ಭಕ್ತಿಯ ಶಕ್ತಿ: ಸತಿಯು ಶಿವನನ್ನು ಹೊಂದುತ್ತಾಳೆ

ದಕ್ಷನು ಸೃಷ್ಟಿಯ ಕಾರ್ಯವನ್ನು ವಹಿಸಿಕೊಂಡ ಪ್ರಜಾಪತಿಯಾಗಿದ್ದನು. ಆತನಿಗೆ ಅನೇಕ ಮಕ್ಕಳಿದ್ದರು. ಮೊದಲನೆಯದಾಗಿ, ಆತನಿಗೆ 11,000 ಗಂಡು ಮಕ್ಕಳಿದ್ದರು. ಸೃಷ್ಟಿಯಲ್ಲಿ ಸಹಾಯ ಮಾಡಲು ಅವರು ತಪಸ್ಸು ಮಾಡಲು ನಿರ್ಧರಿಸಿದರು. ಆದರೆ ನಾರದ ಋಷಿಯು ಅವರನ್ನು ತಡೆದು ದೂರ ಕಳುಹಿಸಿದನು. ಅವರು ಹೊರಟುಹೋದರು ಮತ್ತು ಎಂದಿಗೂ ಹಿಂತಿರುಗಲಿಲ್ಲ.

ಆಗ ದಕ್ಷನಿಗೆ 60 ಪುತ್ರಿಯರಿದ್ದರು. ಅವನ ಹೆಣ್ಣುಮಕ್ಕಳು ಪ್ರಮುಖರಾದ ವಿವಿಧ ದೈವಾಂಶ ಸಂಭೂತರನ್ನು ವಿವಾಹವಾದರು. ಹತ್ತು ಪುತ್ರಿಯರು ಧರ್ಮ ನನ್ನು ವಿವಾಹವಾದರು. ಹದಿಮೂರು ಮಂದಿ ಕಶ್ಯಪನನ್ನು ವಿವಾಹವಾದರು. ಇಪ್ಪತ್ತೇಳು ಮಂದಿ ಚಂದ್ರನನ್ನು ವಿವಾಹವಾದರು. ಬಹುಪುತ್ರ,ಅಂಗಿರಾ ಹಾಗೂ ಕೃಶಾಶ್ವರಿಗೆ ಪ್ರಜಾಪತಿಯ ಇಬ್ಬಿಬ್ಬರು ಪುತ್ರಿಯರನ್ನು ಕೊಟ್ಟು ಮದುವೆಮಾಡಲಾಯಿತು. ಆತನ‌ ನಾಲ್ವರು ಪುತ್ರಿಯರು ತಾರ್ಕ್ಷ್ಯನನ್ನು ಮದುವೆಯಾದರು. ಈ ಪುತ್ರಿಯರು ಮತ್ತು ಅವರ ಗಂಡಂದಿರು ಸಕಲ ಚರಾಚರ ಜೀವಿಗಳ ಪೂರ್ವಜರಾದರು.

ದಕ್ಷ ಮತ್ತು ಅವನ ಹೆಂಡತಿ ವೀರಿಣಿ ಇಬ್ಬರೂ   ಮಹಾಮಾಯೆ ದೇವಿಯನ್ನು ಪ್ರಾರ್ಥಿಸಿದರು, ದೇವಿಯು ಅವರ ಆಶಯವನ್ನು ಅಂಗೀಕರಿಸಿ ಅವರ ಮಗಳು ಸತಿಯಾಗಿ ಜನಿಸಿದಳು. ಅವಳು ಶಿವನನ್ನು ಮದುವೆಯಾಗುವ ಉದ್ದೇಶದಿಂದಲೇ ಜನಿಸಿದ್ದಾಳೆ ಎಂದು ನಾರದ ಮತ್ತು ಬ್ರಹ್ಮರು ದಕ್ಷ ಮತ್ತು ಅವನ ಹೆಂಡತಿಗೆ ತಿಳಿಸಿದರು. ಬ್ರಹ್ಮನು ಸತಿಯಲ್ಲಿ ಶಿವನ ಕುರಿತಾದ ಭಕ್ತಿಯನ್ನು ಪ್ರೋತ್ಸಾಹಿಸಿದನು.

ಶಿವನು ಮದುವೆಯಾಗಬೇಕೆಂದು ದೇವತೆಗಳು ಬಯಸಿದ್ದರು. ದೇವಿ ಮಾತ್ರವೇ ಅವನ ಹೆಂಡತಿಯಾಗಬಹುದೆಂದು ಅವರು ಭಾವಿಸಿದರು. ಆದ್ದರಿಂದ, ದೇವಿ ದಕ್ಷನ ಮಗಳಾದ ಸತಿಯಾಗಿ ಜನಿಸಿದಳು.

ಬಾಲ್ಯದಿಂದಲೂ ಸತಿಯು ಶಿವನಿಗೆ ಸಮರ್ಪಿತಳಾಗಿದ್ದಳು. ಅವಳು ಅವನ ಚಿತ್ರಗಳನ್ನು ಚಿತ್ರಿಸುತ್ತಿದ್ದಳು. ಅವಳು ಸ್ಥಾಣು, ರುದ್ರ ಮತ್ತು ಹರರಂತಹ ಹೆಸರುಗಳನ್ನು ಬಳಸಿ ಆತನನ್ನು ಸ್ತುತಿಸುತ್ತಾ ಹಾಡುತ್ತಿದ್ದಳು.

ಸತಿಗೆ ವಯಸ್ಸಾದಾಗ, ತನ್ನ ಹೆತ್ತವರ ಆಶೀರ್ವಾದದಿಂದ ಶಿವನನ್ನು ಮದುವೆಯಾಗಲು ನಿರ್ಧರಿಸಿದಳು. ಆದರೆ ಒಂದು ಸಮಸ್ಯೆ ಇತ್ತು. ಶಿವನಿಗೆ ಮದುವೆಯಲ್ಲಿ ಆಸಕ್ತಿಯಿರಲಿಲ್ಲ. ಆತ ಯೋಗಿಯಾಗಿದ್ದ. ಯಾವಾಗಲೂ ಆಳವಾದ ಧ್ಯಾನದಲ್ಲಿರುತ್ತಿದ್ದ. ಬ್ರಹ್ಮನ ನೇತೃತ್ವದಲ್ಲಿ ದೇವತೆಗಳು ಕೈಲಾಸಕ್ಕೆ ಹೋದರು. ಅವರು ಶಿವನು ಸತಿಯನ್ನು ಮದುವೆಯಾಗುವಂತೆ ಕೇಳಿಕೊಂಡರು. ಬ್ರಹ್ಮಾಂಡವನ್ನು ರಕ್ಷಿಸಲು ಸಹಾಯ ಮಾಡುವ ತನ್ನ ವಾಗ್ದಾನವನ್ನು ಬ್ರಹ್ಮನು ಶಿವನಿಗೆ ನೆನಪಿಸಿದನು.  ಪ್ರಬಲ ರಾಕ್ಷಸರನ್ನು ನಾಶಮಾಡಬಲ್ಲ ಮಗನನ್ನು ಪಡೆಯುವುದಕ್ಕಾಗಿ, ಮದುವೆಯಾಗುವುದಾಗಿ ಶಿವನು ವಾಗ್ದಾನ ಮಾಡಿದ್ದನು. ಆದ್ದರಿಂದ ಬ್ರಹ್ಮನು ಹೇಳಿದ ಕೂಡಲೇ ಶಿವನು ಒಪ್ಪಿಕೊಂಡನು. ಆದರೆ ಕೆಲವು  ನಿಬಂದನೆಗಳನ್ನು ಹಾಕಿದನು. ತನ್ನ ಹೆಂಡತಿ ಯೋಗಿನಿಯಾಗಿರಬೇಕು ಎಂದು ಆತ ಹೇಳಿದನು. ಆಕೆ ಆತನ ಸರಳ ಜೀವನವನ್ನು ಒಪ್ಪಿಕೊಳ್ಳಬೇಕು. ಅವಳು ಅವನ ತಪಸ್ಸಿಗೆ ತೊಂದರೆ ನೀಡಬಾರದು.ಆತನು ಬಯಸಿದಾಗ ಮಾತ್ರ ಅವರು ಒಗ್ಗೂಡಬಹುದಾಗಿತ್ತು. ಅವಳು ಎಂದಾದರೂ ಅವನನ್ನು ಅನುಮಾನಿಸಿದರೆ, ಅವನು ಅವಳನ್ನು ಬಿಟ್ಟುಬಿಡಲೂ ಬಹುದಿತ್ತು. ಸತಿ ಈ ಎಲ್ಲಾ ಷರತ್ತುಗಳನ್ನು ಪೂರೈಸುವಳು ಎಂದು ವಿಷ್ಣು ಶಿವನಿಗೆ ಭರವಸೆ ನೀಡಿದನು. ಆಕೆ ನಿಜವಾದ ಯೋಗಿನಿಯಾಗಿದ್ದಳು ಮತ್ತು ಶಿವನನ್ನು ಮಾತ್ರ ತನ್ನ ಪತಿಯಾಗಿ ಬಯಸಿದ್ದಳು.

ನಂತರ ಶಿವನು ಸತಿಯನ್ನು ಮದುವೆಯಾಗಲು ಒಪ್ಪಿಕೊಂಡನು. ಅವರ ದೈವಲೀಲೆ  ಪ್ರಾರಂಭವಾಗಿತ್ತು. ಅವರ ಸಮಾಗಮವು ಭವಿಷ್ಯದಲ್ಲಿ ಮಹತ್ವದ್ದಾಗಿತ್ತು. ಶಕ್ತಿಶಾಲಿ ರಾಕ್ಷಸರನ್ನು ನಾಶಮಾಡುವ ಮಗನನ್ನು ಶಿವ ಸತಿಯರು ಮಾತ್ರ ಹೊಂದುವುದಕ್ಕೆ ಸಾಧ್ಯವಿತ್ತು. ಇವೆಲ್ಲವೂ ಬ್ರಹ್ಮಾಂಡವನ್ನು ರಕ್ಷಿಸುವ ದೈವಿಕ ಯೋಜನೆಯ ಭಾಗವಾಗಿತ್ತು.

ತಿಳಿದು ಬರುವ ಅಂಶಗಳು -

1. ವಿಧಿಯ ಉದ್ದೇಶ ಮತ್ತು ಕಾಲ: ಬ್ರಹ್ಮಾಂಡದಲ್ಲಿ ಎಲ್ಲವೂ ಒಂದು ಉದ್ದೇಶಕ್ಕಾಗಿ ನಡೆಯುತ್ತದೆ. ಶಿವ ಮತ್ತು ಸತಿಯ ಸಂಯೋಗವು ಬ್ರಹ್ಮಾಂಡವನ್ನು ದುಷ್ಟ ಶಕ್ತಿಗಳಿಂದ ರಕ್ಷಿಸಲೋಸುಗವಾಗಿ  ಉದ್ದೇಶಿಸಲಾಗಿತ್ತು.
2. ಭಕ್ತಿ ಮತ್ತು ಸಂಕಲ್ಪ: ಶಿವನಿಗೆ ಸತಿಯ ಸಮರ್ಪಣೆ ನಮಗೆ ಭಕ್ತಿಯ ಮಹತ್ವವನ್ನು ಕಲಿಸುತ್ತದೆ. ಆಕೆಯ ಅಚಲವಾದ ಪ್ರೀತಿ ಮತ್ತು ದೃಢನಿಶ್ಚಯವು ಆಕೆಯ ಉದ್ದೇಶವನ್ನು ಪೂರೈಸುವಲ್ಲಿ ಪ್ರಮುಖ ಪಾತ್ರ ವಹಿಸಿತು.
3. ಸಾಮೂಹಿಕ ಪ್ರಯತ್ನದ ಶಕ್ತಿ: ಶಿವನನ್ನು ಮನವೊಲಿಸಲು ದೇವತೆಗಳು, ನಾರದರು ಮತ್ತು ಬ್ರಹ್ಮರು ಒಟ್ಟಾಗಿ ಕೆಲಸ ಮಾಡಿದರು. ಸಾಮೂಹಿಕ ಪ್ರಯತ್ನವು ಅತ್ಯಂತ ಸವಾಲಿನ ಗುರಿಗಳನ್ನು ಸಹ ಸಾಧಿಸಬಹುದು ಎಂಬುದನ್ನು ಇದು ತೋರಿಸುತ್ತದೆ.

Knowledge Bank

ಧೃತರಾಷ್ಟ್ರನಿಗೆ ಎಷ್ಟು ಮಕ್ಕಳಿದ್ದರು?

ಕುರು ರಾಜನಾದ ಧೃತರಾಷ್ಟ್ರನಿಗೆ ಒಟ್ಟು 102 ಮಕ್ಕಳಿದ್ದರು. ಅವರು ಒಟ್ಟಾಗಿ ಕೌರವರು ಎಂದು ಕರೆಯಲ್ಪಡುವ ನೂರು ಗಂಡು ಮಕ್ಕಳನ್ನು ಹೊಂದಿದ್ದರು, ದುಶ್ಶಲಾ ಎಂಬ ಮಗಳು ಮತ್ತು ಗಾಂಧಾರಿಯ ದಾಸಿಯಿಂದ ಜನಿಸಿದ ಯುಯುತ್ಸು ಎಂಬ ಮತ್ತೊಬ್ಬ ಮಗ. ಮಹಾಭಾರತದಲ್ಲಿನ ಪಾತ್ರಗಳ ಬಗ್ಗೆ ತಿಳುವಳಿಕೆಯು ಅದರ ಶ್ರೀಮಂತ ನಿರೂಪಣೆಗಾಗಿ ನಿಮ್ಮ ಮೆಚ್ಚುಗೆಯನ್ನು ಹೆಚ್ಚಿಸುತ್ತದೆ

ಸುರಭಿ ಎಂಬ ದೈವಿಕ ಹಸು ಹುಟ್ಟಿದ್ದು ಹೇಗೆ?

ಒಮ್ಮೆ ಬ್ರಹ್ಮನು ಅತಿಯಾಗಿ ಅಮೃತವನ್ನು ಕುಡಿದು ವಾಂತಿ ಮಾಡಿಕೊಂಡನು. ಅದರಿಂದ ಸುರಭಿ ಹುಟ್ಟಿದಳು.