శ్రీమత్తిల్వవనే సభేశసదనప్రత్యక్కకుబ్గోపురా-
ధోభాగస్థితచారుసద్మవసతిర్భక్తేష్టకల్పద్రుమః .
నృత్తానందమదోత్కటో గణపతిః సంరక్షతాద్వోఽనిశం
దూర్వాసఃప్రముఖాఖిలర్షివినుతః సర్వేశ్వరోఽగ్ర్యోఽవ్యయః ..
శ్రీమత్తిల్లవనాభిధం పురవరం క్షుల్లావుకం ప్రాణినాం
ఇత్యాహుర్మునయః కిలేతి నితరాం జ్ఞాతుం చ తత్సత్యతాం .
ఆయాంతం నిశి మస్కరీంద్రమపి యో దూర్వాససం ప్రీణయన్
నృత్తం దర్శయతి స్మ నో గణపతిః కల్పద్రుకల్పోఽవతాత్ ..
దేవాన్ నృత్తదిదృక్షయా పశుపతేరభ్యాగతాన్ కామినః
శక్రాదీన్ స్వయముద్ధృతం నిజపదం వామేతరం దర్శయన్ .
దత్వా తత్తదభీష్టవర్గమనిశం స్వర్గాదిలోకాన్విభుః
నిన్యే యః శివకామినాథతనయః కుర్యాచ్ఛివం వోఽన్వహం ..
అస్మాకం పురతశ్చకాస్తు భగవాన్ శ్రీకల్పకాఖ్యోఽగ్రణీః
గోవిందాదిసురార్చితోఽమృతరసప్రాప్త్యై గజేంద్రాననః .
వాచం యచ్ఛతు నిశ్చలాం శ్రియమపి స్వాత్మావబోధం పరం
దారాన్ పుత్రవరాంశ్చ సర్వవిభవం కాత్యాయనీశాత్మజః ..
వందే కల్పకకుంజరేంద్రవదనం వేదోక్తిభిస్తిల్వభూ-
దేవైః పూజితపాదపద్మయుగలం పాశచ్ఛిదం ప్రాణినాం .
దంతాదీనపి షడ్భుజేషు దధతం వాంఛాప్రదత్వాప్తయే
స్వాభ్యర్ణాశ్రయికామధేనుమనిశం శ్రీముఖ్యసర్వార్థదం ..
ఔమాపత్యమిమం స్తవం ప్రతిదినం ప్రాతర్నిశం యః పఠేత్
శ్రీమత్కల్పకకుంజరాననకృపాపాంగావలోకాన్నరః .
యం యం కామయతే చ తం తమఖిలం ప్రాప్నోతి నిర్విఘ్నతః
కైవల్యం చ తథాఽన్తిమే వయసి తత్సర్వార్థసిద్ధిప్రదం ..
పార్వతీ చాలిసా
జయ గిరీ తనయే దక్షజే శంభు ప్రియే గుణఖాని. గణపతి జననీ పార్....
Click here to know more..తుంగభద్రా స్తోత్రం
తుంగా తుంగతరంగవేగసుభగా గంగాసమా నిమ్నగా రోగాంతాఽవతు సహ....
Click here to know more..కష్ట సమయాల్లో బలం కోసం మంత్రం
ఓం రాం రామాయ నమః. హుం జానకీవల్లభాయ స్వాహా. లం లక్ష్మణాయ న....
Click here to know more..