ഋതം കർതുമേവാശു നമ്രസ്യ വാക്യം സഭാസ്തംഭമധ്യാദ്യ ആവിർബഭൂവ.
തമാനമ്രലോകേഷ്ടദാനപ്രചണ്ഡം നമസ്കുർമഹേ ശൈലവാസം നൃസിംഹം.
ഇനാന്തർദൃഗന്തശ്ച ഗാംഗേയദേഹം സദോപാസതേ യം നരാഃ ശുദ്ധചിത്താഃ.
തമസ്താഘമേനോനിവൃത്ത്യൈ നിതാന്തം നമസ്കുർമഹേ ശൈലവാസം നൃസിംഹം.
ശിവം ശൈവവര്യാ ഹരിം വൈഷ്ണവാഗ്ര്യാഃ പരാശക്തിമാഹുസ്തഥാ ശക്തിഭക്താഃ.
യമേവാഭിധാഭിഃ പരം തം വിഭിന്നം നമസ്കുർമഹേ ശൈലവാസം നൃസിംഹം.
കൃപാസാഗരം ക്ലിഷ്ടരക്ഷാധുരീണം കൃപാണം മഹാപാപവൃക്ഷൗഘഭേദേ.
നതാലീഷ്ടവാരാശിരാകാശശാങ്കം നമസ്കുർമഹേ ശൈലവാസം നൃസിംഹം.
ജഗന്നേതി നേതീതി വാക്യൈർനിഷിദ്ധ്യാവശിഷ്ടം പരബ്രഹ്മരൂപം മഹാന്തഃ.
സ്വരൂപേണ വിജ്ഞായ മുക്താ ഹി യം തം നമസ്കുർമഹേ ശൈലവാസം നൃസിംഹം.
നതാൻഭോഗസക്താനപീഹാശു ഭക്തിം വിരക്തിം ച ദത്വാ ദൃഢാം മുക്തികാമാൻ.
വിധാതും കരേ കങ്കണം ധാരയന്തം നമസ്കുർമഹേ ശൈലവാസം നൃസിംഹം.
നരോ യന്മനോർജാപതോ ഭക്തിഭാവാച്ഛരീരേണ തേനൈവ പശ്യത്യമോഘാം.
തനും നാരസിംഹസ്യ വക്തീതി വേദോ നമസ്കുർമഹേ ശൈലവാസം നൃസിംഹം.
യദംഘ്ര്യബ്ജസേവാപരാണാം നരാണാം വിരക്തിർദൃഢാ ജായതേഽർഥേഷു ശീഘ്രം.
തമംഗപ്രഭാധൂതപൂർണേന്ദുകോടിം നമസ്കുർമഹേ ശൈലവാസം നൃസിംഹം.
രഥാംഗം പിനാകം വരം ചാഭയം യോ വിധത്തേ കരാബ്ജൈഃ കൃപാവാരിരാശിഃ.
തമിന്ദ്വച്ഛദേഹം പ്രസന്നാസ്യപദ്മം നമസ്കുർമഹേ ശൈലവാസം നൃസിംഹം.
പിനാകം രഥാംഗം വരം ചാഭയം ച പ്രഫുല്ലാംബുജാകാരഹസ്തൈർദധാനം.
ഫണീന്ദ്രാതപത്രം ശുചീനേന്ദുനേത്രം നമസ്കുർമഹേ ശൈലവാസം നൃസിംഹം.
വിവേകം വിരക്തിം ശമാദേശ്ച ഷട്കം മുമുക്ഷാം ച സമ്പ്രാപ്യ വേദാന്തജാലൈഃ.
യതന്തേ വിബോധായ യസ്യാനിശം തം നമസ്കുർമഹേ ശൈലവാസം നൃസിംഹം.
സദാ നന്ദിനീതീരവാസൈകലോലം മുദാ ഭക്തലോകം ദൃശാ പാലയന്തം.
വിദാമഗ്രഗണ്യാ നതാഃ സ്യുര്യദംഘ്രൗ നമസ്കുർമഹേ ശൈലവാസം നൃസിംഹം.
യദീയസ്വരൂപം ശിഖാ വേദരാശേരജസ്രം മുദാ സമ്യഗുദ്ഘോഷയന്തി.
നലിന്യാസ്തടേ സ്വൈരസഞ്ചാരശീലം ചിദാനന്ദരൂപം തമീഡേ നൃസിംഹം.
യമാഹുർഹി ദേഹം ഹൃഷീകാണി കേചിത്പരേഽസൂംസ്തഥാ ബുദ്ധിശൂന്യേ തഥാന്യേ.
യദജ്ഞാനമുഗ്ധാ ജനാ നാസ്തികാഗ്ര്യാഃ സദാനന്ദരൂപം തമീഡേ നൃസിംഹം.
സദാനന്ദചിദ്രൂപമാമ്നായശീർഷൈർവിചാര്യാര്യവക്ത്രാദ്യതീന്ദ്രാ യദീയം.
സുഖേനാസതേ ചിത്തകഞ്ജേ ദധാനാഃ സദാനന്ദചിദ്രൂപമീഡേ നൃസിംഹം.
പുരാ സ്തംഭമധ്യാദ്യ ആവിർബഭൂവ സ്വഭക്തസ്യ കർതും വചസ്തഥ്യമാശു.
തമാനന്ദകാരുണ്യപൂർണാന്തരംഗം ബുധാ ഭാവയുക്താ ഭജധ്വം നൃസിംഹം.
പുരാ ശങ്കരാര്യാ ധരാധീശഭൃത്യൈർവിനിക്ഷിപ്തവഹ്നിപ്രതപ്തസ്വദേഹാഃ.
സ്തുവന്തി സ്മ യം ദാഹശാന്ത്യൈ ജവാത്തം ബുധാ ഭാവയുക്താ ഭജധ്വം നൃസിംഹം.
സദേമാനി ഭക്ത്യാഖ്യസൂത്രേണ ദൃബ്ധാന്യമോഘാനി രത്നാനി കണ്ഠേ ജനാ യേ.
ധരിഷ്യന്തി താന്മുക്തികാന്താ വൃണീതേ സഖീഭിർവൃതാ ശാന്തിദാന്ത്യദിമാഭിഃ.
നടരാജ അഷ്ടോത്തര ശതനാമാവലി
ഓം ശ്രീചിദംബരേശ്വരായ നമഃ . ഓം ശംഭവേ നമഃ . ഓം നടേശായ നമഃ . ഓം....
Click here to know more..വരദ വിഷ്ണു സ്തോത്രം
ജഗത്സൃഷ്ടിഹേതോ ദ്വിഷദ്ധൂമകേതോ രമാകാന്ത സദ്ഭക്തവന്ദ്യ....
Click here to know more..അഥർവ്വവേദത്തിലെ രുദ്ര സൂക്തം
ഭവാശർവൗ മൃഡതം മാഭി യാതം ഭൂതപതീ പശുപതീ നമോ വാം . പ്രതിഹിത....
Click here to know more..