ശ്രീമത്തില്വവനേ സഭേശസദനപ്രത്യക്കകുബ്ഗോപുരാ-
ധോഭാഗസ്ഥിതചാരുസദ്മവസതിർഭക്തേഷ്ടകല്പദ്രുമഃ .
നൃത്താനന്ദമദോത്കടോ ഗണപതിഃ സംരക്ഷതാദ്വോഽനിശം
ദൂർവാസഃപ്രമുഖാഖിലർഷിവിനുതഃ സർവേശ്വരോഽഗ്ര്യോഽവ്യയഃ ..
ശ്രീമത്തില്ലവനാഭിധം പുരവരം ക്ഷുല്ലാവുകം പ്രാണിനാം
ഇത്യാഹുർമുനയഃ കിലേതി നിതരാം ജ്ഞാതും ച തത്സത്യതാം .
ആയാന്തം നിശി മസ്കരീന്ദ്രമപി യോ ദൂർവാസസം പ്രീണയൻ
നൃത്തം ദർശയതി സ്മ നോ ഗണപതിഃ കല്പദ്രുകല്പോഽവതാത് ..
ദേവാൻ നൃത്തദിദൃക്ഷയാ പശുപതേരഭ്യാഗതാൻ കാമിനഃ
ശക്രാദീൻ സ്വയമുദ്ധൃതം നിജപദം വാമേതരം ദർശയൻ .
ദത്വാ തത്തദഭീഷ്ടവർഗമനിശം സ്വർഗാദിലോകാന്വിഭുഃ
നിന്യേ യഃ ശിവകാമിനാഥതനയഃ കുര്യാച്ഛിവം വോഽന്വഹം ..
അസ്മാകം പുരതശ്ചകാസ്തു ഭഗവാൻ ശ്രീകല്പകാഖ്യോഽഗ്രണീഃ
ഗോവിന്ദാദിസുരാർചിതോഽമൃതരസപ്രാപ്ത്യൈ ഗജേന്ദ്രാനനഃ .
വാചം യച്ഛതു നിശ്ചലാം ശ്രിയമപി സ്വാത്മാവബോധം പരം
ദാരാൻ പുത്രവരാംശ്ച സർവവിഭവം കാത്യായനീശാത്മജഃ ..
വന്ദേ കല്പകകുഞ്ജരേന്ദ്രവദനം വേദോക്തിഭിസ്തില്വഭൂ-
ദേവൈഃ പൂജിതപാദപദ്മയുഗലം പാശച്ഛിദം പ്രാണിനാം .
ദന്താദീനപി ഷഡ്ഭുജേഷു ദധതം വാഞ്ഛാപ്രദത്വാപ്തയേ
സ്വാഭ്യർണാശ്രയികാമധേനുമനിശം ശ്രീമുഖ്യസർവാർഥദം ..
ഔമാപത്യമിമം സ്തവം പ്രതിദിനം പ്രാതർനിശം യഃ പഠേത്
ശ്രീമത്കല്പകകുഞ്ജരാനനകൃപാപാംഗാവലോകാന്നരഃ .
യം യം കാമയതേ ച തം തമഖിലം പ്രാപ്നോതി നിർവിഘ്നതഃ
കൈവല്യം ച തഥാഽന്തിമേ വയസി തത്സർവാർഥസിദ്ധിപ്രദം ..
വസുധൈവ കുടുംബകം പാട്ട്
യേഷാമതിശർമദാ സർവാൻ പ്രതി സർവദാ ഗർവാദ്യതിദൂരഗാ ഭാന്തീ ഹ....
Click here to know more..ത്രിപുരസുന്ദരീ പഞ്ചക സ്തോത്രം
പ്രാതർനമാമി ജഗതാം ജനന്യാശ്ചരണാംബുജം. ശ്രീമത്ത്രിപുരസ....
Click here to know more..സംരക്ഷണത്തിനുള്ള നരസിംഹ ഭഗവാൻ്റെ മന്ത്രം
ഓം നമോ നൃസിംഹസിംഹായ സിംഹരാജായ നരകേശായ നമോ നമസ്തേ . ഓം നമ....
Click here to know more..