തുംഗാ തുംഗതരംഗവേഗസുഭഗാ ഗംഗാസമാ നിമ്നഗാ
രോഗാന്താഽവതു സഹ്യസഞ്ജ്ഞിതനഗാജ്ജാതാപി പൂർവാബ്ധിഗാ.
രാഗാദ്യാന്തരദോഷഹൃദ്വരഭഗാ വാഗാദിമാർഗാതിഗാ
യോഗാദീഷ്ടസുസിദ്ധിദാ ഹതഭഗാ സ്വംഗാ സുവേഗാപഗാ.
സ്വസാ കൃഷ്ണാവേണീസരിത ഉത വേണീവസുമണീ-
പ്രഭാപൂതക്ഷോണീചകിതവരവാണീസുസരണിഃ.
അശേഷാഘശ്രേണീഹൃദഖിലമനോധ്വാന്തതരണിർദൃഢാ
സ്വർനിശ്രേണിർജയതി ധരണീവസ്ത്രരമണീ.
ദൃഢം ബധ്വാ ക്ഷിപ്താ ഭവജലനിധൗ ഭദ്രവിധുതാ
ഭ്രമച്ചിത്താസ്ത്രസ്താ ഉപഗത സുപോതാ അപി ഗതാഃ.
അധോധസ്താൻഭ്രാന്താൻപരമകൃപയാ വീക്ഷ്യ തരണിഃ
സ്വയം തുംഗാ ഗംഗാഭവദശുഭഭംഗാപഹരണീ.
വർധാ സധർമാ മിലിതാത്ര പൂർവതോ ഭദ്രാ കുമുദ്വത്യപി വാരുണീതഃ.
തന്മധ്യദേശേഽഖിലപാപഹാരിണീ വ്യാലോകി തുംഗാഽഖിലതാപഹാരിണീ.
ഭദ്രയാ രാജതേ കീത്ര്യാ യാ തുംഗാ സഹ ഭദ്രയാ.
സന്നിധിം സാ കരോത്വേതം ശ്രീദത്തം ലഘുസന്നിധിം.
ഗംഗാസ്നാനം തുംഗാപാനം ഭീമാതീരേ യസ്യ ധ്യാനം
ലക്ഷ്മീപുര്യാ ഭിക്ഷാദാനം കൃഷ്ണാതീരേ ചാനുഷ്ഠാനം.
സിംഹാഖ്യാദ്രൗ നിദ്രാസ്ഥാനം സേവാ യസ്യ പ്രീത്യാ ധ്യാനം
സദ്ഭക്തായാക്ഷയ്യം ദാനം ശ്രീദത്താസ്യാസ്യാസ്തു ധ്യാനം.
തുംഗാപഗാ മഹാഭംഗാ പാതു പാപവിനാശിനീ.
രാഗാതിഗാ മഹാഗംഗാ ജന്തുതാപവിനാശിനീ.
ഹര പരമരയേ സമസ്തമദാമയാൻ
ഖലബലദലനേഽഘമപ്യമലേ മമ.
ഹരസി രസരസേ സമസ്തമനാമലം
കുരു ഗുരുകരുണാം സമസ്തമതേ മയി.
വേഗാതുംഗാപഗാഘം ഹരതു രഥരയാ ദേവദേവർഷിവന്ദ്യാ
വാരം വാരം വരം യജ്ജലമലമലഘുപ്രാശനേ ശസ്തശർമ.
ശ്രീദത്തോ ദത്തദക്ഷഃ പിബതി ബത ബഹു സ്യാഃ പയഃ പദ്മപത്രാ-
ക്ഷീം താമേതാമിതാർഥാം ഭജ ഭജ ഭജതാം താരകാം രമ്യരമ്യാം.
നാരായണ കവചം
അഥ ശ്രീനാരായണകവചം. രാജോവാച. യയാ ഗുപ്തഃ സഹസ്രാക്ഷഃ സവാഹാ....
Click here to know more..ശാരദാ ഭുജംഗ സ്തോത്രം
സുവക്ഷോജകുംഭാം സുധാപൂർണകുംഭാം പ്രസാദാവലംബാം പ്രപുണ്യ....
Click here to know more..സർപ്പദോഷത്തിൽ നിന്നും മോചനത്തിനുള്ള മന്ത്രം
ബ്രഹ്മലോകേ ച യേ സർപാ യേ ച ശേഷപുരസ്സരാഃ നമോഽസ്തു തേഭ്യസ്....
Click here to know more..