नमोऽस्तु वृन्दारकवृन्दवन्द्य-
पादारविन्दाय सुधाकराय ।
षडाननायामितविक्रमाय
गौरीहृदानन्दसमुद्भवाय।
नमोऽस्तु तुभ्यं प्रणतार्तिहन्त्रे
कर्त्रे समस्तस्य मनोरथानाम्।
दात्रे रतानां परतारकस्य
हन्त्रे प्रचण्डासुरतारकस्य।
अमूर्तमूर्ताय सहस्रमूर्तये
गुणाय गुण्याय परात्पराय।
आपारपारायपरात्पराय
नमोऽस्तु तुभ्यं शिखिवाहनाय।
नमोऽस्तु ते ब्रह्मविदां वराय
दिगम्बरायाम्बरसंस्थिताय।
हिरण्यवर्णाय हिरण्यबाहवे
नमो हिरण्याय हिरण्यरेतसे।
तपःस्वरूपाय तपोधनाय
तपःफलानां प्रतिपादकाय।
सदा कुमाराय हि मारमारिणे
तृणीकृतैश्वर्यविरागिणे नमः।
नमोऽस्तु तुभ्यं शरजन्मने विभो
प्रभातसूर्यारुणदन्तपङ्क्तये।
बालाय चापारपराक्रमाय
षाण्मातुरायालमनातुराय।
मीढुष्ठमायोत्तरमीढुषे नमो
नमो गणानां पतये गणाय।
नमोऽस्तु ते जन्मजरादिकाय
नमो विशाखाय सुशक्तिपाणये।
सर्वस्य नाथस्य कुमारकाय
क्रौञ्चारये तारकमारकाय।
स्वाहेय गाङ्गेय च कार्तिकेय
शैलेय तुभ्यं सततन्नमोऽस्तु।
namo'stu vri'ndaarakavri'ndavandya-
paadaaravindaaya sudhaakaraaya .
shad'aananaayaamitavikramaaya
gaureehri'daanandasamudbhavaaya.
namo'stu tubhyam pranataartihantre
kartre samastasya manorathaanaam.
daatre rataanaam parataarakasya
hantre prachand'aasurataarakasya.
amoortamoortaaya sahasramoortaye
gunaaya gunyaaya paraatparaaya.
aapaarapaaraayaparaatparaaya
namo'stu tubhyam shikhivaahanaaya.
namo'stu te brahmavidaam varaaya
digambaraayaambarasamsthitaaya.
hiranyavarnaaya hiranyabaahave
namo hiranyaaya hiranyaretase.
tapah'svaroopaaya tapodhanaaya
tapah'phalaanaam pratipaadakaaya.
sadaa kumaaraaya hi maaramaarine
tri'neekri'taishvaryaviraagine namah'.
namo'stu tubhyam sharajanmane vibho
prabhaatasooryaarunadantapanktaye.
baalaaya chaapaaraparaakramaaya
shaanmaaturaayaalamanaaturaaya.
meed'husht'hamaayottarameed'hushe namo
namo ganaanaam pataye ganaaya.
namo'stu te janmajaraadikaaya
namo vishaakhaaya sushaktipaanaye.
sarvasya naathasya kumaarakaaya
kraunchaaraye taarakamaarakaaya.
svaaheya gaangeya cha kaartikeya
shaileya tubhyam satatannamo'stu.
Uma Maheshwara Stotram
नमः शिवाभ्यां नवयौवनाभ्यां परसिपराश्लिष्टवपुर्धराभ्य....
Click here to know more..Subramanya Kavacham
naarada uvaacha- devesha shrotumichchhaami brahman vaageesha tattvatah'. subrahmanyasya kavacham kri'payaa vaktumarhasi. brahmovaacha - maharshe shri....
Click here to know more..Story Of Aruni
This discourse which is part of Mahabharata series tells you about how Aruni gained complete knowledge of Vedas and Shastras only though blind obedien....
Click here to know more..