Annapoorna Stotram

Other languages: HindiTamilMalayalamTeluguKannada

Click here for audio

नित्यानन्दकरी वराभयकरी सौन्दर्यरत्नाकरी
निर्धूताखिलघोरपावनकरी प्रत्यक्षमाहेश्वरी।
प्रालेयाचलवंशपावनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
नानारत्नविचित्रभूषणकरी हेमाम्बराडम्बरी
मुक्ताहारविलम्बमानविलसद्वक्षोजकुम्भान्तरी।
काश्मीरागरुवासिता रुचिकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
योगानन्दकरी रिपुक्षयकरी धर्मैकनिष्ठाकरी
चन्द्रार्कानलभासमानलहरी त्रैलोक्यरक्षाकरी।
सर्वैश्वर्यकरी तपःफलकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
कैलासाचलकन्दरालयकरी गौरी ह्युमा शाङ्करी
कौमारी निगमार्थगोचरकरी ह्योङ्कारबीजाक्षरी।
मोक्षद्वारकवाटपाटनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
दृश्यादृश्यविभूतिवाहनकरी ब्रह्माण्डभाण्डोदरी
लीलानाटकसूत्रखेलनकरी विज्ञानदीपाङ्कुरी।
श्रीविश्वेशमनःप्रसादनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
आदिक्षान्तसमस्तवर्णकरी शम्भुप्रिया शाङ्करी
काश्मीरत्रिपुरेश्वरी त्रिनयनी विश्वेश्वरी शर्वरी।
स्वर्गद्वारकवाटपाटनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
उर्वीसर्वजनेश्वरी जयकरी माता कृपासागरी
नारी नीलसमानकुन्तलधरी नित्यान्नदानेश्वरी।
साक्षान्मोक्षकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
देवी सर्वविचित्ररत्नरचिता दाक्षायणी सुन्दरी
वामा स्वादुपयोधरा प्रियकरी सौभाग्यमाहेश्वरी।
भक्ताभीष्टकरी सदा शुभकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
चन्द्रार्कानलकोटिकोटिसदृशी चन्द्रांशुबिम्बाधरी
चन्द्रार्काग्निसमानकुण्डलधरी चन्द्रार्कवर्णेश्वरी।
मालापुस्तकपाशसाङ्कुशधरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।
क्षत्रत्राणकरी महाभयहरी माता कृपासागरी
सर्वानन्दकरी सदा शिवकरी विश्वेश्वरी श्रीधरी।
दक्षाक्रन्दकरी निरामयकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी।

 

nityaanandakaree varaabhayakaree saundaryaratnaakaree
nirdhootaakhilaghorapaavanakaree pratyakshamaaheshvaree.
praaleyaachalavamshapaavanakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
naanaaratnavichitrabhooshanakaree hemaambaraad'ambaree
muktaahaaravilambamaanavilasad-
vakshojakumbhaantaree.
kaashmeeraagaruvaasitaa ruchikaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
yogaanandakaree ripukshayakaree dharmaikanisht'haakaree
chandraarkaanala-
bhaasamaanalaharee trailokyarakshaakaree.
sarvaishvaryakaree tapah'phalakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
kailaasaachalakandaraalayakaree gauree hyumaa shaankaree
kaumaaree nigamaarthagocharakaree hyonkaarabeejaaksharee.
mokshadvaarakavaat'apaat'anakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
dri'shyaadri'shyavibhootivaahanakaree brahmaand'abhaand'odaree
leelaanaat'akasootrakhelanakaree vijnyaanadeepaankuree.
shreevishvesha-
manah'prasaadanakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
aadikshaantasamastavarnakaree shambhupriyaa shaankaree
kaashmeeratripureshvaree trinayanee vishveshvaree sharvaree.
svargadvaarakavaat'apaat'anakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
urveesarvajaneshvaree jayakaree maataa kri'paasaagaree
naaree neelasamaanakuntaladharee nityaannadaaneshvaree.
saakshaanmokshakaree sadaa shubhakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
devee sarvavichitraratnarachitaa daakshaayanee sundaree
vaamaa svaadupayodharaa priyakaree saubhaagyamaaheshvaree.
bhaktaabheesht'akaree sadaa shubhakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.
chandraarkaanalakot'ikot'isadri'shee chandraamshubimbaadharee
chandraarkaagni-
samaanakund'aladharee chandraarkavarneshvaree.
maalaapustakapaasha-
saankushadharee kaasheepuraadheeshvaree
bhikshaam dehi kri'paavalambanakaree maataannapoorneshvaree.
kshatratraanakaree mahaabhayaharee maataa kri'paasaagaree
sarvaanandakaree sadaa shivakaree vishveshvaree shreedharee.
dakshaakrandakaree niraamayakaree kaasheepuraadheeshvaree
bhikshaam dehi kri'paavalambanakaree maataannapoorneshvaree.

Other stotras

Copyright © 2022 | Vedadhara | All Rights Reserved. | Designed & Developed by Claps and Whistles
| | | | |
Active Visitors:
2627773