यां कल्पयन्ति वहतौ वधूमिव विश्वरूपां हस्तकृतां चिकित्सवः ।
सारादेत्वप नुदाम एनाम् ॥१॥
शीर्षण्वती नस्वती कर्णिणी कृत्याकृता संभृता विश्वरूपा ।
सारादेत्वप नुदाम एनाम् ॥२॥
शूद्रकृता राजकृता स्त्रीकृता ब्रह्मभिः कृता ।
जाया पत्या नुत्तेव कर्तारं बन्ध्वृच्छतु ॥३॥
अनयाहमोषध्या सर्वाः कृत्या अदूदुषम् ।
यां क्षेत्रे चक्रुर्यां गोषु यां वा ते पुरुषेषु ॥४॥
अघमस्त्वघकृते शपथः शपथीयते ।
प्रत्यक्प्रतिप्रहिण्मो यथा कृत्याकृतं हनत्॥५॥
प्रतीचीन आङ्गिरसोऽध्यक्षो नः पुरोहितः ।
प्रतीचीः कृत्या आकृत्यामून् कृत्याकृतो जहि ॥६॥
यस्त्वोवाच परेहीति प्रतिकूलमुदाय्यम् ।
तं कृत्येऽभिनिवर्तस्व मास्मान् इछो अनागसः ॥७॥
यस्ते परूंषि संदधौ रथस्येव र्भुर्धिया ।
तं गच्छ तत्र तेऽयनमज्ञातस्तेऽयं जनः ॥८॥
ये त्वा कृत्वालेभिरे विद्वला अभिचारिणः ।
शंभ्विदं कृत्यादूषणं प्रतिवर्त्म पुनःसरं तेन त्वा स्नपयामसि ॥९॥
यद्दुर्भगां प्रस्नपितां मृतवत्सामुपेयिम ।
अपैतु सर्वं मत्पापं द्रविणं मोप तिष्ठतु ॥१०॥ {१}
यत्ते पितृभ्यो ददतो यज्ञे वा नाम जगृहुः ।
संदेश्यात्सर्वस्मात्पापादिमा मुञ्चन्तु त्वौषधीः ॥११॥
देवैनसात्पित्र्यान् नामग्राहात्संदेश्यादभिनिष्कृतात्।
मुञ्चन्तु त्वा वीरुधो वीर्येण ब्रह्मणा ऋग्भिः पयसा ऋषीणाम् ॥१२॥
यथा वातश्च्यावयति भूम्या रेणुमन्तरिक्षाच्चाभ्रम् ।
एवा मत्सर्वं दुर्भूतं ब्रह्मनुत्तमपायति ॥१३॥
अप क्राम नानदती विनद्धा गर्दभीव ।
कर्तॄन् नक्षस्वेतो नुत्ता ब्रह्मणा वीर्यावता ॥१४॥
अयं पन्थाः कृत्येति त्वा नयामोऽभिप्रहितां प्रति त्वा प्र हिण्मः ।
तेनाभि याहि भञ्जत्यनस्वतीव वाहिनी विश्वरूपा कुरूतिनी ॥१५॥
पराक्ते ज्योतिरपथं ते अर्वागन्यत्रास्मदयना कृणुष्व ।
परेणेहि नवतिं नाव्या अति दुर्गाः स्रोत्या मा क्षणिष्ठाः परेहि ॥१६॥
वात इव वृक्षान् नि मृणीहि पादय मा गामश्वं पुरुषमुच्छिष एषाम् ।
कर्तॄन् निवृत्येतः कृत्येऽप्रजास्त्वाय बोधय ॥१७॥
यां ते बर्हिषि यां श्मशाने क्षेत्रे कृत्यां वलगं वा निचख्नुः ।
अग्नौ वा त्वा गार्हपत्येऽभिचेरुः पाकं सन्तं धीरतरा अनागसम् ॥१८॥
उपाहृतमनुबुद्धं निखातं वैरं त्सार्यन्वविदाम कर्त्रम् ।
तदेतु यत आभृतं तत्राश्व इव वि वर्ततां हन्तु कृत्याकृतः प्रजाम् ॥१९॥
स्वायसा असयः सन्ति नो गृहे विद्मा ते कृत्ये यतिधा परूंषि ।
उत्तिष्ठैव परेहीतोऽज्ञाते किमिहेच्छसि ॥२०॥ {२}
ग्रीवास्ते कृत्ये पादौ चापि कर्त्स्यामि निर्द्रव ।
इन्द्राग्नी अस्मान् रक्षतां यौ प्रजानां प्रजावती ॥२१॥
सोमो राजाधिपा मृडिता च भूतस्य नः पतयो मृडयन्तु ॥२२॥
भवाशर्वावस्यतां पापकृते कृत्याकृते ।
दुष्कृते विद्युतं देवहेतिम् ॥२३॥
यद्येयथ द्विपदी चतुष्पदी कृत्याकृता संभृता विश्वरूपा ।
सेतोऽष्टापदी भूत्वा पुनः परेहि दुछुने ॥२४॥
अभ्यक्ताक्ता स्वरंकृता सर्वं भरन्ती दुरितं परेहि ।
जानीहि कृत्ये कर्तारं दुहितेव पितरं स्वम् ॥२५॥
परेहि कृत्ये मा तिष्ठो विद्धस्येव पदं नय ।
मृगः स मृगयुस्त्वं न त्वा निकर्तुमर्हति ॥२६॥
उत हन्ति पूर्वासिनं प्रत्यादायापर इष्वा ।
उत पूर्वस्य निघ्नतो नि हन्त्यपरः प्रति ॥२७॥
एतद्धि शृणु मे वचोऽथेहि यत एयथ ।
यस्त्वा चकार तं प्रति ॥२८॥
अनागोहत्या वै भीमा कृत्ये मा नो गामश्वं पुरुषं वधीः ।
यत्रयत्रासि निहिता ततस्त्वोत्थापयामसि पर्णाल्लघीयसी भव ॥२९॥
यदि स्थ तमसावृता जालेनभिहिता इव ।
सर्वाः संलुप्येतः कृत्याः पुनः कर्त्रे प्र हिण्मसि ॥३०॥
कृत्याकृतो वलगिनोऽभिनिष्कारिणः प्रजाम् ।
मृणीहि कृत्ये मोच्छिषोऽमून् कृत्याकृतो जहि ॥३१॥
यथा सूर्यो मुच्यते तमसस्परि रात्रिं जहात्युषसश्च केतून् ।
एवाहं सर्वं दुर्भूतं कर्त्रं कृत्याकृता कृतं हस्तीव रजो दुरितं जहामि ॥३२॥
Yaam kalpayanti vahatau vadhoomiva vishvaroopaam hastakri'taam chikitsavah' .
Saaraadetvapa nudaama enaam ..1..
Sheershanvatee nasvatee karninee kri'tyaakri'taa sambhri'taa vishvaroopaa .
Saaraadetvapa nudaama enaam ..2..
Shoodrakri'taa raajakri'taa streekri'taa brahmabhih' kri'taa .
Jaayaa patyaa nutteva kartaaram bandhvri'chchhatu ..3..
Anayaahamoshadhyaa sarvaah' kri'tyaa adoodusham .
Yaam kshetre chakruryaam goshu yaam vaa te purusheshu ..4..
Aghamastvaghakri'te shapathah' shapatheeyate .
Pratyakpratiprahinmo yathaa kri'tyaakri'tam hanat..5..
Prateecheena aangiraso'dhyaksho nah' purohitah' .
Prateecheeh' kri'tyaa aakri'tyaamoon kri'tyaakri'to jahi ..6..
Yastvovaacha pareheeti pratikoolamudaayyam .
Tam kri'tye'bhinivartasva maasmaan ichho anaagasah' ..7..
Yaste paroomshi sandadhau rathasyeva rbhurdhiyaa .
Tam gachchha tatra te'yanamajnyaataste'yam janah' ..8..
Ye tvaa kri'tvaalebhire vidvalaa abhichaarinah' .
Shambhvidam kri'tyaadooshanam prativartma punah'saram tena tvaa snapayaamasi ..9..
Yaddurbhagaam prasnapitaam mri'tavatsaamupeyima .
Apaitu sarvam matpaapam dravinam mopa tisht'hatu ..10.. {1}
Yatte pitri'bhyo dadato yajnye vaa naama jagri'huh' .
Sandeshyaatsarvasmaat paapaadimaa munchantu tvaushadheeh' ..11..
Devainasaatpitryaan naamagraahaat sandeshyaadabhinishkri'taat.
Munchantu tvaa veerudho veeryena brahmanaa ri'gbhih' payasaa ri'sheenaam ..12..
Yathaa vaatashchyaavayati bhoomyaa renumantarikshaachchaabhram .
Evaa matsarvam durbhootam brahmanuttamapaayati ..13..
Apa kraama naanadatee vinaddhaa gardabheeva .
Kartree'n nakshasveto nuttaa brahmanaa veeryaavataa ..14..
Ayam panthaah' kri'tyeti tvaa nayaamo'bhiprahitaam prati tvaa pra hinmah' .
Tenaabhi yaahi bhanjatyanasvateeva vaahinee vishvaroopaa kurootinee ..15..
Paraakte jyotirapatham te arvaaganyatraasmadayanaa kri'nushva .
Parenehi navatim naavyaa ati durgaah' srotyaa maa kshanisht'haah' parehi ..16..
Vaata iva vri'kshaan ni mri'neehi paadaya maa gaamashvam purushamuchchhisha eshaam .
Kartree'n nivri'tyetah' kri'tye'prajaastvaaya bodhaya ..17..
Yaam te barhishi yaam shmashaane kshetre kri'tyaam valagam vaa nichakhnuh' .
Agnau vaa tvaa gaarhapatye'bhicheruh' paakam santam dheerataraa anaagasam ..18..
Upaahri'tamanubuddham nikhaatam vairam tsaaryanvavidaama kartram .
Tadetu yata aabhri'tam tatraashva iva vi vartataam hantu kri'tyaakri'tah' prajaam ..19..
Svaayasaa asayah' santi no gri'he vidmaa te kri'tye yatidhaa paroomshi .
Uttisht'haiva pareheeto'jnyaate kimihechchhasi ..20.. {2}
Greevaaste kri'tye paadau chaapi kartsyaami nirdrava .
Indraagnee asmaan rakshataam yau prajaanaam prajaavatee ..21..
Somo raajaadhipaa mri'd'itaa cha bhootasya nah' patayo mri'd'ayantu ..22..
Bhavaasharvaavasyataam paapakri'te kri'tyaakri'te .
Dushkri'te vidyutam devahetim ..23..
Yadyeyatha dvipadee chatushpadee kri'tyaakri'taa sambhri'taa vishvaroopaa .
Seto'sht'aapadee bhootvaa punah' parehi duchhune ..24..
Abhyaktaaktaa svarankri'taa sarvam bharantee duritam parehi .
Jaaneehi kri'tye kartaaram duhiteva pitaram svam ..25..
Parehi kri'tye maa tisht'ho viddhasyeva padam naya .
Mri'gah' sa mri'gayustvam na tvaa nikartumarhati ..26..
Uta hanti poorvaasinam pratyaadaayaapara ishvaa .
Uta poorvasya nighnato ni hantyaparah' prati ..27..
Etaddhi shri'nu me vacho'thehi yata eyatha .
Yastvaa chakaara tam prati ..28..
Anaagohatyaa vai bheemaa kri'tye maa no gaamashvam purusham vadheeh' .
Yatrayatraasi nihitaa tatastvotthaapayaamasi parnaallagheeyasee bhava ..29..
Yadi stha tamasaavri'taa jaalenabhihitaa iva .
Sarvaah' samlupyetah' kri'tyaah' punah' kartre pra hinmasi ..30..
Kri'tyaakri'to valagino'bhinishkaarinah' prajaam .
Mri'neehi kri'tye mochchhisho'moon kri'tyaakri'to jahi ..31..
Yathaa sooryo muchyate tamasaspari raatrim jahaatyushasashcha ketoon .
Evaaham sarvam durbhootam kartram kri'tyaakri'taa kri'tam hasteeva rajo duritam jahaami ..32..
So Easy To Be A Devotee Of Bhagawan
Today, we will see how simple and effective it is to be the devotee of Bhagawan Vishnu and then we will see the meaning of the 129th Divya nama वे....
Click here to know more..Meaning of Sri Venkatesha Suprabhatam- Part 6
Rajarajeshwari Stotram
yaa trailokyakut'umbikaa varasudhaadhaaraabhi- santarpinee bhoomyaadeendriya- chittachetanaparaa samvinmayee shaashvatee. brahmendraachyuta- vanditesh....
Click here to know more..Please wait while the audio list loads..
Ganapathy
Shiva
Hanuman
Devi
Vishnu Sahasranama
Mahabharatam
Practical Wisdom
Yoga Vasishta
Vedas
Rituals
Rare Topics
Devi Mahatmyam
Glory of Venkatesha
Shani Mahatmya
Story of Sri Yantra
Rudram Explained
Atharva Sheersha
Sri Suktam
Kathopanishad
Ramayana
Mystique
Mantra Shastra
Bharat Matha
Bhagavatam
Astrology
Temples
Spiritual books
Purana Stories
Festivals
Sages and Saints