यो ब्रह्मा ब्रह्मण उ॑ज्जहा॒र प्रा॒णैः शि॒रः कृत्तिवासाः᳚ पिना॒की ।
ईशानो देवः स न आयु॑र्दधा॒तु॒ तस्मै जुहोमि हविषा॑ घृते॒न ॥ १ ॥
विभ्राजमानः सरिर॑स्य म॒ध्या॒-द्रो॒च॒मा॒नो घर्मरुचि॑र्य आ॒गात् ।
स मृत्युपाशानपनु॑द्य घो॒रा॒नि॒हा॒यु॒षे॒णो घृतम॑त्तु दे॒वः ॥ २ ॥
ब्रह्मज्योति-र्ब्रह्म-पत्नी॑षु ग॒र्भं॒ य॒मा॒द॒धात् पुरुरूपं॑ जय॒न्तम् ।
सुवर्णरम्भग्रह-म॑र्कम॒र्च्यं॒ त॒मा॒यु॒षे वर्धयामो॑ घृते॒न ॥ ३ ॥
श्रियं लक्ष्मी-मौबला-मम्बिकां॒ गां॒ ष॒ष्ठीं च या॒मिन्द्रसेने᳚त्युदा॒हुः ।
तां विद्यां ब्रह्मयोनिग्ं॑ सरू॒पा॒मि॒हा॒यु॒षे तर्पयामो॑ घृते॒न ॥ ४ ॥
दाक्षायण्यः सर्वयोन्यः॑ स यो॒न्यः॒ स॒ह॒स्र॒शो विश्वरूपा॑ विरू॒पाः ।
ससूनवः सपतयः॑ सयू॒थ्या॒ आ॒यु॒षे॒णो घृतमिदं॑ जुष॒न्ताम् ॥ ५ ॥
दिव्या गणा बहुरूपाः᳚ पुरा॒णा॒ आयुश्छिदो नः प्रमथ्न॑न्तु वी॒रान् ।
तेभ्यो जुहोमि बहुधा॑ घृते॒न॒ मा॒ नः॒ प्र॒जाग्ं रीरिषो मो॑त वी॒रान् ॥ ६ ॥
ए॒कः॒ पु॒र॒स्तात् य इदं॑ बभू॒व॒ यतो बभूव भुवन॑स्य गो॒पाः ।
यमप्येति भुवनग्ं सा᳚म्परा॒ये॒ स नो हविर्घृत-मिहायुषे᳚त्तु दे॒वः ॥ ७ ॥
व॒सू॒न् रुद्रा॑-नादि॒त्यान् मरुतो॑ऽथ सा॒ध्या॒न् ऋ॑भून् य॒क्षा॒न् गन्धर्वाग्श्च
पितॄग्श्च वि॒श्वान् ।
भृगून् सर्पाग्श्चाङ्गिरसो॑ऽथ स॒र्वा॒न् घृ॒त॒ग्ं हु॒त्वा स्वायुष्या महया॑म
श॒श्वत् ॥ ८ ॥

yo brahmaa brahmana ujjahaara praanaih' shirah' kri'ttivaasaah' pinaakee .
eeshaano devah' sa na aayurdadhaatu tasmai juhomi havishaa ghri'tena .. 1 ..
vibhraajamaanah' sarirasya madhyaa-drochamaano gharmaruchirya aagaat .
sa mri'tyupaashaanapanudya ghoraanihaayusheno ghri'tamattu devah' .. 2 ..
brahmajyoti-rbrahma-patneeshu garbham yamaadadhaat pururoopam jayantam .
suvarnarambhagraha-markamarchyam tamaayushe vardhayaamo ghri'tena .. 3 ..
shriyam lakshmee-maubalaa-mambikaam gaam shasht'heem cha yaamindrasenetyudaahuh' .
taam vidyaam brahmayonigm saroopaamihaayushe tarpayaamo ghri'tena .. 4 ..
daakshaayanyah' sarvayonyah' sa yonyah' sahasrasho vishvaroopaa viroopaah' .
sasoonavah' sapatayah' sayoothyaa aayusheno ghri'tamidam jushantaam .. 5 ..
divyaa ganaa bahuroopaah' puraanaa aayushchhido nah' pramathnantu veeraan .
tebhyo juhomi bahudhaa ghri'tena maa nah' prajaagm reerisho mota veeraan .. 6 ..
ekah' purastaat ya idam babhoova yato babhoova bhuvanasya gopaah' .
yamapyeti bhuvanagm saamparaaye sa no havirghri'ta-mihaayushettu devah' .. 7 ..
vasoon rudraa-naadityaan marutotha saadhyaan ri'bhoon yakshaan gandharvaagshcha
pitree'gshcha vishvaan .
bhri'goon sarpaagshchaangirasotha sarvaan ghri'tagm hutvaa svaayushyaa mahayaama
shashvat .. 8 ..