శం న ఇంద్రాగ్నీ భవతామవోభిః శం న ఇంద్రావరుణా రాతహవ్యా . శమింద్రాసోమా సువితాయ శం యోః శం న ఇంద్రాపూషణా వాజసాతౌ ..1.. శం నో భగః శము నః శంసో అస్తు శం నః పురంధిః శము సంతు రాయః . శం నః సత్యస్య సుయమస్య శంసః శం నో అర్యమా పురుజాతో అస్త....
శం న ఇంద్రాగ్నీ భవతామవోభిః శం న ఇంద్రావరుణా రాతహవ్యా .
శమింద్రాసోమా సువితాయ శం యోః శం న ఇంద్రాపూషణా వాజసాతౌ ..1..
శం నో భగః శము నః శంసో అస్తు శం నః పురంధిః శము సంతు రాయః .
శం నః సత్యస్య సుయమస్య శంసః శం నో అర్యమా పురుజాతో అస్తు ..2..
శం నో ధాతా శము ధర్తా నో అస్తు శం న ఉరూచీ భవతు స్వధాభిః .
శం రోదసీ బృహతీ శం నో అద్రిః శం నో దేవానాం సుహవాని సంతు ..3..
శం నో అగ్నిర్జ్యోతిరనీకో అస్తు శం నో మిత్రావరుణావశ్వినా శం .
శం నః సుకృతాం సుకృతాని సంతు శం న ఇషిరో అభి వాతు వాతః ..4..
శం నో ద్యావాపృథివీ పూర్వహూతౌ శమంతరిక్షం దృశయే నో అస్తు .
శం న ఓషధీర్వనినో భవంతు శం నో రజసస్పతిరస్తు జిష్ణుః ..5..
శం న ఇంద్రో వసుభిర్దేవో అస్తు శమాదిత్యేభిర్వరుణః సుశంసః .
శం నో రుద్రో రుద్రేభిర్జలాషః శం నస్త్వష్టా గ్నాభిరిహ శృణోతు ..6..
శం నః సోమో భవతు బ్రహ్మ శం నః శం నో గ్రావాణః శము సంతు యజ్ఞాః .
శం నః స్వరూనాం మితయో భవంతు శం నః ప్రస్వః శం వస్తు వేదిః ..7..
శం నః సూర్య ఉరుచక్షా ఉదేతు శం నో భవంతు ప్రదిశశ్చతస్రః .
శం నః పర్వతా ధ్రువయో భవంతు శం నః సింధవః శము సంత్వాపః ..8..
శం నో అదితిర్భవతు వ్రతేభిః శం నో భవంతు మరుతః స్వర్కాః .
శం నో విష్ణుః శము పూషా నో అస్తు శం నో భవిత్రం శం వస్తు వాయుః ..9..
శం నో దేవః సవితా త్రాయమాణః శం నో భవంతూషసో విభాతీః .
శం నః పర్జన్యో భవతు ప్రజాభ్యః శం నః క్షేత్రస్య పతిరస్తు శంభుః ..10..
శం నః సత్యస్య పతయో భవంతు శం నో అర్వంతః శము సంతు గావః .
శం న ఋభవః సుకృతః సుహస్తాః శం నో భవతు పితరో హవేషు ..1..
శం నో దేవా విశ్వదేవా భవంతు శం సరస్వతీ సహ ధీభిరస్తు .
శమభిషాచః శము రాతిషాచః శం నో దివ్యాః పార్థివాః శం నో అప్యాః ..2..
శం నో అజ ఏకపాద్దేవో అస్తు శమహిర్బుధ్న్యః శం సముద్రః .
శం నో అపాం నపాత్పేరురస్తు శం నః పృష్ణిర్భవతు దేవగోపా ..3..
ఆదిత్యా రుద్రా వసవో జుషంతామిదం బ్రహ్మ క్రియమాణం నవీయః .
శృణ్వంతు నో దివ్యాః పార్థివాసో గోజాతా ఉత యే యజ్ఞియాసః ..4..
యే దేవానామృత్విజో యజ్ఞియాసో మనోర్యజత్రా అమృతా ఋతజ్ఞాః .
తే నో రాసంతామురుగాయమద్య యూయం పాత స్వస్తిభిః సదా నః ..5..
తదస్తు మిత్రావరుణా తదగ్నే శం యోరస్మభ్యమిదమస్తు శస్తం .
అశీమహి గాధముత ప్రతిష్ఠాం నమో దివే బృహతే సాదనాయ ..6..
దుర్గా సప్తశతీ - క్షమాపణ స్తోత్రం
అథ దేవీక్షమాపణస్తోత్రం . అపరాధసహస్రాణి క్రియంతేఽహర్ని....
Click here to know more..సంపద కోసం మహాలక్ష్మి మంత్రం
ఓం నమః కమలవాసిన్యై స్వాహా .....
Click here to know more..అచ్యుతాష్టకం
అచ్యుతం కేశవం రామనారాయణం కృష్ణదామోదరం వాసుదేవం హరిం. శ....
Click here to know more..Please wait while the audio list loads..
Ganapathy
Shiva
Hanuman
Devi
Vishnu Sahasranama
Mahabharatam
Practical Wisdom
Yoga Vasishta
Vedas
Rituals
Rare Topics
Devi Mahatmyam
Glory of Venkatesha
Shani Mahatmya
Story of Sri Yantra
Rudram Explained
Atharva Sheersha
Sri Suktam
Kathopanishad
Ramayana
Mystique
Mantra Shastra
Bharat Matha
Bhagavatam
Astrology
Temples
Spiritual books
Purana Stories
Festivals
Sages and Saints