విఘ్నేశ్వరం చతుర్బాహుం దేవపూజ్యం పరాత్పరం|
గణేశం త్వాం ప్రపన్నోఽహం విఘ్నాన్ మే నాశయాఽఽశు భోః|
లంబోదరం గజేశానం విశాలాక్షం సనాతనం|
ఏకదంతం ప్రపన్నోఽహం విఘ్నాన్ మే నాశయాఽఽశు భోః|
ఆఖువాహనమవ్యక్తం సర్వశాస్త్రవిశారదం|
వరప్రదం ప్రపన్నోఽహం విఘ్నాన్ మే నాశయాఽఽశు భోః|
అభయం వరదం దోర్భ్యాం దధానం మోదకప్రియం|
శైలజాజం ప్రపన్నోఽహం విఘ్నాన్ మే నాశయాఽఽశు భోః|
భక్తితుష్టం జగన్నాథం ధ్యాతృమోక్షప్రదం ద్విపం|
శివసూనుం ప్రపన్నోఽహం విఘ్నాన్ మే నాశయాఽఽశు భోః|
సంసారాబ్ధితరిం దేవం కరిరూపం గణాగ్రగం|
స్కందాగ్రజం ప్రపన్నోఽహం విఘ్నాన్ మే నాశయాఽఽశు భోః|
కారుణ్యామృతజీమూతం సురాసురనమస్కృతం|
శూలహస్తం ప్రపన్నోఽహం విఘ్నాన్ మే నాశయాఽఽశు భోః|
పరేశ్వరం మహాకాయం మహాభారతలేఖకం|
వేదవేద్యం ప్రపన్నోఽహం విఘ్నాన్ మే నాశయాఽఽశు భోః|
విఘ్నేశాష్టకమేతద్యః సర్వవిఘ్నౌఘనాశనం|
పఠేత్ ప్రతిదినం ప్రాతస్తస్య నిర్విఘ్నతా భవేత్|
కృష్ణ నామావలి స్తోత్రం
నారసింహ దారుణాస్యం క్షీరాంబుధినికేతనం . వీరాగ్రేసరమాన....
Click here to know more..వేంకటేశ ద్వాదశ నామ స్తోత్రం
అస్య శ్రీవేంకటేశద్వాదశనామస్తోత్రమహామంత్రస్య. బ్రహ్మా....
Click here to know more..శక్తి కోసం రాహు గాయత్రీ మంత్రం
ఓం శిరోరూపాయ విద్మహే ఛాయాసుతాయ ధీమహి. తన్నో రాహుః ప్రచో....
Click here to know more..