ಲಲಿತಾ ಕವಚ

ಸನತ್ಕುಮಾರ ಉವಾಚ -
ಅಥ ತೇ ಕವಚಂ ದೇವ್ಯಾ ವಕ್ಷ್ಯೇ ನವರತಾತ್ಮಕಂ.
ಯೇನ ದೇವಾಸುರನರಜಯೀ ಸ್ಯಾತ್ಸಾಧಕಃ ಸದಾ.
ಸರ್ವತಃ ಸರ್ವದಾಽಽತ್ಮಾನಂ ಲಲಿತಾ ಪಾತು ಸರ್ವಗಾ.
ಕಾಮೇಶೀ ಪುರತಃ ಪಾತು ಭಗಮಾಲೀ ತ್ವನಂತರಂ.
ದಿಶಂ ಪಾತು ತಥಾ ದಕ್ಷಪಾರ್ಶ್ವಂ ಮೇ ಪಾತು ಸರ್ವದಾ.
ನಿತ್ಯಕ್ಲಿನ್ನಾಥ ಭೇರುಂಡಾ ದಿಶಂ ಮೇ ಪಾತು ಕೌಣಪೀಂ.
ತಥೈವ ಪಶ್ಚಿಮಂ ಭಾಗಂ ರಕ್ಷತಾದ್ವಹ್ನಿವಾಸಿನೀ.
ಮಹಾವಜ್ರೇಶ್ವರೀ ನಿತ್ಯಾ ವಾಯವ್ಯೇ ಮಾಂ ಸದಾವತು.
ವಾಮಪಾರ್ಶ್ವಂ ಸದಾ ಪಾತು ತ್ವಿತೀಮೇಲರಿತಾ ತತಃ.
ಮಾಹೇಶ್ವರೀ ದಿಶಂ ಪಾತು ತ್ವರಿತಂ ಸಿದ್ಧದಾಯಿನೀ.
ಪಾತು ಮಾಮೂರ್ಧ್ವತಃ ಶಶ್ವದ್ದೇವತಾ ಕುಲಸುಂದರೀ.
ಅಧೋ ನೀಲಪತಾಕಾಖ್ಯಾ ವಿಜಯಾ ಸರ್ವತಶ್ಚ ಮಾಂ.
ಕರೋತು ಮೇ ಮಂಗಲಾನಿ ಸರ್ವದಾ ಸರ್ವಮಂಗಲಾ.
ದೇಹೇಂದ್ರಿಯಮನಃ- ಪ್ರಾಣಾಂಜ್ವಾಲಾ- ಮಾಲಿನಿವಿಗ್ರಹಾ.
ಪಾಲಯತ್ವನಿಶಂ ಚಿತ್ತಾ ಚಿತ್ತಂ ಮೇ ಸರ್ವದಾವತು.
ಕಾಮಾತ್ಕ್ರೋಧಾತ್ತಥಾ ಲೋಭಾನ್ಮೋಹಾನ್ಮಾನಾ- ನ್ಮದಾದಪಿ.
ಪಾಪಾನ್ಮಾಂ ಸರ್ವತಃ ಶೋಕಾತ್ಸಂಕ್ಷಯಾತ್ಸರ್ವತಃ ಸದಾ.
ಅಸತ್ಯಾತ್ಕ್ರೂರಚಿಂತಾತೋ ಹಿಂಸಾತಶ್ಚೌರತಸ್ತಥಾ.
ಸ್ತೈಮಿತ್ಯಾಚ್ಚ ಸದಾ ಪಾತು ಪ್ರೇರಯಂತ್ಯಃ ಶುಭಂ ಪ್ರತಿ.
ನಿತ್ಯಾಃ ಷೋಡಶ ಮಾಂ ಪಾತು ಗಜಾರೂಢಾಃ ಸ್ವಶಕ್ತಿಭಿಃ.
ತಥಾ ಹಯಸಮಾರೂಢಾಃ ಪಾತು ಮಾಂ ಸರ್ವತಃ ಸದಾ.
ಸಿಂಹಾರೂಢಾಸ್ತಥಾ ಪಾತು ಪಾತು ಋಕ್ಷಗತಾ ಅಪಿ.
ರಥಾರೂಢಾಶ್ಚ ಮಾಂ ಪಾತು ಸರ್ವತಃ ಸರ್ವದಾ ರಣೇ.
ತಾರ್ಕ್ಷ್ಯಾರೂಢಾಶ್ಚ ಮಾಂ ಪಾತು ತಥಾ ವ್ಯೋಮಗತಾಶ್ಚ ತಾಃ.
ಭೂತಗಾಃ ಸರ್ವಗಾಃ ಪಾತು ಪಾತು ದೇವ್ಯಶ್ಚ ಸರ್ವದಾ.
ಭೂತಪ್ರೇತಪಿಶಾಚಾಶ್ಚ ಪರಕೃತ್ಯಾದಿಕಾನ್ ಗದಾನ್.
ದ್ರಾವಯಂತು ಸ್ವಶಕ್ತೀನಾಂ ಭೂಷಣೈರಾಯುಧೈರ್ಮಮ.
ಗಜಾಶ್ವದ್ವೀಪಿಪಂಚಾಸ್ಯ- ತಾರ್ಕ್ಷ್ಯಾರೂಢಾಖಿಲಾಯುಧಾಃ.
ಅಸಂಖ್ಯಾಃ ಶಕ್ತಯೋ ದೇವ್ಯಃ ಪಾತು ಮಾಂ ಸರ್ವತಃ ಸದಾ.
ಸಾಯಂ ಪ್ರಾತರ್ಜಪನ್ನಿತ್ಯಂ ಕವಚಂ ಸರ್ವರಕ್ಷಕಂ.
ಕದಾಚಿನ್ನಾಶುಭಂ ಪಶ್ಯೇತ್ ಸರ್ವದಾನಂದಮಾಸ್ಥಿತಃ.
ಇತ್ಯೇತತ್ಕವಚಂ ಪ್ರೋಕ್ತಂ ಲಲಿತಾಯಾಃ ಶುಭಾವಹಂ.
ಯಸ್ಯ ಸಂಧಾರಣಾನ್ಮರ್ತ್ಯೋ ನಿರ್ಭಯೋ ವಿಜಯೀ ಸುಖೀ.