Durga Suktam

ॐ जातवेदसे सुनवाम सोम मरातीयतो निदहाति वेदः ।
स नः पर्षदति दुर्गाणि विश्वा नावेव सिन्धुं दुरिताऽत्यग्निः ॥
तामग्निवर्णां तपसा ज्वलन्तीं वैरोचनीं कर्मफलेषु जुष्टाम् ।
दुर्गां देवीग्ं शरणमहं प्रपद्ये सुतरसि तरसे नमः ॥
अग्ने त्वं पारया नव्यो अस्मान्थ्स्वस्तिभिरति दुर्गाणि विश्वा ।
पूश्च पृथ्वी बहुला न उर्वी भवा तोकाय तनयाय शंयोः ॥
विश्वानि नो दुर्गहा जातवेदः सिन्धुन्न नावा दुरिताऽतिपर्षि ।
अग्ने अत्रिवन्मनसा गृणानोऽस्माकं बोध्यविता तनूनाम् ॥
पृतना जितग्ं सहमानमुग्रमग्निग्ं हुवेम परमाथ्सधस्थात् ।
स नः पर्षदति दुर्गाणि विश्वा क्षामद्देवो अति दुरिताऽत्यग्निः ॥
प्रत्नोषि कमीड्यो अध्वरेषु सनाच्च होता नव्यश्च सत्सि ।
स्वाञ्चाऽग्ने तनुवं पिप्रयस्वास्मभ्यं च सौभगमायजस्व ॥
गोभिर्जुष्टमयुजो निषिक्तं तवेन्द्र विष्णोरनुसञ्चरेम ।
नाकस्य पृष्ठमभि संवसानो वैष्णवीं लोक इह मादयन्ताम् ॥
कात्यायनाय विद्महे कन्यकुमारि धीमहि ।
तन्नो दुर्गिः प्रचोदयात् ॥

om jaatavedase sunavaama soma maraateeyato nidahaati vedah' .
sa nah' parshadati durgaani vishvaa naaveva sindhum duritaa'tyagnih' ..
taamagnivarnaam tapasaa jvalanteem vairochaneem karmaphaleshu jusht'aam .
durgaam deveegm sharanamaham prapadye sutarasi tarase namah' ..
agne tvam paarayaa navyo asmaanthsvastibhirati durgaani vishvaa .
pooshcha pri'thvee bahulaa na urvee bhavaa tokaaya tanayaaya shamyoh' ..
vishvaani no durgahaa jaatavedah' sindhunna naavaa duritaa'tiparshi .
agne atrivanmanasaa gri'naano'smaakam bodhyavitaa tanoonaam ..
pri'tanaa jitagm sahamaanamugramagnigm huvema paramaathsadhasthaat .
sa nah' parshadati durgaani vishvaa kshaamaddevo ati duritaa'tyagnih' ..
pratnoshi kameed'yo adhvareshu sanaachcha hotaa navyashcha satsi .
svaanchaa'gne tanuvam piprayasvaasmabhyam cha saubhagamaayajasva ..
gobhirjusht'amayujo nishiktam tavendra vishnoranusancharema .
naakasya pri'sht'hamabhi samvasaano vaishnaveem loka iha maadayantaam ..
kaatyaayanaaya vidmahe kanyakumaari dheemahi .
tanno durgih' prachodayaat ..