അവതാരങ്ങൾ എന്തുകൊണ്ട് ഭാരതത്തിൽ മാത്രം?
സനാതന ധർമ്മം സാർവ്വലൗകികമാണെങ്കിൽ എന്തുകൊണ്ടാണ് ഭഗവാൻ ഭാരതത്തിൽ മാത്രം അവതാരമെടുക്കുന്നത്? മറ്റെവിടെയെങ്കിലും വളരുന്ന തിന്മയെക്കുറിച്ച് ഭഗവാന് ആശങ്കയില്ലേ?
ഭൂമിയിൽ ഭാരതം മാത്രമാണ് കർമ്മക്ഷേത്രം, മറ്റ് പ്രദേശങ്ങളെല്ലാം ഭോഗക്ഷേത്രങ്ങളാണ്. കർമ്മക്ഷത്രത്തിലെ പ്രവർത്തനം മാത്രമേ നമുക്ക് പുണ്യവും പാപവും നേടിത്തരികയുള്ളൂ. ഭോഗക്ഷേത്രങ്ങൾ മുമ്പ് ചെയ്ത കർമ്മത്തിന്റെ ഫലം അനുഭവിക്കാൻ മാത്രമുള്ളതാണ്. അവിടങ്ങളിൽ മുമ്പ് സൽക്കർമങ്ങൾ ചെയ്തിട്ടുണ്ടെങ്കിൽ സുഖം അനുഭവിക്കാം, ദുഷ്ക്കർമങ്ങളുടെ ഫലമായി ദുഖവും അനുഭവിക്കാം.
ആത്മീയമായി ഉന്നത തലങ്ങളിലേക്ക് പുരോഗമിക്കണമെങ്കിൽ അതിന് ഭാരതഭൂമിയിൽ ചെയ്യുന്ന പുണ്യപ്രവൃത്തികളിലൂടെ മാത്രമേ സാധ്യമാകൂ. ഇതുകൊണ്ടാണ് മറ്റ് പ്രദേശങ്ങളിൽ ഉടലെടുത്ത മതങ്ങൾ മാനുഷികമൂല്യങ്ങളിൽ ശ്രദ്ധ കേന്ദ്രീകരിക്കുമ്പോൾ സനാതന ധർമ്മം അതിലുമുപരി ദൈവിക മൂല്യങ്ങൾ നേടാൻ പഠിപ്പിക്കുന്നത്. സനാതന ധർമ്മം ഒരു വിഷ്ണു ഭക്തനെ വിഷ്ണുവായി മാറുവാനും ശിവ ഭക്തനെ ശിവനായി മാറുവാനും പഠിപ്പിക്കുന്നു. എന്തിനേറെ, ദേവന്മാർ പോലും പുരോഗതിക്കായി ഭാരതഭൂമിയിൽ മനുഷ്യരായി പിറന്ന് പ്രയത്നിക്കും.
ഇന്നും നോക്കൂ, ആത്മീയതക്കായി ലോകം മുഴുവനും ഉറ്റുനോക്കുന്നതും വന്ന് ചേരുന്നതും ഭാരതത്തിലേക്കാണ്. ഭഗവാൻ തന്നെയാണ് എല്ലാ മതങ്ങളേയും അതാത് പ്രദേശങ്ങൾക്ക് ഉതകുന്ന രീതിയിൽ സ്ഥാപിച്ചത്. ഭോഗക്ഷേത്രങ്ങളിൽ സരളമായ മതങ്ങളെയും ഭാരതത്തിൽ സനാതന ധർമ്മത്തേയും സ്ഥാപിച്ചു. സരളമായ മതങ്ങൾ മനുഷ്യനെ മനുഷ്യനാകാൻ പഠിപ്പിക്കുന്നു. സനാതന ധർമ്മം മനുഷ്യനെ ഈശ്വരനാകാൻ പഠിപ്പിക്കുന്നു.
എല്ലാറ്റിന്റെയും കേന്ദ്രത്തിൽ ആത്മീയ ശക്തിയാണ്. ആത്മീയതയാണ് പ്രപഞ്ചത്തിന്റെ നിലനിൽപ്പിന് തന്നെ ആധാരം. അത് കൊണ്ടുതന്നെ ഭാരതത്തിൽ സംഭവിക്കുന്നതിന്റെ പ്രത്യാഘാതങ്ങൾ ലോകം മുഴുവനും ഉണ്ടാകും. ഭാരതത്തിൽ ധർമ്മം നിലനിൽക്കേണ്ടത് അത്യന്താപേക്ഷിതമാണ്. അതുകൊണ്ടുതന്നെ മറ്റ് പ്രദേശങ്ങളിൽ ധർമ്മച്യുതിയുണ്ടാകുമ്പോൾ ഭഗവാൻ പ്രവാചകന്മാരുടെയും മറ്റും തന്റെ പ്രതിനിധികളായി അയയ്ക്കും. ഭാരതത്തിൽ ധർമ്മച്യുതി ഉണ്ടായാൽ ഭഗവാൻ സ്വയം അവതാരമെടുത്ത് വരും.
മലയാളം
പല വിഷയങ്ങള്
Click on any topic to open
7
30
Astrology
Bhagavad Gita
Bhagavatam
Bharat Matha
Devi
Devi Mahatmyam
Ganapathy
Garuda Puranam
Glory of Venkatesha
Hanuman
Kathopanishad
Mahabharatam
Mantra Shastra
Mystique
Practical Wisdom
Purana Stories
Radhe Radhe
Ramayana
Rare Topics
Rigveda Explained
Rituals
Sages and Saints
Shiva
Spiritual books
Sri Suktam
Story of Sri Yantra
Temples
Vedas
Vishnu Sahasranama
Yoga Vasishta
26
17
10
0
