ವಂದೇ ನಿರ್ಬಾಧಕರುಣಾಮರುಣಾಂ ಶರಣಾವನೀಂ.
ಕಾಮಪೂರ್ಣಜಕಾರಾದ್ಯ- ಶ್ರೀಪೀಠಾಂತರ್ನಿವಾಸಿನೀಂ.
ಪ್ರಸಿದ್ಧಾಂ ಪರಮೇಶಾನೀಂ ನಾನಾತನುಷು ಜಾಗ್ರತೀಂ.
ಅದ್ವಯಾನಂದಸಂದೋಹ- ಮಾಲಿನೀಂ ಶ್ರೇಯಸೇ ಶ್ರಯೇ.
ಜಾಗ್ರತ್ಸ್ವಪ್ನಸುಷುಪ್ತ್ಯಾದೌ ಪ್ರತಿವ್ಯಕ್ತಿ ವಿಲಕ್ಷಣಾಂ.
ಸೇವೇ ಸೈರಿಭಸಮ್ಮರ್ದರಕ್ಷಣೇಷು ಕೃತಕ್ಷಣಾಂ.
ತತ್ತತ್ಕಾಲಸಮುದ್ಭೂತ- ರಾಮಕೃಷ್ಣಾದಿಸೇವಿತಾಂ.
ಏಕಧಾ ದಶಧಾ ಕ್ವಾಪಿ ಬಹುಧಾ ಶಕ್ತಿಮಾಶ್ರಯೇ.
ಸ್ತವೀಮಿ ಪರಮೇಶಾನೀಂ ಮಹೇಶ್ವರಕುಟುಂಬಿನೀಂ.
ಸುದಕ್ಷಿಣಾಮನ್ನಪೂರ್ಣಾಂ ಲಂಬೋದರಪಯಸ್ವಿನೀಂ.
ಮೇಧಾಸಾಮ್ರಾಜ್ಯದೀಕ್ಷಾದಿ- ವೀಕ್ಷಾರೋಹಸ್ವರೂಪಿಕಾಂ.
ತಾಮಾಲಂಬೇ ಶಿವಾಲಂಬಾಂ ಪ್ರಸಾದರೂಪಿಕಾಂ.
ಅವಾಮಾ ವಾಮಭಾಗೇಷು ದಕ್ಷಿಣೇಷ್ವಪಿ ದಕ್ಷಿಣಾ.
ಅದ್ವಯಾಪಿ ದ್ವಯಾಕಾರಾ ಹೃದಯಾಂಭೋಜಗಾವತಾತ್.
ಮಂತ್ರಭಾವನಯಾ ದೀಪ್ತಾಮವರ್ಣಾಂ ವರ್ಣರೂಪಿಣೀಂ.
ಪರಾಂ ಕಂದಲಿಕಾಂ ಧ್ಯಾಯನ್ ಪ್ರಸಾದಮಧಿಗಚ್ಛತಿ.
ಆತ್ಮ ತತ್ತ್ವ ಸಂಸ್ಮರಣ ಸ್ತೋತ್ರ
ಪ್ರಾತಃ ಸ್ಮರಾಮಿ ಹೃದಿ ಸಂಸ್ಫುರದಾತ್ಮತತ್ತ್ವಂ ಸಚ್ಚಿತ್ಸುಖಂ ಪ....
Click here to know more..ಗುಹ ಅಷ್ಟಕ ಸ್ತೋತ್ರ
ಶಾಂತಂ ಶಂಭುತನೂಜಂ ಸತ್ಯಮನಾಧಾರಂ ಜಗದಾಧಾರಂ ಜ್ಞಾತೃಜ್ಞಾನನಿರಂ....
Click here to know more..ಭಗವಾನ್ ನರಸಿಂಹ ಮಂತ್ರ: ಆಶೀರ್ವಾದ ಮತ್ತು ರಕ್ಷಣೆ
ಓಂ ಕ್ಷ್ರೌಂ ಪ್ರೌಂ ಹ್ರೌಂ ರೌಂ ಬ್ರೌಂ ಜ್ರೌಂ ನಮೋ ನೃಸಿಂಹಾಯ....
Click here to know more..