ಗೃತ್ಸಮದ ಉವಾಚ -
ಮದಾಸುರಃ ಪ್ರಣಮ್ಯಾದೌ ಪರಶುಂ ಯಮಸನ್ನಿಭಂ .
ತುಷ್ಟಾವ ವಿವಿಧೈರ್ವಾಕ್ಯೈಃ ಶಸ್ತ್ರಂ ಬ್ರಹ್ಮಮಯಂ ಭಯಾತ್ ..1..
ಮದಾಸುರ ಉವಾಚ -
ನಮಸ್ತೇ ಶಸ್ತ್ರರಾಜಾಯ ನಮಸ್ತೇ ಪರಶೋ ಮಹನ್ .
ತೇಜಃಪುಂಜಮಯಾಯೈವ ಕಾಲಕಾಲಾಯ ತೇ ನಮಃ ..2..
ಏಕದಂತಸ್ಯ ಯದ್ವೀರ್ಯಂ ಸ್ವಧರ್ಮಸ್ಥಾಪನಾತ್ಮಕಂ .
ತ್ವಮೇವ ನಾತ್ರ ಸಂದೇಹೋ ರಕ್ಷ ಮಾಂ ಶರಣಾಗತಂ ..3..
ಅತಸ್ತ್ವಾಂ ಪ್ರಣಮಾಮ್ಯೇವ ಜ್ಯೋತೀರೂಪಂ ಮಹಾದ್ಭುತಂ .
ರಕ್ಷ ಮಾಂ ಭಯಭೀತಂ ವೈ ಶರಣಾಗತವತ್ಸಲ ..4..
ಕಾಲರೂಪಸ್ತ್ವಮೇವೇಹ ಮಹಾಪ್ರಲಯಸೂಚಕಃ .
ಕಃ ಸಮರ್ಥಶ್ಚ ತೇ ವೇಗಸಹನೇ ದೇಹಧಾರಕಃ ..5..
ನಮಸ್ತೇ ಏಕದಂತಾಯ ಮಾಯಾಮಾಯಿಕರೂಪಿಣೇ .
ಸದಾ ಬ್ರಹ್ಮಮಯಾಯೈವ ಗಣೇಶಾಯ ನಮೋ ನಮಃ ..6..
ಮೂಷಕಾರೂಢರೂಪಾಯ ಮೂಷಕಧ್ವಜಿನೇ ನಮಃ .
ಸರ್ವತ್ರ ಸಂಸ್ಥಿತಾಯೈವ ಬಂಧಹೀನಾಯ ತೇ ನಮಃ ..7..
ಚತುರ್ಬಾಹುಧರಾಯೈವ ಲಂಬೋದರ ಸುರೂಪಿಣೇ .
ನಾಭಿಶೇಷಾಯ ವೈ ತುಭ್ಯಂ ಹೇರಂಬಾಯ ನಮೋ ನಮಃ ..8..
ಚಿಂತಾಮಣಿಧರಾಯೈವ ಚಿತ್ತಸ್ಥಾಯ ಗಜಾನನ .
ನಾನಾಭೂಷಣಯುಕ್ತಾಯ ಗಣಾಧಿಪತಯೇ ನಮಃ ..9..
ಅನಂತವಿಭವಾಯೈವಾನಂತಮಾಯಾಪ್ರಚಾಲಕ! .
ಭಕ್ತಾನಂದಪ್ರದಾತ್ರೇ ತೇ ವಿಘ್ನೇಶಾಯ ನಮೋ ನಮಃ ..10..
ಯೋಗಿನಾಂ ಯೋಗದಾತ್ರೇ ತೇ ಯೋಗಾನಾಂ ಪತಯೇ ನಮಃ .
ಯೋಗಾಕಾರಸ್ವರೂಪಾಯ ಹ್ಯೇಕದಂತಪ್ರಧಾರಿಣೇ ..11..
ಮಾಯಾಕಾರಂ ಶರೀರಂ ತೇ ಏಕಶಬ್ದಃ ಪ್ರಕಥ್ಯತೇ .
ದಂತಃ ಸತ್ತಾಮಯಸ್ತತ್ರ ಮಸ್ತಕಸ್ತೇ ನಮೋ ನಮಃ ..12..
ಮಾಯಾಸತ್ತಾವಿಹೀನಸ್ತ್ವಂ ತಯೋರ್ಯೋಗಧರಸ್ತಥಾ .
ಕಸ್ತ್ವಾಂ ಸ್ತೋತುಂ ಸಮರ್ಥಃ ಸ್ಯಾದತಸ್ತೇ ವೈ ನಮೋ ನಮಃ ..13..
ಶರಣಾಗತಪಾಲಾಯ ಶರಣಾಗತವತ್ಸಲ .
ಪುನಃ ಪುನಃ ಸಿದ್ಧಿಬುದ್ಧಿಪತೇ ತುಭ್ಯಂ ನಮೋ ನಮಃ ..14..
ರಕ್ಷ ಮಾಮೇಕದಂತಸ್ತ್ವಂ ಶರಣಾಗತಮಂಜಸಾ .
ಭಕ್ತಂ ಭಾವೇನ ಸಂಪ್ರಾಪ್ತಂ ಸಂಸಾರಾತ್ತಾರಯಸ್ವ ಚ ..15..
ದೇವೀ ಅಪರಾಧ ಕ್ಷಮಾಪಣ ಸ್ತೋತ್ರ
ನ ಮಂತ್ರಂ ನೋ ಯಂತ್ರಂ ತದಪಿ ಚ ನ ಜಾನೇ ಸ್ತುತಿಮಹೋ ನ ಚಾಹ್ವಾನಂ ಧ್ಯ....
Click here to know more..ನಾರಾಯಣ ಕವಚಂ
ಅಥ ಶ್ರೀನಾರಾಯಣಕವಚಂ. ರಾಜೋವಾಚ. ಯಯಾ ಗುಪ್ತಃ ಸಹಸ್ರಾಕ್ಷಃ ಸವಾಹಾ....
Click here to know more..ಓಂ ಗಮ್ ಗಣಪತಯೇ ನಮಃ
ಓಂ ಗಂ ಗಣಪತಯೇ ನಮಃ....
Click here to know more..