प्रातः स्मरामि ललितावदनारविन्दं
बिम्बाधरं पृथुलमौक्तिकशोभिनासम्।
आकर्णदीर्घनयनं मणिकुण्डलाढ्यं
मन्दस्मितं मृगमदोज्ज्वलफालदेशम्।
प्रातर्भजामि ललिताभुजकल्पवल्लीं
रक्ताङ्गुलीयलसदङ्गुलिपल्लवाढ्याम्।
माणिक्यहेमवलयाङ्गदशोभमानां
पुण्ड्रेक्षुचापकुसुमेषुसृणीर्दधानाम्।
प्रातर्नमामि ललिताचरणारविन्दं
भक्तेष्टदाननिरतं भवसिन्धुपोतम्।
पद्मासनादिसुरनायकपूजनीयं
पद्माङ्कुशध्वजसुदर्शनलाञ्छनाढ्यम्।
प्रातः स्तुवे परशिवां ललितां भवानीं
त्रय्यङ्गवेद्यविभवां करुणानवद्याम्।
विश्वस्य सृष्टिविलयस्थितिहेतुभूतां
विद्येश्वरीं निगमवाङ्मनसातिदूराम्।
प्रातर्वदामि ललिते तव पुण्यनाम
कामेश्वरीति कमलेति महेश्वरीति।
श्रीशाम्भवीति जगतां जननी परेति
वाग्देवतेति वचसा त्रिपुरेश्वरीति।
यः श्लोकपञ्चकमिदं ललिताम्बिकायाः
सौभाग्यदं सुललितं पठति प्रभाते।
तस्मै ददाति ललिता झटिति प्रसन्ना
विद्यां श्रियं विमलसौख्यमनन्तकीर्तिम्।
praatah' smaraami lalitaavadanaaravindam
bimbaadharam pri'thulamauktikashobhinaasam.
aakarnadeerghanayanam manikund'alaad'hyam
mandasmitam mri'gamadojjvalaphaaladesham.
praatarbhajaami lalitaabhujakalpavalleem
raktaanguleeya-
lasadangulipallavaad'hyaam.
maanikyahemavalayaangada-
shobhamaanaam
pund'rekshuchaapa-
kusumeshusri'neerdadhaanaam.
praatarnamaami lalitaacharanaaravindam
bhaktesht'adaananiratam bhavasindhupotam.
padmaasanaadisura-
naayakapoojaneeyam
padmaankushadhvaja-
sudarshanalaanchhanaad'hyam.
praatah' stuve parashivaam lalitaam bhavaaneem
trayyangavedyavibhavaam karunaanavadyaam.
vishvasya sri'sht'ivilayasthitihetubhootaam
vidyeshvareem nigamavaangmanasaatidooraam.
praatarvadaami lalite tava punyanaama
kaameshvareeti kamaleti maheshvareeti.
shreeshaambhaveeti jagataam jananee pareti
vaagdevateti vachasaa tripureshvareeti.
yah' shlokapanchakamidam lalitaambikaayaah'
saubhaagyadam sulalitam pat'hati prabhaate.
tasmai dadaati lalitaa jhat'iti prasannaa
vidyaam shriyam vimalasaukhyamanantakeertim.
Santana Parameshwara Stotram
पार्वतीसहितं स्कन्दनन्दिविघ्नेशसंयुतम्। चिन्तयामि हृ....
Click here to know more..Dakshinamurthy Stotram
विश्वं दर्पणदृश्यमाननगरीतुल्यं निजान्तर्गतं पश्यन्ना....
Click here to know more..Story of Sri Yantra-Part 6