सर्वार्तिघ्नं कुक्कुटकेतुं रममाणं
वह्न्युद्भूतं भक्तकृपालुं गुहमेकम्।
वल्लीनाथं षण्मुखमीशं शिखिवाहं
सुब्रह्मण्यं देवशरण्यं सुरमीडे।
स्वर्णाभूषं धूर्जटिपुत्रं मतिमन्तं
मार्ताण्डाभं तारकशत्रुं जनहृद्यम्।
स्वच्छस्वान्तं निष्कलरूपं रहितादिं
सुब्रह्मण्यं देवशरण्यं सुरमीडे।
गौरीपुत्रं देशिकमेकं कलिशत्रुं
सर्वात्मानं शक्तिकरं तं वरदानम्।
सेनाधीशं द्वादशनेत्रं शिवसूनुं
सुब्रह्मण्यं देवशरण्यं सुरमीडे।
मौनानन्दं वैभवदानं जगदादिं
तेजःपुञ्जं सत्यमहीध्रस्थितदेवम्।
आयुष्मन्तं रक्तपदाम्भोरुहयुग्मं
सुब्रह्मण्यं देवशरण्यं सुरमीडे।
निर्नाशं तं मोहनरूपं महनीयं
वेदाकारं यज्ञहविर्भोजनसत्त्वम्।
स्कन्दं शूरं दानवतूलानलभूतं
सुब्रह्मण्यं देवशरण्यं सुरमीडे।
गणराज स्तोत्र
सुमुखो मखभुङ्मुखार्चितः सुखवृद्ध्यै निखिलार्तिशान्तय....
Click here to know more..अर्धनारीश्वर अष्टोत्तर शतनामावलि
ॐ अखिलाण्डकोटिब्रह्माण्डरूपाय नमः । ॐ अज्ञानध्वान्तदी....
Click here to know more..महाभारत के मुख्य पात्र
कुरुक्षेत्र की लड़ाई में सैकड़ों हजारों बहादुर योद्धाओ....
Click here to know more..