മൂന്ന് തരം സാധകർ

തന്ത്രശാസ്ത്രം സാധകരുടെ ചിന്തകളേയും ജീവിതരീതികളേയും അടിസ്ഥാനമാക്കി അവരെ മൂന്ന്  ഭാവങ്ങളായി തിരിക്കുന്നുണ്ട്: പശുഭാവം, വീരഭാവം, ദിവ്യഭാവം, എന്നിങ്ങനെ.

1. പശുഭാവം - പശു എന്ന വാക്കിന് 'ബന്ധിക്കപ്പെട്ടവൻ' എന്നാണ് അർത്ഥം. ഭയം, അർത്ഥമറിയാത്ത ആചാരങ്ങൾ, നിയമങ്ങൾ എന്നിവയിൽ കുടുങ്ങിക്കിടക്കുന്നവരാണിവർ. മറ്റുള്ളവർ ചെയ്യുന്നത് കണ്ടോ അല്ലെങ്കിൽ വെറും ഒരു ശീലമായോ ആണ് ഇവർ അദ്ധ്യാത്മത്തെ പിന്തുടരുന്നത്. എന്തെങ്കിലും സംഭവിച്ചാലോ എന്ന ഭയം കൊണ്ടാണ് ഇവർ നിയമങ്ങൾ ലംഘിക്കാത്തത്. അൽപം രജോഗുണം കലർന്ന തമോഗുണമായിരിക്കും ഇവരുടെ പ്രകൃതം. മാറ്റങ്ങളെ ഇവർ ഭയപ്പെടുന്നു. ഈശ്വരൻ ശിക്ഷിക്കുന്നത് ഒഴിവാക്കാനായിരിക്കും ഇവരിൽ പലരും സാധന ചെയ്യുന്നത്. ഈ സ്വഭാവം അവരുടെ അദ്ധ്യാത്മത്തിലെ പുരോഗതിയെ പരിമിതപ്പെടുത്തുന്നു.
2. വീരഭാവം - ഭയത്തിൽ നിന്നും ശീലങ്ങളിൽ നിന്നും മോചനം നേടാൻ തയ്യാറാണിവർ. നിയമങ്ങളെ മനസ്സിലാക്കാനും വളരാനും ഇവർ ആഗ്രഹിക്കുന്നു. ഇവർ ധൈര്യശാലികളും കർമ്മനിരതരും യഥാർത്ഥ മാറ്റം ആഗ്രഹിക്കുന്നവരുമാണ്. രജോഗുണമായിരിക്കും ഇവരിൽ പ്രധാനം. ഉത്സാഹത്തോടെ ഇവർ അദ്ധ്യാത്മത്തെ പിന്തുടരുന്നു. എന്നാൽ ഈ പാത അപകടകരമാണ്. ശ്രദ്ധിച്ചില്ലെങ്കിൽ അഹങ്കാരത്തിലേക്കോ ശക്തി ദുരുപയോഗം ചെയ്യുന്നതിലേക്കോ ഇവർ വഴുതിവീഴാം (ഉദാഹരണം - രാവണൻ).
3. ദിവ്യഭാവം - ഇവർ ശാന്തരും, ജ്ഞാനികളും, പരിശുദ്ധരുമാണ്. എല്ലാവരിലും എല്ലാറ്റിലും ഈശ്വരനെ കാണാൻ ഇവർക്ക് സാധിക്കുന്നു.  സ്ഥിരത, ഈശ്വരനോട് സ്നേഹം, സത്യസന്ധത, മറ്റുള്ളവരെ സഹായിക്കാനുള്ള താത്പര്യം, ഭക്തി എന്നിവ ഇവരുടെ ഗുണങ്ങളാണ്.

പശുഭാവത്തിൽ നിന്നും ദിവ്യഭാവത്തിൽ എത്തിച്ചേരുകയാണ് സാധനയുടെ ഉദ്ദേശ്യം.

Ramaswamy Sastry and Vighnesh Ghanapaathi