പൂജയ്ക്ക് മുമ്പ് പൂജകൻ തന്നെത്തന്നെ രക്ഷിക്കണം

പൂജ ചെയ്യുമ്പോൾ പൂജകന് പല രീതിയിലുള്ള തടസ്സങ്ങൾ വരാം.

ഈ തടസ്സങ്ങൾ അധികവും പൂജയുടെ സദ്ഫലങ്ങളെ തടയാൻ ശ്രമിക്കുന്ന ദുഷ്ടശക്തികൾ അല്ലെങ്കിൽ ഈ സദ്ഫലങ്ങളെ കവർന്നെടുക്കാൻ ശ്രമിക്കുന്ന ആസുരശക്തികൾ, ഇവ ഉണ്ടാക്കുന്നവയായിരിക്കും.

നമുക്കറിയാം യജ്ഞത്തിന് തടസ്സം സൃഷ്ടിച്ച രാക്ഷസന്മാരെ ഒടുക്കുവാൻ വിശ്വാമിത്രൻ ശ്രീരാമന്‍റെ സഹായം തേടിയത്.

യജ്ഞങ്ങൾ, പൂജകൾ അവയെല്ലാം നന്മയ്ക്ക് വേണ്ടിയിട്ടുള്ളതാണ്.

അപ്പോൾ ദുഷ്ടശക്തികൾ അവ നടക്കുന്നതിനെ തടയാൻ ശ്രമിക്കും, സ്വാഭാവികം.

ഒട്ടനവധി പേർക്ക് ആത്മീയതയിൽ താല്പര്യം ഇല്ലാതിരിക്കാൻ ഇതും ഒരു കാരണമാണ്.

യജ്ഞങ്ങളിൽ ഓരോ ഘട്ടത്തിലും ഈ ആസുര ശക്തികളെ നിരാകരിക്കുന്ന പ്രക്രിയ കാണാം.

അതിന് മന്ത്രങ്ങളുണ്ട്.

പ്രത്യുഷ്ടം രക്ഷ: പ്രത്യുഷ്ടാ അരാതയ: നിർദഗ്ധം രക്ഷോ നിർദഗ്ധാ അരാതയ: തുടങ്ങിയ മന്ത്രങ്ങൾ.

യജ്ഞോപകരണങ്ങളെ മന്ത്രം ജപിച്ച് അഗ്നിയിൽ കാണിച്ചും അല്ലെങ്കിൽ മന്ത്രം ജപിച്ച് ജലം തളിച്ചും മറ്റും ഇത് ചെയ്യുന്നു.

ചിലയിടങ്ങളിൽ ശാപവചനങ്ങൾ വരെ ഉപയോഗിക്കുന്നുണ്ട്.

യജ്ഞത്തിൽ ബ്രഹ്മാവിനിരിക്കേണ്ട ആസനത്തിൽ നിന്നും ഈ ദുഷ്ടശക്തികളെ തുരത്താൻ ഇത്തരത്തിൽ ഒരു വാക്പ്രയോഗം കാണാം.

വളരെ രസകരമാണ് ഇതൊക്കെ.

ഇവിടെ തന്ത്രത്തിൽ ഇത്തരം ദുഷ്ടശക്തികളെ നീക്കുവാനും അവയിൽ നിന്നും രക്ഷ പ്രാപിക്കുവാനും പൂജാരംഭത്തിൽ ചെയ്യുന്ന ഒരു കാര്യമുണ്ട്.

താലത്രയാദി ദിഗ്ബന്ധനം വഹ്നിപ്രാകാരത്രയം എന്ന് പറയും.

ഭൂമിയുടെ തലത്തിലും അതായത് പൂജകൻ തന്‍റെ തന്നെ അരയ്ക്ക് സമീപവും പിന്നെ അന്തരീക്ഷത്തിന്‍റെ തലത്തിലും നെഞ്ചിന് നേരെ പിന്നെ സ്വർഗ്ഗത്തിന്‍റെ തലത്തിലും തലയ്ക്ക് നേരെ മുകളിലായും ഓരോരോ പ്രാവശ്യം കയ്യടിക്കുന്നു.

ആകെ മൂന്ന് പ്രാവശ്യം താല ത്രയം

ഇതിൽ മേലോട്ട് പോകുന്തോറും കയ്യടിയുടെ ശബ്ദവും ക്രമത്തിൽ കൂടും.

ഭൂമിയുടെയും അന്തരീക്ഷത്തിന്‍റെയും സ്വർഗ്ഗത്തിന്‍റെയും തലങ്ങളിലുള്ള വിഘ്നങ്ങളെ ഈ കയ്യടി ശബ്ദം കൊണ്ട് ഇല്ലാതാക്കുകയാണ് ഉദ്ദേശം.

ഇത് താലത്രയം.

അടുത്തതായി നേരത്തെ പറഞ്ഞ അഗ്ന്യാത്മകമായ ദേവതയുടെ അസ്ത്ര മന്ത്രം കൊണ്ട് അസ്ത്ര മുദ്ര കാണിക്കണം.

തനിക്ക് ചുറ്റും.

എട്ട് ദിക്കുകളിലേക്കും മുകളിലേക്കും താഴേക്കും ആകെ 10.

അസ്ത്ര മുദ്ര എന്നാൽ വില്ല് കുലച്ച് അതിൽ നിന്ന് അമ്പെയ്യുന്ന സമയത്ത് വലത്തെ കൈവിരലുകളുടെ ചലനം പോലെ ഇരിക്കും ഏതാണ്ട്.

ഇതിൻ്റെ പേര് ദശ ദിഗ്ബന്ധനം.

പത്ത ദിക്കുകളെ ഈ മന്ത്രം കൊണ്ട് എയ്യുന്ന സാങ്കല്പിക അസ്ത്രങ്ങളുടെ ശക്തി കൊണ്ട് സുരക്ഷിതമായി ബന്ധിക്കുക.

ബന്ധിക്കുക എന്നാൽ ആ വഴി ദുഷ്ടശക്തികൾ ഉള്ളിലേക്ക് വരാതെ തടുക്കുക.

അതിനുശേഷം ഇതേ അസ്ത്രമന്ത്രം കൊണ്ട് മൂന്ന് തലങ്ങളിൽ ഭൂമിയിലും അന്തരീക്ഷത്തിലും സ്വർഗ്ഗത്തിലും അഗ്നി കൊണ്ട് മൂന്ന് കോട്ടകൾ കെട്ടുക.

മൂന്ന് ഭിത്തികൾ കെട്ടുക.

ഇപ്പോൾ നമ്മൾ ഇന്റർനെറ്റ് യുഗത്തിൽ പറയുന്നതുപോലെ ഫയർവാൾ.

അവിടെ വൈറസ് ഉള്ളിൽ കടക്കാതിരിക്കാൻ ഫയർവാൾ, ഇവിടെ ദുഷ്ടശക്തികളും ആസുരശക്തികളും ഉള്ളിൽ കടന്ന് പൂജയെ തടസ്സപ്പെടുത്താതിരിക്കാൻ അസ്ത്രമന്ത്രം കൊണ്ട് മൂന്ന് ഫയർവാൾ.

ഭൂമിയിലും അന്തരീക്ഷത്തിലും ആകാശത്തും ഇത് മൂന്നും താലത്രയം ദിഗ്ബന്ധനം പ്രാകാരത്രയം ഇത് മൂന്നും ചെയ്തു കഴിയുമ്പോൾ പൂജകൻ സുരക്ഷിതനാകും.

ഇതൊക്കെ ചെയ്ത് പൂജ ചെയ്യുമ്പോൾ നമുക്കറിയാം, അനുഭവപ്പെടും, ഏകാഗ്രത കൂടുന്നു, മനസ്സിന്‍റെ വ്യതിചലനങ്ങൾ വളരെയധികം കുറയുന്നു

ഒരു മൈക്രോ സർജൻ സർജറി ചെയ്യുന്ന കൃത്യതയും സൂക്ഷ്മതയുമാണ് താന്ത്രികമായ പൂജാ വിധാനത്തിലുള്ളത്.

തത്വം മനസ്സിലാക്കി ചെയ്താൽ ഫലവും കൂടും.

കണ്ടിരിക്കുന്നവർക്കും വെറുതെ കുറെ ആംഗ്യങ്ങൾ അല്ല ഇവ എന്ന് മനസ്സിലാകും.

• പൂജയിലോ യജ്ഞത്തിലോ തടസ്സങ്ങൾ ഉണ്ടാകുന്നത് എന്തുകൊണ്ടാണ്?
  പൂജകളിൽ നിന്നും യജ്ഞങ്ങളിൽ നിന്നും ലഭിക്കുന്ന സദ്ഫലങ്ങളെ തടയാനോ കവർന്നെടുക്കാനോ ശ്രമിക്കുന്ന ആസുരശക്തികളോ ദുഷ്ടശക്തികളോ ആണ് തടസ്സങ്ങൾ സൃഷ്ടിക്കുന്നത്. നന്മയുടെ പ്രകാശം പരക്കുന്നത് തടയുക എന്നത് ഇത്തരം ശക്തികളുടെ സ്വാഭാവികമായ രീതിയാണ്.
  
• യജ്ഞങ്ങളിൽ ദുഷ്ടശക്തികളെ തുരത്താൻ പണ്ട് മുതൽക്കേ സ്വീകരിച്ചിരുന്ന മാർഗ്ഗങ്ങൾ എന്തെല്ലാം?
  യജ്ഞോപകരണങ്ങളെ മന്ത്രം ജപിച്ച് അഗ്നിയിൽ കാണിക്കുക, മന്ത്രജപത്തോടെ തീർത്ഥം തളിക്കുക, പ്രത്യേക മന്ത്രങ്ങൾ ഉരുവിടുക എന്നിവയാണ് പ്രധാന മാർഗ്ഗങ്ങൾ. ചില സന്ദർഭങ്ങളിൽ ബ്രഹ്മാവിന്‍റെ ആസനത്തിൽ നിന്ന് ഇത്തരം ശക്തികളെ മാറ്റാൻ കടുത്ത വാക്പ്രയോഗങ്ങൾ പോലും ഉപയോഗിക്കാറുണ്ട്.
  
• എന്താണ് താലത്രയം എന്ന കർമ്മം കൊണ്ട് ഉദ്ദേശിക്കുന്നത്?
  ഭൂമി, അന്തരീക്ഷം, സ്വർഗ്ഗം എന്നീ മൂന്ന് തലങ്ങളിലുമുള്ള വിഘ്നങ്ങളെ ശബ്ദതരംഗങ്ങൾ കൊണ്ട് ഇല്ലാതാക്കുന്ന പ്രക്രിയയാണിത്. അരയ്ക്ക് സമീപവും നെഞ്ചിന് നേരെയും തലയ്ക്ക് മുകളിലായും മൂന്ന് തവണ കൈയടിക്കുന്നതാണ് ഈ രീതി. ഇതിൽ മുകളിലേക്ക് പോകുന്തോറും ശബ്ദത്തിന്‍റെ തീവ്രത കൂടുന്നു.
  
• ദശ ദിഗ്ബന്ധനം എന്നാൽ എന്ത്? അത് എങ്ങനെയാണ് നിർവ്വഹിക്കുന്നത്?
  അസ്ത്രമന്ത്രം ജപിച്ച് അസ്ത്രമുദ്രയോടെ പത്ത് ദിക്കുകളിലേക്കും (എട്ട് ദിക്കുകൾ, മുകൾഭാഗം, താഴ്ഭാഗം) സാങ്കല്പികമായ അമ്പുകൾ എയ്ത് സുരക്ഷാ വലയം തീർക്കുന്നതിനെയാണ് ദശ ദിഗ്ബന്ധനം എന്ന് പറയുന്നത്. ദുഷ്ടശക്തികൾ ഉള്ളിലേക്ക് കടക്കാതിരിക്കാൻ ഇത് സഹായിക്കുന്നു.
  
• വഹ്നിപ്രാകാരത്രയം എന്ന സങ്കല്പത്തെ ആധുനിക സാങ്കേതിക വിദ്യയുമായി എങ്ങനെ താരതമ്യം ചെയ്യാം?
  കമ്പ്യൂട്ടറുകളിലും ഇന്റർനെറ്റിലും വൈറസുകൾ കടക്കാതിരിക്കാൻ ഉപയോഗിക്കുന്ന ഫയർവാളിനോട് ഇതിനെ താരതമ്യം ചെയ്യാം. അസ്ത്രമന്ത്രം കൊണ്ട് ഭൂമിയിലും അന്തരീക്ഷത്തിലും ആകാശത്തും തീർക്കുന്ന മൂന്ന് അഗ്നിമതിലുകളാണ് വഹ്നിപ്രാകാരത്രയം.
  
• പൂജയ്ക്ക് മുൻപ് ഇത്തരം സുരക്ഷാ ക്രമീകരണങ്ങൾ ചെയ്യുന്നത് പൂജകന്‍റെ മാനസികാവസ്ഥയെ എങ്ങനെ ബാധിക്കുന്നു?
  താലത്രയം, ദിഗ്ബന്ധനം തുടങ്ങിയവ ചെയ്തു കഴിയുമ്പോൾ പൂജകന്‍റെ ഉള്ളിൽ സുരക്ഷിതബോധം ഉണ്ടാകുന്നു. ഇത് ഏകാഗ്രത വർദ്ധിപ്പിക്കുകയും മനസ്സിന്‍റെ അനാവശ്യമായ വ്യതിചലനങ്ങൾ കുറച്ച് പൂജയിൽ പൂർണ്ണമായി മുഴുകാൻ സഹായിക്കുകയും ചെയ്യുന്നു.
  
• പൂജയിലെ ആംഗ്യങ്ങൾ വെറും ചടങ്ങുകൾ മാത്രമാണോ? എന്താണ് ഇതിന്‍റെ രഹസ്യം?
  അല്ല. ഓരോ ആംഗ്യത്തിനും പിന്നിൽ വലിയൊരു തത്വവും ശാസ്ത്രീയമായ കൃത്യതയുമുണ്ട്. തത്വം മനസ്സിലാക്കി ചെയ്യുമ്പോൾ ഇവയ്ക്ക് വലിയ ഫലസിദ്ധിയുണ്ട്. ഒരു മൈക്രോ സർജൻ നടത്തുന്ന സർജറിയുടെ അത്രയും സൂക്ഷ്മത താന്ത്രിക പൂജകളിൽ അടങ്ങിയിരിക്കുന്നു.
  
• ആത്മീയതയിൽ താല്പര്യം ഇല്ലാതാകുന്നതിന് ആസുരശക്തികൾ എങ്ങനെ കാരണമാകുന്നു?
  ആത്മീയമായ വഴിയിൽ തടസ്സങ്ങൾ സൃഷ്ടിക്കുന്നതിലൂടെ വ്യക്തികളിൽ വിരക്തിയോ ഭയമോ അവിശ്വാസമോ ഉണ്ടാക്കാൻ ആസുരശക്തികൾ ശ്രമിക്കുന്നു. ഇത് പലരെയും യഥാർത്ഥ ആത്മീയ പാതയിൽ നിന്ന് അകറ്റുന്നു.
  
• അസ്ത്ര മുദ്രയുടെ പ്രത്യേകത എന്താണ്?
  വില്ല് കുലച്ച് അതിൽ നിന്ന് അമ്പെയ്യാൻ തയ്യാറെടുക്കുമ്പോൾ വലതു കൈവിരലുകൾ എങ്ങനെ ഇരിക്കുന്നുവോ, അതിന് സമാനമാണ് അസ്ത്രമുദ്ര. ഇത് സംരക്ഷണത്തിന്‍റെയും ശക്തിയുടെയും പ്രതീകമായി താന്ത്രിക വിദ്യയിൽ കരുതപ്പെടുന്നു.
  
• മന്ത്രങ്ങൾ ജപിച്ച് ജലം തളിക്കുന്നതും അഗ്നിയിൽ കാണിക്കുന്നതും എന്തിനെ സൂചിപ്പിക്കുന്നു?
  ശുദ്ധീകരണത്തിന്‍റെ പ്രക്രിയയാണിത്. മന്ത്രശക്തിയാൽ ചൈതന്യവത്തായ ജലവും അഗ്നിയും നെഗറ്റീവ് ഊർജ്ജത്തെയും അദൃശ്യമായ തടസ്സങ്ങളെയും ദഹിപ്പിക്കുകയോ നിർവീര്യമാക്കുകയോ ചെയ്യുന്നു. ഇതിലൂടെ യജ്ഞശാലയോ പൂജാമുറിയോ പൂർണ്ണമായും പവിത്രീകരിക്കപ്പെടുന്നു.
  

Ramaswamy Sastry and Vighnesh Ghanapaathi