ഏകദന്തം മഹാകായം തപ്തകാഞ്ചനസന്നിഭം.
ലംബോദരം വിശാലാക്ഷം വന്ദേഽഹം ഗണനായകം.
മൗഞ്ജീകൃഷ്ണാജിനധരം നാഗയജ്ഞോപവീതിനം.
ബാലേന്ദുസുകലാമൗലിം വന്ദേഽഹം ഗണനായകം.
അംബികാഹൃദയാനന്ദം മാതൃഭിഃ പരിവേഷ്ടിതം.
ഭക്തിപ്രിയം മദോന്മത്തം വന്ദേഽഹം ഗണനായകം.
ചിത്രരത്നവിചിത്രാംഗം ചിത്രമാലാവിഭൂഷിതം.
ചിത്രരൂപധരം ദേവം വന്ദേഽഹം ഗണനായകം.
ഗജവക്ത്രം സുരശ്രേഷ്ഠം കർണചാമരഭൂഷിതം.
പാശാങ്കുശധരം ദേവം വന്ദേഽഹം ഗണനായകം.
മൂഷകോത്തമമാരുഹ്യ ദേവാസുരമഹാഹവേ.
യോദ്ധുകാമം മഹാവീര്യം വന്ദേഽഹം ഗണനായകം.
യക്ഷകിന്നരഗന്ധർവസിദ്ധവിദ്യാധരൈഃ സദാ.
സ്തൂയമാനം മഹാത്മാനം വന്ദേഽഹം ഗണനായകം.
സർവവിഘ്നഹരം ദേവം സർവവിഘ്നവിവർജിതം.
സർവസിദ്ധിപ്രദാതാരം വന്ദേഽഹം ഗണനായകം.
ഗണാഷ്ടകമിദം പുണ്യം യഃ പഠേത് സതതം നരഃ.
സിദ്ധ്യന്തി സർവകാര്യാണി വിദ്യാവാൻ ധനവാൻ ഭവേത്.
ത്യാഗരാജ ശിവ സ്തുതി
നീലകന്ധര ഭാലലോചന ബാലചന്ദ്രശിരോമണേ കാലകാല കപാലമാല ഹിമാ....
Click here to know more..നവ ദുർഗാ സ്തുതി
വൃഷാരൂഢാ സൈഷാ ഹിമഗിരിസുതാ ശക്തിസരിതാ ത്രിശൂലം ഹസ്തേഽസ....
Click here to know more..അനുഗ്രഹത്തിനായി കാളി മന്ത്രങ്ങൾ
ഓം കാല്യൈ നമഃ ഓം താരായൈ നമഃ ഓം ഭഗവത്യൈ നമഃ ഓം കുബ്ജായൈ ന....
Click here to know more..