हरि पंचक स्तुति
रविसोमनेत्रमघनाशनं विभुं
मुनिबुद्धिगम्य- महनीयदेहिनम्।
कमलाधिशायि- रमणीयवक्षसं
सततं नतोऽस्मि हरिमेकमव्ययम्।
धृतशङ्खचक्रनलिनं गदाधरं
धवलाशुकीर्तिमतिदं महौजसम्।
सुरजीवनाथ- मखिलाभयप्रदं
सततं नतोऽस्मि हरिमेकमव्ययम्।
गुणगम्यमुग्रमपरं स्वयंभुवं
समकामलोभ- मददुर्गुणान्तकम्।
कलिकालरक्षण- निमित्तिकारणं
सततं नतोऽस्मि हरिमेकमव्ययम्।
झषकूर्मसिंह- किरिकायधारिणं
कमलासुरम्य- नयनोत्सवं प्रभुम्।
अतिनीलकेश- गगनाप्तविग्रहं
सततं नतोऽस्मि हरिमेकमव्ययम्।
भवसिन्धुमोक्षदमजं त्रिविक्रमं
श्रितमानुषार्तिहरणं रघूत्तमम्।
सुरमुख्यचित्तनिलयं सनातनं
सततं नतोऽस्मि हरिमेकमव्ययम्।
Recommended for you
वेंकटेश मंगल अष्टक स्तोत्र
जम्बूद्वीपगशेषशैलभुवनः श्रीजानिराद्यात्मजः तार्क्ष्....
Click here to know more..शनैश्चर द्वादश नाम स्तोत्र
नित्यं नीलाञ्जनप्रख्यम् नीलवर्णसमस्रजम्। छायामार्तण्....
Click here to know more..सियाराममय है जगत
जगत में जितने जड और चेतन जीव हैं, वे सब राममय हैं। मैं उन सब....
Click here to know more..
