Rudra Suktam

परि णो रुद्रस्य हेतिर्वृणक्तु परि त्वेषस्य दुर्मतिरघायो:।
अव स्थिरा मघवद्भ्यस्तनुष्व मीढ्वस्तोकाय तनयाय मृडय॥
स्तुहि श्रुतं गर्तसदं युवानम्मृगं न भीममुपहत्नुमुग्रम्।
मृडा जरित्रे रुद्र स्तवानो अन्यं ते अस्मन्नि वपन्तु सेना:॥
मीढुष्टम शिवतम शिवो न: सुमना भव।
परमे वृक्ष आयुधं निधाय कृत्तिं वसान आ चर पिना कं बिभ्रदा गहि॥
अर्हन्बिभर्षि सायकानि धन्व।
अर्हन्निष्कं यजतं विश्वरूपम्॥
अर्हन्निदं दयसे विश्वमब्भुवम्।
न वा ओजीयो रुद्र त्वदस्ति॥
त्वमग्ने रुद्रो असुरो महो दिवस्त्वँ शर्धो मारुतं पृक्ष ईशिषे।
त्वं वातैररुणैर्यासि शङ्गयस्त्वं पूषा विधतः पासि नु त्मना॥
आ वो राजानमध्वरस्य रुद्रँ होतारँ सत्ययजँ रोदस्योः।
अग्निं पुरा तनयित्नोरचित्ताद्धिरण्यरूपमवसे कृणुध्वम्॥

pari no rudrasya hetirvri'naktu pari tveshasya durmatiraghaayo:.
ava sthiraa maghavadbhyastanushva meed'hvastokaaya tanayaaya mri'd'aya..
stuhi shrutam gartasadam yuvaanammri'gam na bheemamupahatnumugram.
mri'd'aa jaritre rudra stavaano anyam te asmanni vapantu senaa:..
meed'husht'ama shivatama shivo na: sumanaa bhava.
parame vri'ksha aayudham nidhaaya kri'ttim vasaana aa chara pinaa kam bibhradaa gahi..
arhanbibharshi saayakaani dhanva.
arhannishkam yajatam vishvaroopam..
arhannidam dayase vishvamabbhuvam.
na vaa ojeeyo rudra tvadasti..
tvamagne rudro asuro maho divastvam' shardho maarutam pri'ksha eeshishe.
tvam vaatairarunairyaasi shangayastvam pooshaa vidhatah' paasi nu tmanaa..
aa vo raajaanamadhvarasya rudram' hotaaram' satyayajam' rodasyoh'.
agnim puraa tanayitnorachittaaddhiranyaroopamavase kri'nudhvam..