ഈശ്വരനിൽനിന്നും എന്ത് പ്രതീക്ഷിക്കുന്നുവോ അതായിരിക്കും ലഭിക്കുന്നത്

ഭഗവാൻ പറയുന്നു -

യോ യഥാ മാം പ്രപദ്യന്തേ താമ്സ്തഥൈവ ഭജാമ്യഹം.

ആര് എന്നെ എങ്ങനെ സമീപിക്കുന്നുവോ ഞാൻ അവരോട് അങ്ങനെതന്നെ ആയിരിക്കും പെരുമാറുന്നത്.

ഈശ്വരതത്ത്വത്തെക്കുറിച്ച്  ഇത് നമ്മൾ മനസ്സിലാക്കേണ്ടതുണ്ട്. 

കുരുക്ഷേതയുദ്ധം ജയിച്ചുവെങ്കിലും എന്ത് കൊണ്ടാണ് പാണ്ഡവരുടെ പുത്രന്മാരെല്ലാം തന്നെ ആ യുദ്ധത്തിൽ കൊല്ലപ്പെട്ടത്? അവരുടെ ഒട്ടു മിക്ക സുഹൃത്തുക്കളും കൊല്ലപ്പെട്ടില്ലേ?

കാരണം, പാണ്ഡവർ ഭഗവാനെ കണ്ടത് തങ്ങളുടെ മാർഗ്ഗദർശിയും സുഹൃത്തുമായാണ്, രക്ഷകനായല്ല. 

യുദ്ധം ഞങ്ങൾ ചെയ്തുകൊള്ളാം, അങ്ങ് മാർഗ്ഗദർശനം തന്നാൽ മതി എന്നതായിരുന്നു അവരുടെ സമീപനം.

എന്നാൽ ഉത്തര, 'ഭഗവാനേ എനിക്ക് മറ്റാരുമില്ലാ' എന്ന് കരഞ്ഞു വിളിച്ചപ്പോൾ ഭഗവാൻ ഉത്തരയുടെ ഗർഭത്തെ ബ്രഹ്മാസ്ത്രത്തിൽനിന്നും വരെ സംരക്ഷിച്ചു.

ഭഗവാനിൽനിന്നും എന്താണോ നമ്മൾ പ്രതീക്ഷിക്കുന്നത് അതായിരിക്കും ഭഗവാൻ നമുക്ക് തരുന്നത്. 

ഭഗവാനെ ഒരു മാർഗ്ഗദർശിയായിക്കണ്ടാൽ പലരിലൂടെയും അതായിരിക്കും ഭഗവാൻ  നമുക്ക് തരുന്നത്.

ഭഗവാനെ രക്ഷകനായിക്കണ്ടാൽ എല്ലാ ആപത്തുകളിൽ നിന്നും ഭഗവാൻ  രക്ഷിക്കും, പലരിലൂടെയും.

ഭഗവാനെ ഒരു കുഞ്ഞായിക്കണ്ടാൽ, കുസൃതികളിലൂടെയുള്ള ആനന്ദമായിരിക്കും ഭഗവാൻ പല കുഞ്ഞുങ്ങളിലൂടെയും നമ്മെ അനുഭവിപ്പിക്കുന്നത്.

കൃഷ്ണൻ മാത്രമല്ലാ, എല്ലാ ദേവതകളും ഇങ്ങനെ തന്നെയാണ്.

Knowledge Bank

മനുഷ്യന്‍റെ ആറ് ആന്തരിക ശത്രുക്കൾ ഏതാണ്?

ആവശ്യമില്ലാത്ത ആഗ്രഹങ്ങൾ. 2. ദേഷ്യം വന്നു. 3. അത്യാഗ്രഹം. 4. അജ്ഞത. 5. അഹങ്കാരം. 6. മറ്റുള്ളവരുമായി മത്സരിക്കാനുള്ള പ്രവണത.

എന്താണ് ശ്രുതിയും സ്‌മൃതിയുമായുള്ള വ്യത്യാസം?

വേദസംഹിതകൾ, ബ്രാഹ്മണങ്ങൾ, ആരണ്യകങ്ങൾ, ഉപനിഷത്തുകൾ എന്നിവയെ ആണ് ശ്രുതി എന്ന് പറയുന്നത്. ഋഷിമാർക്ക് വെളിപ്പെടുത്തപ്പെട്ട മന്ത്രരൂപത്തിലുള്ള ശാശ്വതമായ ജ്ഞാനമാണിവ. ഇവ ആരും രചിച്ചവയല്ല, ഇവയെ ആധാരപ്പെടുത്തി രചിക്കപ്പെട്ടിട്ടുള്ള വ്യാഖ്യാനങ്ങളും ഉപദേശങ്ങളുമാണ് സ്‌മൃതികൾ.