ॐ जा॒तवे॑दसे सुनवाम॒ सोम॑ मरातीय॒तो निद॑हाति॒ वेदः॑ ।
स नः॑ पर्ष॒दति॑ दु॒र्गाणि॒ विश्वा॑ ना॒वेव॒ सिन्धुं॑ दुरि॒ताऽत्य॒ग्निः ॥
ताम॒ग्निव॑र्णां॒ तप॑सा ज्वल॒न्तीं वै॑रोच॒नीं क॑र्मफ॒लेषु॒ जुष्टा᳚म् ।
दु॒र्गां दे॒वीग्ं शर॑णम॒हं प्रप॑द्ये सु॒तर॑सि तरसे॒ नमः॑ ॥
अग्ने॒ त्वं पा॑रया॒ नव्यो॑ अ॒स्मान्थ्स्व॒स्तिभि॒रति॑ दु॒र्गाणि॒ विश्वा᳚ ।
पूश्च॑ पृ॒थ्वी ब॑हु॒ला न॑ उ॒र्वी भवा॑ तो॒काय॒ तन॑याय॒ शंयोः ॥
विश्वा॑नि नो दु॒र्गहा॑ जातवेदः॒ सिन्धु॒न्न ना॒वा दु॑रि॒ताऽति॑पर्षि ।
अग्ने॑ अत्रि॒वन्मन॑सा गृणा॒नो᳚ऽस्माकं॑ बोध्यवि॒ता त॒नूना᳚म् ॥
पृ॒त॒ना॒ जित॒ग्ं॒ सह॑मानमु॒ग्रम॒ग्निग्ं हु॑वेम पर॒माथ्स॒धस्था᳚त् ।
स नः॑ पर्ष॒दति॑ दु॒र्गाणि॒ विश्वा॒ क्षाम॑द्दे॒वो अति॑ दुरि॒ताऽत्य॒ग्निः ॥
प्र॒त्नोषि॑ क॒मीड्यो॑ अध्व॒रेषु॑ स॒नाच्च॒ होता॒ नव्य॑श्च॒ सत्सि॑ ।
स्वाञ्चा᳚ऽग्ने त॒नुवं॑ पि॒प्रय॑स्वा॒स्मभ्यं॑ च॒ सौभ॑ग॒माय॑जस्व ॥
गोभि॒र्जुष्ट॑म॒युजो॒ निषि॑क्तं॒ तवे᳚न्द्र विष्णो॒रनु॒सञ्च॑रेम ।
नाक॑स्य पृ॒ष्ठम॒भि सं॒वसा॑नो॒ वैष्ण॑वीं लो॒क इ॒ह मा॑दयन्ताम् ॥
का॒त्या॒य॒नाय॑ वि॒द्महे॑ कन्यकु॒मारि॑ धीमहि ।
तन्नो॑ दुर्गिः प्रचो॒दया᳚त् ॥

om jaatavedase sunavaama soma maraateeyato nidahaati vedah' .
sa nah' parshadati durgaani vishvaa naaveva sindhum duritaa'tyagnih' ..
taamagnivarnaam tapasaa jvalanteem vairochaneem karmaphaleshu jusht'aam .
durgaam deveegm sharanamaham prapadye sutarasi tarase namah' ..
agne tvam paarayaa navyo asmaanthsvastibhirati durgaani vishvaa .
pooshcha pri'thvee bahulaa na urvee bhavaa tokaaya tanayaaya shamyoh' ..
vishvaani no durgahaa jaatavedah' sindhunna naavaa duritaa'tiparshi .
agne atrivanmanasaa gri'naano'smaakam bodhyavitaa tanoonaam ..
pri'tanaa jitagm sahamaanamugramagnigm huvema paramaathsadhasthaat .
sa nah' parshadati durgaani vishvaa kshaamaddevo ati duritaa'tyagnih' ..
pratnoshi kameed'yo adhvareshu sanaachcha hotaa navyashcha satsi .
svaanchaa'gne tanuvam piprayasvaasmabhyam cha saubhagamaayajasva ..
gobhirjusht'amayujo nishiktam tavendra vishnoranusancharema .
naakasya pri'sht'hamabhi samvasaano vaishnaveem loka iha maadayantaam ..
kaatyaayanaaya vidmahe kanyakumaari dheemahi .
tanno durgih' prachodayaat ..