भैरवाडम्बरं बाहुदंष्ट्रायुधं
चण्डकोपं महाज्वालमेकं प्रभुम्।
शङ्खचक्राब्जहस्तं स्मरात्सुन्दरं
ह्युग्रमत्युष्णकान्तिं भजेऽहं मुहुः।
दिव्यसिंहं महाबाहुशौर्यान्वितं
रक्तनेत्रं महादेवमाशाम्बरम्।
रौद्रमव्यक्तरूपं च दैत्याम्बरं
वीरमादित्यभासं भजेऽहं मुहुः।
मन्दहासं महेन्द्रेन्द्रमादिस्तुतं
हर्षदं श्मश्रुवन्तं स्थिरज्ञप्तिकम्।
विश्वपालैर्विवन्द्यं वरेण्याग्रजं
नाशिताशेषदुःखं भजेऽहं मुहुः।
सव्यजूटं सुरेशं वनेशायिनं
घोरमर्कप्रतापं महाभद्रकम्।
दुर्निरीक्ष्यं सहस्राक्षमुग्रप्रभं
तेजसा सञ्ज्वलन्तं भजेऽहं मुहुः।
सिंहवक्त्रं शरीरेण लोकाकृतिं
वारणं पीडनानां समेषां गुरुम्।
तारणं लोकसिन्धोर्नराणां परं
मुख्यमस्वप्नकानां भजेऽहं मुहुः।
पावनं पुण्यमूर्तिं सुसेव्यं हरिं
सर्वविज्ञं भवन्तं महावक्षसम्।
योगिनन्दं च धीरं परं विक्रमं
देवदेवं नृसिंहं भजेऽहं मुहुः।
सर्वमन्त्रैकरूपं सुरेशं शुभं
सिद्धिदं शाश्वतं सत्त्रिलोकेश्वरम्।
वज्रहस्तेरुहं विश्वनिर्मापकं
भीषणं भूमिपालं भजेऽहं मुहुः।
सर्वकारुण्यमूर्तिं शरण्यं सुरं
दिव्यतेजःसमानप्रभं दैवतम्।
स्थूलकायं महावीरमैश्वर्यदं
भद्रमाद्यन्तवासं भजेऽहं मुहुः।
भक्तवात्सल्यपूर्णं च सङ्कर्षणं
सर्वकामेश्वरं साधुचित्तस्थितम्।
लोकपूज्यं स्थिरं चाच्युतं चोत्तमं
मृत्युमृत्युं विशालं भजेऽहं मुहुः।
भक्तिपूर्णां कृपाकारणां संस्तुतिं
नित्यमेकैकवारं पठन् सज्जनः।
सर्वदाऽऽप्नोति सिद्धिं नृसिंहात् कृपां
दीर्घमायुष्यमारोग्यमप्युत्तमम्।
bhairavaad'ambaram baahudamsht'raayudham
chand'akopam mahaajvaalamekam prabhum.
shankhachakraabjahastam smaraatsundaram
hyugramatyushnakaantim bhaje'ham muhuh'.
divyasimham mahaabaahushauryaanvitam
raktanetram mahaadevamaashaambaram.
raudramavyaktaroopam cha daityaambaram
veeramaadityabhaasam bhaje'ham muhuh'.
mandahaasam mahendrendramaadistutam
harshadam shmashruvantam sthirajnyaptikam.
vishvapaalairvivandyam varenyaagrajam
naashitaasheshaduh'kham bhaje'ham muhuh'.
savyajoot'am suresham vaneshaayinam
ghoramarkaprataapam mahaabhadrakam.
durnireekshyam sahasraakshamugraprabham
tejasaa sanjvalantam bhaje'ham muhuh'.
simhavaktram shareerena lokaakri'tim
vaaranam peed'anaanaam sameshaam gurum.
taaranam lokasindhornaraanaam param
mukhyamasvapnakaanaam bhaje'ham muhuh'.
paavanam punyamoortim susevyam harim
sarvavijnyam bhavantam mahaavakshasam.
yoginandam cha dheeram param vikramam
devadevam nri'simham bhaje'ham muhuh'.
sarvamantraikaroopam suresham shubham
siddhidam shaashvatam sattrilokeshvaram.
vajrahasteruham vishvanirmaapakam
bheeshanam bhoomipaalam bhaje'ham muhuh'.
sarvakaarunyamoortim sharanyam suram
divyatejah'samaanaprabham daivatam.
sthoolakaayam mahaaveeramaishvaryadam
bhadramaadyantavaasam bhaje'ham muhuh'.
bhaktavaatsalyapoornam cha sankarshanam
sarvakaameshvaram saadhuchittasthitam.
lokapoojyam sthiram chaachyutam chottamam
mri'tyumri'tyum vishaalam bhaje'ham muhuh'.
bhaktipoornaam kri'paakaaranaam samstutim
nityamekaikavaaram pat'han sajjanah'.
sarvadaa''pnoti siddhim nri'simhaat kri'paam
deerghamaayushyam- aarogyamapyuttamam.
Santana Parameshwara Stotram
पार्वतीसहितं स्कन्दनन्दिविघ्नेशसंयुतम्। चिन्तयामि हृ....
Click here to know more..Kiratashtakam
pratyarthivraata- vakshah'sthalarudhira- suraapaanamattam pri'shatkam chaape sandhaaya tisht'han hri'dayasarasije maamake taapahantaa. pinchhottamsah'....
Click here to know more..Justice Delayed Is Justice Denied
Justice delayed is justice denied. This is not a new concept. This was followed in Ramarajya.....
Click here to know more..