బ్రహ్మణస్పతిమవ్యక్తం బ్రహ్మవిద్యావిశారదం|
వారణాస్యం సురం వందే వాతాపిగణనాయకం|
పార్వతీస్తన్యపీయూషపిపాసుం మోదకప్రియం|
వరప్రదాయినం వందే వాతాపిగణనాయకం|
లంబోదరం గజేశానం భూతిదానపరాయణం|
భూతాదిసేవితం వందే వాతాపిగణనాయకం|
వక్రతుండం సురానందం నిశ్చలం నిశ్చితార్థదం|
ప్రపంచభరణం వందే వాతాపిగణనాయకం|
విశాలాక్షం విదాం శ్రేష్ఠం వేదవాఙ్మయవర్ణితం|
వీతరాగం వరం వందే వాతాపిగణనాయకం|
సర్వసిద్ధాంతసంవేద్యం భక్తాహ్లాదనతత్పరం|
యోగిభిర్వినుతం వందే వాతాపిగణనాయకం|
మోహమోహితమోంకారబ్రహ్మరూపం సనాతనం|
లోకానాం కారణం వందే వాతాపిగణనాయకం|
పీనస్కంధం ప్రసన్నాతిమోదదం ముద్గరాయుధం|
విఘ్నౌఘనాశనం వందే వాతాపిగణనాయకం|
క్షిప్రప్రసాదకం దేవం మహోత్కటమనామయం|
మూలాధారస్థితం వందే వాతాపిగణనాయకం|
సిద్ధిబుద్ధిపతిం శంభుసూనుం మంగలవిగ్రహం|
ధృతపాశాంకుశం వందే వాతాపిగణనాయకం|
ఋషిరాజస్తుతం శాంతమజ్ఞానధ్వాంతతాపనం|
హేరంబం సుముఖం వందే వాతాపిగణనాయకం|
వామన స్తుతి
శతధృతిభవనాంభోరుహో నాలదండః క్షోణీనౌకూపదండః క్షరదమరసరి....
Click here to know more..చిదంబరేశ స్తుతి
కృపాసముద్రం సుముఖం త్రినేత్రం జటాధరం పార్వతివామభాగం. స....
Click here to know more..భార్యాభర్తలిద్దరికీ దీర్ఘాయువు కోసం మంత్రం
ఋధ్యాస్మ హవ్యైర్నమసోపసద్య. మిత్రం దేవం మిత్రధేయం నో అస....
Click here to know more..