അഷ്ടാക്ഷര മന്ത്രത്തിന്റെ മഹിമ
ശ്രീ ഹരിയുടെ അഷ്ടാക്ഷര മന്ത്രം - ഓം നമോ നാരായണായ.
ഋഷി - നാരായണൻ
ഛന്ദസ്സ് - ഗായത്രി
ദേവത - പരമാത്മാവ്
സംസാരസാഗരത്തെ തരണം ചെയ്യിക്കുന്നതാണ് ഈ മന്ത്രം. ഈ മന്ത്രോപാസന ചെയ്താൽ പുനർജ്ജന്മം ഉണ്ടാകില്ല. മോക്ഷം ലഭിക്കും.
അഷ്ടാക്ഷര മന്ത്രം ജപിക്കുമ്പോൾ നിങ്ങളുടെ ഹൃദയ പദ്മത്തിൽ ശ്രീ ഹരിയെ ധ്യാനിക്കുക, ഹൃദയ പദ്മം എന്നാൽ നെഞ്ചിന്റെ മധ്യഭാഗത്ത് പൂർണ്ണമായും വിരിഞ്ഞ ഒരു താമര.
ആ താമരയിൽ ചതുർബാഹുവായ ഭഗവാൻ മഹാവിഷ്ണു നിൽക്കുന്നു.
ഭഗവാന്റെ മുകളിലെ രണ്ട് കൈകളിൽ -
ഇടത്ത് - ശംഖ്
വലത്ത് - സുദർശനചക്രം
താഴത്തെ രണ്ട് കൈകളിൽ
ഇടത്ത് - ഗദ
വലത്ത് - ഇതാണ് നിന്റെ ആശ്രയം എന്ന മട്ടിൽ തന്റെ പാദങ്ങളെ ചൂണ്ടിക്കാണിക്കുന്ന മുദ്ര.
മന്ത്രം ജപിക്കുന്ന സമയത്ത് ഭഗവാന്റെ ഈ സ്വരൂപം മനസ്സിൽ ഉണ്ടായിരിക്കണം.
.ഈ മന്ത്രത്തിന് ലൗകിക സുഖങ്ങൾ, സ്വർഗം, മോക്ഷം എന്നിങ്ങനെ എല്ലാം തന്നെ നൽകാനാകും.
അഷ്ടാക്ഷര മന്ത്രം വേദങ്ങളുടെ സാരാംശമാണ്, പ്രണവത്തിന്റെ മറ്റൊരു രൂപമാണ്.
ഈ മന്ത്രം സനാതനമാണ്, ഒരിക്കലും അപ്രത്യക്ഷമാകില്ല, പ്രളയത്തിനുശേഷവും ഈ മന്ത്രം നിലനിൽക്കും.
എല്ലാ മന്ത്രങ്ങളിലും മഹത്തരമായ അഷ്ടാക്ഷര മന്ത്രം എല്ലാ പാപങ്ങളേയും ദുരിതങ്ങളേയും ഇല്ലാതാക്കുന്നു.
സ്വന്തം പാപങ്ങളാണ് എല്ലാ ദുരിതങ്ങൾക്കും കാരണം. പാപങ്ങൾ നീങ്ങിയാൽ ദുരിതങ്ങളും ഇല്ലാതാകും.
അഷ്ടാക്ഷര മന്ത്രം ജപിക്കുമ്പോൾ മന്ത്രസാധനയുടെ നിയമങ്ങൾ പാലിക്കണം.
മറ്റേതെങ്കിലും മന്ത്രജപത്തിന് മുമ്പും ശേഷവും, ദാനം ചെയ്യുമ്പോൾ, ഹോമം ചെയ്യുന്നതിന് മുമ്പും ശേഷവും, എവിടെയെങ്കിലും പോകാനിറങ്ങുമ്പോൾ, സുരക്ഷിതമായി മടങ്ങിയെത്തുമ്പോൾ, എല്ലാ കർമ്മത്തിനും മുമ്പും ശേഷവും അഷ്ടാക്ഷര മന്ത്രം ജപിക്കാം.
അഷ്ടാക്ഷര മന്ത്രത്തിന് എല്ലാം നൽകാനാകും – ആരോഗ്യം, സമ്പത്ത്, ദീർഘായുസ്സ്, സന്താനം, അറിവ്, പ്രശസ്തി, ധർമ്മം, അർത്ഥം, കാമം, മോക്ഷം.
- ഒരു ലക്ഷം ഉരു ജപിച്ചാൽ - പവിത്രത കൈവരും.
- രണ്ട് ലക്ഷം ഉരു ജപിച്ചാൽ – മന്ത്ര സിദ്ധി ലഭിക്കും.
- മൂന്ന് ലക്ഷം ഉരു ജപിച്ചാൽ - സ്വർഗ്ഗത്തിൽ സ്ഥാനം ഉറപ്പാക്കും.
- നാല് ലക്ഷം ഉരു ജപിച്ചാൽ – ഭഗവാന്റെ സാമീപ്യം എപ്പോഴും ലഭിക്കും.
- അഞ്ച് ലക്ഷം ഉരു ജപിച്ചാൽ - ജ്ഞാനം കൈവരും.
- ആറ് ലക്ഷം ഉരു ജപിച്ചാൽ - ഭഗവാനിൽ മനസ്സുറയ്ക്കും.
- ഏഴ് ലക്ഷം ഉരു ജപിച്ചാൽ - എല്ലാറ്റിലും ഭഗവാന്റെ സാന്നിധ്യം തിരിച്ചറിയും.
- എട്ട് ലക്ഷം ഉരു ജപിച്ചാൽ - മോക്ഷം ലഭിക്കും.
വ്യാസമഹർഷി ഉത്സാഹത്തോടെ ശുകദേവനോട് പറയുന്നു -
എല്ലാ ദുഃഖങ്ങളെയും നശിപ്പിക്കുന്ന ഈ അഷ്ടാക്ഷര മന്ത്രം ജപിക്കുക മകനേ, ഭൂമിയിലെ നിന്റെ ജീവിത ലക്ഷ്യം നിറവേറ്റാൻ ഇത് മാത്രം മതിയാകും.
മലയാളം
പല വിഷയങ്ങള്
Click on any topic to open
7
30
Astrology
Bhagavad Gita
Bhagavatam
Bharat Matha
Devi
Devi Mahatmyam
Ganapathy
Garuda Puranam
Glory of Venkatesha
Hanuman
Kathopanishad
Mahabharatam
Mantra Shastra
Mystique
Practical Wisdom
Purana Stories
Radhe Radhe
Ramayana
Rare Topics
Rigveda Explained
Rituals
Sages and Saints
Shiva
Spiritual books
Sri Suktam
Story of Sri Yantra
Temples
Vedas
Vishnu Sahasranama
Yoga Vasishta
26
17
10
0
