അന്നദാനത്തിന്റെ മഹത്ത്വം
ദാനങ്ങളിൽ ഏറ്റവും എളുപ്പമുള്ളതും ഏറ്റവും ശ്രേഷ്ഠവും ഫലപ്രദവുമായ ഒന്നാണ് അന്നദാനം.
പരോപകാരവും ദാനവും രണ്ടും രണ്ടാണ്.
പരോപകാരം ആർക്കും എപ്പോൾ വേണമെങ്കിലും ചെയ്യാം.
എന്നാൽ അത് ദാനമായി കണക്കാക്കപ്പെടണമെങ്കിൽ ദേശം, കാലം, പാത്രം എന്നിവയുടെ മാനദണ്ഡങ്ങൾ പാലിക്കേണ്ടതുണ്ട്.
ദേശം - ദാനധർമ്മം ചെയ്യുന്ന സ്ഥലം. അത് പവിത്രമായിരിക്കണം. ദാനം ചെയ്യുന്നതിനായി പുരാണങ്ങളിൽ കാശി തുടങ്ങിയ പല പുണ്യസ്ഥലങ്ങളും എടുത്ത് പറഞ്ഞിട്ടുണ്ട്. അവിടെ ചെയ്യുന്ന ദാനങ്ങൾ ആ സ്ഥലത്തിന്റെ പുണ്യം കാരണം കൂടുതൽ ഫലപ്രദമാണ്.
കാലം - ദാനം ചെയ്യുന്ന സമയം പ്രധാനമാണ്. ഗ്രഹണ സമയത്ത് ഒരു ദാനം നിർദ്ദേശിച്ചിട്ടുണ്ടെങ്കിൽ, അത് ആ സമയത്ത് തന്നെ ചെയ്യണം, അല്ലാത്തപക്ഷം, അത് ഫലപ്രദമാകില്ല. അർദ്ധരാത്രി പോലെയുള്ള സമയങ്ങളിൽ ദാനം ചെയ്യരുത്. അനുചിതമായ സമയങ്ങളിൽ ചെയ്യുന്ന ദാനം ഫലപ്രദമാകില്ല.
പാത്രം - ദാനം സ്വീകരിക്കുന്നയാളുടെ യോഗ്യത വളരെ പ്രധാനമാണ്. യോഗ്യതയില്ലാത്തയാൾക്ക് ചെയ്യുന്ന ദാനം ഒരു ഫലവും തരുന്നതല്ല.
എന്തിനാണ് ദാനം ചെയ്യുന്നത്?
പാപം ശമിപ്പിക്കാൻ അല്ലെങ്കിൽ പുണ്യം നേടാൻ.
പാപം ശമിപ്പിക്കാൻ ദാനം ചെയ്യുകയാണെങ്കിൽ ആ ദാനം സ്വീകരിക്കുന്നയാൾക്ക് നമ്മൾ ആ പാപത്തെ കൈമാറുകയാണ് ചെയ്യുന്നത്. ഒരു പ്രതിഫലത്തിന് പകരമായി അയാൾ ആ പാപത്തെ സ്വീകരിച്ച് തന്റെ തപസ്സിന്റെയും കർമ്മത്തിന്റെയും ശക്തിയിലൂടെയും മറ്റും അതിനെ എരിച്ച് കളയുന്നു. ഇതിനായി ഓരോ ദാനവും സ്വീകരിച്ച ശേഷം നിശ്ചിത അളവിൽ ഗായത്രീജപവും മറ്റും ചെയ്യേണ്ടതുണ്ട്.
ഇങ്ങനെ ചെയ്യാത്തയാൾക്ക് ദാനം നൽകിയാൽ അത് അയാളെ ബാധിച്ച് ദുരിതങ്ങളെ ഉണ്ടാക്കും.
അതിനാൽ ദാനം സ്വീകരിക്കുന്നയാളുടെ യോഗ്യത പരിശോധിച്ചതിനുശേഷം മാത്രമേ ദാനം നൽകാവൂ. അല്ലെങ്കിൽ അയാൾക്ക് ദുരിതം വരുത്തിവെച്ചതിന്റെ പാപവും കൂടെ അനുഭവിക്കേണ്ടിവരും.
പുണ്യത്തിനായി ദാനം ചെയ്യുമ്പോൾ നമ്മൾ കൊടുക്കുന്ന വസ്തു നല്ല കാര്യങ്ങൾക്കായി ഉപയോഗപ്പെടുത്തുമെന്ന് ഉറപ്പുവരുത്തണം. ഉദാഹരണത്തിന് ഒരാൾക്ക് ഗോദാനം ചെയ്താൽ ആ പശുവിൽ നിന്നും ലഭിക്കുന്ന പാല് അയാൾ പൂജക്കും മറ്റും ഉപയോഗിച്ചാൽ മാത്രമേ അതിൽനിന്നും പുണ്യം ലഭിക്കൂ.
എന്നാൽ അന്നദാനത്തിൽ ഇതൊന്നും നോക്കേണ്ടതില്ല.
ദേശം - പ്രശ്നമല്ല, വിശക്കുന്ന ആളുകളെ എവിടെ കണ്ടാലും ആഹാരം നൽകുക. ശുചിത്വം മാത്രം ഉറപ്പാക്കുക.
കാലം - പ്രശ്നമല്ല, അത് അർദ്ധരാത്രിയായാൽപ്പോലും വിശപ്പുള്ളവന് ആഹാരം നൽകാം.
പാത്രം - പ്രശ്നമല്ല - വിശപ്പുള്ള ആർക്കും ആഹാരം നൽകാം. ദരിദ്രനാണോ പണക്കാരനാണോ എന്ന് നോക്കേണ്ടതില്ല.പണ്ഡിതനാണോ പാമരനാണോ എന്ന് നോക്കേണ്ടതില്ല. വിശപ്പുള്ളവനാരാണോ ആഹാരം നൽകാം. അതിന്റെ പുണ്യം ലഭിക്കും.
ഇതുകൊണ്ടാണ് അന്നദാനം മഹാദാനമായി കണക്കാക്കപ്പെടുന്നത്.
മലയാളം
പല വിഷയങ്ങള്
Click on any topic to open
7
30
Astrology
Bhagavad Gita
Bhagavatam
Bharat Matha
Devi
Devi Mahatmyam
Ganapathy
Garuda Puranam
Glory of Venkatesha
Hanuman
Kathopanishad
Mahabharatam
Mantra Shastra
Mystique
Practical Wisdom
Purana Stories
Radhe Radhe
Ramayana
Rare Topics
Rigveda Explained
Rituals
Sages and Saints
Shiva
Spiritual books
Sri Suktam
Story of Sri Yantra
Temples
Vedas
Vishnu Sahasranama
Yoga Vasishta
26
17
10
0
