వ్రజే ప్రసిద్ధం నవనీతచౌరం
గోపాంగనానాం చ దుకూలచౌరం .
అనేకజన్మార్జితపాపచౌరం
చౌరాగ్రగణ్యం పురుషం నమామి ..
శ్రీరాధికాయా హృదయస్య చౌరం
నవాంబుదశ్యామలకాంతిచౌరం .
పదాశ్రితానాం చ సమస్తచౌరం
చౌరాగ్రగణ్యం పురుషం నమామి ..
అకించనీకృత్య పదాశ్రితం యః
కరోతి భిక్షుం పథి గేహహీనం .
కేనాప్యహో భీషణచౌర ఈదృగ్-
దృష్టః శ్రుతో వా న జగత్త్రయేఽపి ..
యదీయ నామాపి హరత్యశేషం
గిరిప్రసారాన్ అపి పాపరాశీన్ .
ఆశ్చర్యరూపో నను చౌర ఈదృగ్
దృష్టః శ్రుతో వా న మయా కదాపి ..
ధనం చ మానం చ తథేంద్రియాణి
ప్రాణాంశ్చ హృత్వా మమ సర్వమేవ .
పలాయసే కుత్ర ధృతోఽద్య చౌర
త్వం భక్తిదామ్నాసి మయా నిరుద్ధః ..
ఛినత్సి ఘోరం యమపాశబంధం
భినత్సి భీమం భవపాశబంధం .
ఛినత్సి సర్వస్య సమస్తబంధం
నైవాత్మనో భక్తకృతం తు బంధం ..
మన్మానసే తామసరాశిఘోరే
కారాగృహే దుఃఖమయే నిబద్ధః .
లభస్వ హే చౌర హరే చిరాయ
స్వచౌర్యదోషోచితమేవ దండం ..
కారాగృహే వస సదా హృదయే మదీయే
మద్భక్తిపాశదృఢబంధననిశ్చలః సన్ .
త్వాం కృష్ణ హే ప్రలయకోటిశతాంతరేఽపి
సర్వస్వచౌర హృదయాన్ న హి మోచయామి ..
ద్వాదశ జ్యోతిర్లింగ భుజంగ స్తోత్రం
సుశాంతం నితాంతం గుణాతీతరూపం శరణ్యం ప్రభుం సర్వలోకాధిన....
Click here to know more..చంద్రశేఖర అష్టక స్తోత్రం
చంద్రశేఖర చంద్రశేఖర చంద్రశేఖర పాహి మాం. చంద్రశేఖర చంద్....
Click here to know more..మేధో శక్తి కోసం బాలాదేవి మంత్రం
ఐం క్లీం సౌః సౌః క్లీం ఐం....
Click here to know more..