bhaje shaaradaam .
saraseeruhanilayaam manivalayaam rasavilayaam .
sharanaagatavaranaam samatapanaam varadhishanaam .
shaaradaam sarvadaa bhaje shaaradaam .
suracharchitasagunaam varasugunaam shrutigahanaam .
budhamoditahri'dayaam shritasadayaam timiraharaam .
shaaradaam sarvadaa bhaje shaaradaam .
kamalodbhavavaranaam rasarasikaam kavirasadaam .
munidaivatavachaa smri'tivinutaam vasuvisri'taam .
shaaradaam sarvadaa bhaje shaaradaam .
ya imam stavamanisham bhuvi kathayedatha matimaan .
labhate sa tu satatam matimaparaam shrutijanitaam .
shaaradaam sarvadaa bhaje shaaradaam .

अचलां सुरवरदा चिरसुखदां जनजयदाम् ।
विमलां पदनिपुणां परगुणदां प्रियदिविजाम् ।
शारदां सर्वदा भजे शारदाम् ।
सुजपासुमसदृशां तनुमृदुलां नरमतिदाम् ।
महतीप्रियधवलां नृपवरदां प्रियधनदाम् ।
शारदां सर्वदा भजे शारदाम् ।
सरसीरुहनिलयां मणिवलयां रसविलयाम् ।
शरणागतवरणां समतपनां वरधिषणाम् ।
शारदां सर्वदा भजे शारदाम् ।
सुरचर्चितसगुणां वरसुगुणां श्रुतिगहनाम् ।
बुधमोदितहृदयां श्रितसदयां तिमिरहराम् ।
शारदां सर्वदा भजे शारदाम् ।
कमलोद्भववरणां रसरसिकां कविरसदाम् ।
मुनिदैवतवचा स्मृतिविनुतां वसुविसृताम् ।
शारदां सर्वदा भजे शारदाम् ।
य इमं स्तवमनिशं भुवि कथयेदथ मतिमान् ।
लभते स तु सततं मतिमपरां श्रुतिजनिताम् ।
शारदां सर्वदा भजे शारदाम् ।

Ramaswamy Sastry and Vighnesh Ghanapaathi

Other stotras