ಗಜಾನನಾಯ ಗಾಂಗೇಯಸಹಜಾಯ ಸದಾತ್ಮನೇ.
ಗೌರೀಪ್ರಿಯತನೂಜಾಯ ಗಣೇಶಾಯಾಸ್ತು ಮಂಗಲಂ.
ನಾಗಯಜ್ಞೋಪವೀತಾಯ ನತವಿಘ್ನವಿನಾಶಿನೇ.
ನಂದ್ಯಾದಿಗಣನಾಥಾಯ ನಾಯಕಾಯಾಸ್ತು ಮಂಗಲಂ.
ಇಭವಕ್ತ್ರಾಯ ಚೇಂದ್ರಾದಿವಂದಿತಾಯ ಚಿದಾತ್ಮನೇ.
ಈಶಾನಪ್ರೇಮಪಾತ್ರಾಯ ನಾಯಕಾಯಾಸ್ತು ಮಂಗಲಂ.
ಸುಮುಖಾಯ ಸುಶುಂಡಾಗ್ರೋಕ್ಷಿಪ್ತಾಮೃತಘಟಾಯ ಚ.
ಸುರವೃಂದನಿಷೇವ್ಯಾಯ ಚೇಷ್ಟದಾಯಾಸ್ತು ಮಂಗಲಂ.
ಚತುರ್ಭುಜಾಯ ಚಂದ್ರಾರ್ಧವಿಲಸನ್ಮಸ್ತಕಾಯ ಚ.
ಚರಣಾವನತಾನರ್ಥತಾರಣಾಯಾಸ್ತು ಮಂಗಲಂ.
ವಕ್ರತುಂಡಾಯ ವಟವೇ ವನ್ಯಾಯ ವರದಾಯ ಚ.
ವಿರೂಪಾಕ್ಷಸುತಾಯಾಸ್ತು ವಿಘ್ನನಾಶಾಯ ಮಂಗಲಂ.
ಪ್ರಮೋದಮೋದರೂಪಾಯ ಸಿದ್ಧಿವಿಜ್ಞಾನರೂಪಿಣೇ.
ಪ್ರಕೃಷ್ಟಪಾಪನಾಶಾಯ ಫಲದಾಯಾಸ್ತು ಮಂಗಲಂ.
ಮಂಗಲಂ ಗಣನಾಥಾಯ ಮಂಗಲಂ ಹರಸೂನವೇ.
ಮಂಗಲಂ ವಿಘ್ನರಾಜಾಯ ವಿಘಹರ್ತ್ರೇಸ್ತು ಮಂಗಲಂ.
ಶ್ಲೋಕಾಷ್ಟಕಮಿದಂ ಪುಣ್ಯಂ ಮಂಗಲಪ್ರದಮಾದರಾತ್.
ಪಠಿತವ್ಯಂ ಪ್ರಯತ್ನೇನ ಸರ್ವವಿಘ್ನನಿವೃತ್ತಯೇ.
ನಟರಾಜ ಪ್ರಸಾದ ಸ್ತೋತ್ರ
ಪ್ರತ್ಯೂಹಧ್ವಾಂತಚಂಡಾಂಶುಃ ಪ್ರತ್ಯೂಹಾರಣ್ಯಪಾವಕಃ. ಪ್ರತ್ಯೂಹಸ....
Click here to know more..ಅಷ್ಟಮೂರ್ತ್ತಿ ರಕ್ಷಾ ಸ್ತೋತ್ರ
ಹೇ ಶರ್ವ ಭೂರೂಪ ಪರ್ವತಸುತೇಶ ಹೇ ಧರ್ಮ ವೃಷವಾಹ ಕಾಂಚೀಪುರೀಶ. ದವವಾ....
Click here to know more..ಎಲ್ಲೆಡೆ ಸಿಹಿ ಅನುಭವಗಳಿಗಾಗಿ ಮಂತ್ರ
ಮಧು ವಾತಾ ಋತಾಯತೇ ಮಧು ಕ್ಷರಂತಿ ಸಿಂಧವಃ. ಮಾಧ್ವೀರ್ನಃ ಸಂತ್ವೋಷಧ....
Click here to know more..