Mantra For Success In Business

इन्द्रमहं वणिजं चोदयामि स न ऐतु पुरएता नो अस्तु ।
नुदन्न् अरातिं परिपन्थिनं मृगं स ईशानो धनदा अस्तु मह्यम् ॥१॥
ये पन्थानो बहवो देवयाना अन्तरा द्यावापृथिवी संचरन्ति ।
ते मा जुषन्तां पयसा घृतेन यथा क्रीत्वा धनमाहराणि ॥२॥
इध्मेनाग्न इच्छमानो घृतेन जुहोमि हव्यं तरसे बलाय ।
यावदीशे ब्रह्मणा वन्दमान इमां धियं शतसेयाय देवीम् ॥३॥
इमामग्ने शरणिं मीमृषो नो यमध्वानमगाम दूरम् ।
शुनं नो अस्तु प्रपणो विक्रयश्च प्रतिपणः फलिनं मा कृणोतु ।
इदं हव्यं संविदानौ जुषेथां शुनं नो अस्तु चरितमुत्थितं च ॥४॥
येन धनेन प्रपणं चरामि धनेन देवा धनमिच्छमानः ।
तन् मे भूयो भवतु मा कनीयोऽग्ने सातघ्नो देवान् हविषा नि षेध ॥५॥
येन धनेन प्रपणं चरामि धनेन देवा धनमिच्छमानः ।
तस्मिन् म इन्द्रो रुचिमा दधातु प्रजापतिः सविता सोमो अग्निः ॥६॥
उप त्वा नमसा वयं होतर्वैश्वानर स्तुमः ।
स नः प्रजास्वात्मसु गोषु प्राणेषु जागृहि ॥७॥
विश्वाहा ते सदमिद्भरेमाश्वायेव तिष्ठते जातवेदः ।
रायस्पोषेण समिषा मदन्तो मा ते अग्ने प्रतिवेशा रिषाम ॥८॥

indramaham vanijam chodayaami sa na aitu puraetaa no astu .
nudann araatim paripanthinam mri'gam sa eeshaano dhanadaa astu mahyam ..1..
ye panthaano bahavo devayaanaa antaraa dyaavaapri'thivee sancharanti .
te maa jushantaam payasaa ghri'tena yathaa kreetvaa dhanamaaharaani ..2..
idhmenaagna ichchhamaano ghri'tena juhomi havyam tarase balaaya .
yaavadeeshe brahmanaa vandamaana imaam dhiyam shataseyaaya deveem ..3..
imaamagne sharanim meemri'sho no yamadhvaanamagaama dooram .
shunam no astu prapano vikrayashcha pratipanah' phalinam maa kri'notu .
idam havyam samvidaanau jushethaam shunam no astu charitamutthitam cha ..4..
yena dhanena prapanam charaami dhanena devaa dhanamichchhamaanah' .
tan me bhooyo bhavatu maa kaneeyo'gne saataghno devaan havishaa ni shedha ..5..
yena dhanena prapanam charaami dhanena devaa dhanamichchhamaanah' .
tasmin ma indro ruchimaa dadhaatu prajaapatih' savitaa somo agnih' ..6..
upa tvaa namasaa vayam hotarvaishvaanara stumah' .
sa nah' prajaasvaatmasu goshu praaneshu jaagri'hi ..7..
vishvaahaa te sadamidbharemaashvaayeva tisht'hate jaatavedah' .
raayasposhena samishaa madanto maa te agne prativeshaa rishaama ..8..